Seminare
1 Ioane 2–4

1 Ioane 2–4

“Le Au Pele e, Ia Tatou Fealofani”

A painting of a mass of people from different ethnic backgrounds. Submission for the 11th Annual Art Competition.

Aisea e faigata ai i nisi taimi ona faaali atu le alofa i isi? E faapefea ona fesootai lo tatou alofa i le Atua i le alofa atu i isi? Na aoao atu e le Aposetolo o Ioane le Au Paia i le ala e mafai ai e le alofa o le Atua mo i latou ona musuia i latou e alolofa i le Atua ma isi (tagai i le 1 Ioane 4:11, 19). O lenei lesona e mafai ona fesoasoani ia te oe ia malamalama ma faaaoga le poloaiga ia alofa atu i isi a o e alofa i le Atua.

Alofa atu i isi

Mafaufau i ni auala se tele e mafai ona e faaumaina ai fuaiupu nei:

E faigofie ona alofa atu i isi pe a …

E sili atu ona faigata ona alofa atu i isi pe a …

Manatunatu loloto i le fesili lenei:

  • O le a se mea e faaosofia ai oe pe faafaigata ai mo oe ona faaalia le alofa mo isi?

O aoaoga a Ioane e uiga i le alofa

Na aoao atu ma le lototoa le Aposetolo o Ioane e uiga i le manaomia ona alofa atu i isi.

Faitau le 1 Ioane 3:16–17 ; 4:7–11, 19–21 ma faailoga upumoni e te manatu o le a fesoasoani ia te oe a o e mafaufau i luitau o le alofa atu i isi. (Manatua o le upu togiola [ 1 Ioane 4:10 ] o lona uiga o se taulaga togisala e faamalieina ai le faamasinoga tonu a le Atua.)

  • O le a se mea na e maua e manaia pe anoa mai aoaoga a Ioane? Aisea?

O se tasi o upumoni na aoao mai e Ioane i nei fuaitau o le afai tatou te alolofa i le Atua, o le a tatou alolofa foi i isi. Atonu e te manao e faailoga le upumoni lenei i le 1 Ioane 4:21 .

Writing on a piece of paper with a pen or pencil. 1. Faamaea le gaoioiga lenei i lau api faamaumau mo suesuega:

Ina ia fesoasoani ia te oe e mafaufau loloto i faamanuiaga o le alofa atu i isi, filifili se tasi o faataitaiga o loo i lalo ma tali fesili o loo mulimuli mai:

a. O se faataitaiga mai le soifuaga o le Faaola ina ua Ia faaalia le alofa mo isi e. O se tasi e te iloa o se faataitaiga faifai pea o le alofa atu i isi i. O ou lava aafiaga o le taumafai e alofa atu i isi, po o aafiaga na faaalia ai e isi le alofa ia te oe o. Faataitaiga o le faaalia o le alofa mo isi mai saunoaga o konafesi aoao po o vitio a le Ekalesia, e pei o le “Ave i o Tatou Luga le Suafa o Iesu Keriso” mai le faailotaimi 4:43 i le 6:15 (o loo maua i le ChurchofJesusChrist.org)

2:3

Ave i o Tatou Luga le Suafa o Iesu Keriso

Ua aoao mai Elder Gay e mafai ona tatou tauaveina i o tatou lava luga le suafa o Iesu Keriso e ala i le vaai e pei ona Ia silasila mai, auauna atu e pei ona Ia auauna atu ai, ma faatuatuaina ua lava Lona alofa tunoa.

  • O le a le mea na faia e lenei tagata/oe e faaalia ai le alofa?

  • E faapefea e a latou/au faatinoga ona faaalia ai le alofa mo le Atua?

  • O a ni taunuuga o le latou/lou faaalia o le alofa?

  • O le a se mea na e aoaoina mai lenei faataitaiga?

O le mauaina o faamanuiaga o le alofa atu i isi

Faitau le 1 Ioane 3:17–18 e iloa ai pe na faapefea ona uunaia i tatou e Ioane ia alolofa atu i isi.

  • O le a sou manatu i le uiga o le alofa atu i isi “i le amio ma le faamaoni”? ( 1 Ioane 3:18).

Atonu foi e aoga le faitau o ni isi o aoaoga a le Faaola e uiga i le alofa o le tasi i le isi o loo tusia i le Mataio 5:43–44 ; 22:37–40 ma le Ioane 13:34 , ma vaavaai pe na faapefea ona aoao mai le Faaola e tatau ona tatou alolofa atu i isi. (Tagai foi i le Ioane 15:12, 17 .)

