លិខិតគណៈប្រធានទីមួយ

បងប្អូនប្រុសស្រីជាទីស្រឡាញ់ ៖

ព្រះអម្ចាស់បានសន្យាថា « ហើយនេះជាគោលបំណងរបស់យើង ដើម្បីផ្គត់ផ្គង់ដល់ពួកបរិសុទ្ធរបស់យើង » (គ. និង ស. ១០៤:១៥) ។ វិវរណៈនេះគឺជាសេចក្តីសន្យាមកពីព្រះអម្ចាស់ថា ទ្រង់នឹងប្រទានពរជ័យខាងសាច់ឈាម ហើយបើកទ្វារឆ្ពោះទៅកាន់ភាពខ្លួនទីពឹងខ្លួន ដែលជាសមត្ថភាពសម្រាប់យើងក្នុងការផ្គត់ផ្គង់នូវតម្រូវការចាំបាច់នៃជីវិតសម្រាប់ខ្លួនយើង និងសមាជិកគ្រួសារយើង ។

កូនសៀវភៅនេះបានត្រូវរៀបចំឡើងដើម្បីជួយដល់សមាជិកនៃសាសនាចក្រឲ្យរៀន ហើយអនុវត្តតាមគោលការណ៍នៃសេចក្តីជំនឿ ការអប់រំ ការប្រឹងប្រែងធ្វើការ និងការទុកចិត្តលើព្រះអម្ចាស់ ។ ការទទួលយក ហើយរស់នៅតាមគោលកាណ៍ទាំងនេះ នឹងធ្វើឲ្យអ្នកអាចទទួលពរជ័យខាងសាច់ឈាមដែលបានសន្យាដោយព្រះអម្ចាស់កាន់តែប្រសើរឡើង ។

យើងសូមអញ្ជើញអ្នកឲ្យសិក្សាដោយឧស្សាហ៍ព្យាយាម ហើយអនុវត្តគោលការណ៍ទាំងនេះ និងបង្រៀនវាទៅកាន់សមាជិកគ្រួសារអ្នក ។ ប្រសិនបើអ្នកធ្វើដូច្នោះ នោះជីវិតរបស់អ្នកនឹងទទួលបានពរជ័យ ។ អ្នកនឹងរៀនអំពីរបៀបអនុវត្តនៅលើមាគ៌ារបស់អ្នកឆ្ពោះទៅរកភាពខ្លួនទីពឹងខ្លួនកាន់តែប្រសើរឡើង ។ អ្នកនឹងមានពរជ័យ ជាមួយនឹងសេចក្តីសង្ឃឹម សេចក្តីសុខសាន្ត និងការរីកចម្រើនកាន់តែប្រសើរឡើង ។

សូមទុកចិត្តថាអ្នកគឺជាបុត្ររបស់ព្រះវរបិតាដែលគង់នៅស្ថានសួគ៌របស់យើង ។ ទ្រង់ស្រឡាញ់អ្នកហើយទ្រង់នឹងពុំបោះបង់ចោលអ្នកឡើយ ។ ទ្រង់ស្គាល់អ្នក ហើយត្រៀមជាស្រេចដើម្បីប្រទានពរជ័យខាងវិញ្ញាណ និងខាងសាច់ឈាមនៃភាពខ្លួនទីពឹងខ្លួនដល់អ្នក ។

ដោយសេចក្តីស្មោះស្ម័គ្រ

គណៈប្រធានទីមួយ

បោះពុម្ពដោយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ
ទីក្រុង សលត៍ លេក រដ្ឋយូថាហ៍

អនុមតិជាភាសាអង់គ្លេស ៖ 3/15
អនុមតិឲ្យបកប្រែ ៖ 3/15
ការបកប្រែនៃ My Path to Self-Reliance
Cambodian
12378 258