Fatu se lisi o auala e mafai ona e faaalia ai le alofa mo isi “i le amio ma le faamaoni,” pe e faapei ona alofa mai le Faaola ia i tatou. Atonu e aoga le mafaufau i auala e faaali atu ai le alofa i tagata eseese, e pei o tagata o le aiga, uo, po o tagata o le vasega.

Afai o le a fesoasoani le vaai i ni isi o faataitaiga o le alofa atu i isi “i le amio ma le faamaoni,” mafaufau e matamata i le “Auauna Atu Nei” (2:18) e vaai ai i faataitaiga. O loo maua lenei vitio i le ChurchofJesusChrist.org.

2:18

Now Serving

Each day is full of small chances to do a little good.

Writing on a piece of paper with a pen or pencil. 2. Tali fesili nei i totonu o lau api faamaumau mo suesuega:

  • O le fea o manatu o le faaalia o le alofa sa sili ona tulaga ese mai ia te oe? Aisea?

  • Aisea e taua ai le faamaoni o a tatou amioga?

  • E mafai faapefea e nei faatinoga faamaoni ona fesoasoani pea lava pea ia i tatou ia avea atili ai faapei o Iesu Keriso?

Faaaogaina

Mafaufau i se tasi e te iloa atonu e finagalo le Alii ia te oe e faaali atu i ai le alofa faateleina. Taumafai e mafaufau i le alofa o le Tama Faalelagi ma le Faaola mo i latou. Mafaufau e tatalo i le Tama Faalelagi. Faalogo ma lagona musumusuga i mea atonu e finagalo o Ia e te faia e faaali atu ai le alofa mo lenei tagata. Atonu e te manao e tatalo mo se fesoasoani i au taumafaiga. E ono fesoasoani foi le faasoa atu o mea ua e fuafua e fai i se tagata matua po o se uo faatuatuaina ma fai atu ia i latou e fesoasoani ia te oe.

Faitalia pe Fai: O e Manao e Aoao Atili?

1 Ioane 3:18. O le a le uiga o le alofa atu i “le amio ma le faamaoni”?

Na faamatala mai e Elder Joseph B. Wirthlin (1917–2008) o le Korama a Aposetolo e Toasefululua:

Last official portrait of Elder Joseph B. Wirthlin of the Quorum of the Twelve Apostles, 2004. Died December 1, 2008.

E masani lava, o faaaliga silisili o le alofa o faatinoga faatauvaa o le agalelei ma le agaalofa tatou te faasafua atu ia i latou tatou te feiloai i ai i le ala o le olaga.

(Joseph B. Wirthlin, “O Le Poloaiga Sili,” Ensign po o le Liahona, Nov. 2007, 29)

O a ni isi o faamanuiaga o le alofa atu i isi?

Sa molimau mai Peresitene Dieter F. Uchtdorf, i lena taimi a o i ai i le Au Peresitene Sili, e uiga i faamanuiaga e mafai ona oo mai i le alolofa atu ai i isi.

2:3

The Love of God

Love is the measure of our faith, the inspiration for our obedience, and the true altitude of our discipleship.

Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.

Ona o le alofa o le poloaiga sili lea, e tatau ona i ai i le totonugalemu o mea uma ma mea uma tatou te faia i o tatou lava aiga, i o tatou valaauga i le Ekalesia, ma i o tatou fatuaiga tausi. O le alofa o le suauu faamalolo lea e faaleleia ai va oia faaletagata ma faaleaiga. O le fusi lea na te tuufaatasia aiga, nuu, ma malo. O le alofa o le mana lea na te faamaite faigauo, onosaiga, va fealoaloai, ma le faaaloalo. O le faapogai lea na te faatoilaloina fevaevaeaiga ma le inoino. O le alofa o le afi lea e faamafanafanaina ai o tatou olaga i le olioli e le mafaatusaina ma le faamoemoe paia. O le alofa e tatau ona avea o la tatou savali ma la tatou upu.

Pe a tatou malamalama moni lava i le uiga o le alofa e pei ona alofa Iesu Keriso ia i tatou, o le a manino le tele o le fenumiaiga ma faatulagatonu a tatou fuafuaga tatau. O la tatou savaliga o ni soo o Keriso e avea ma mea e sili atu ona fiafia. O o tatou olaga o le a maua se uiga fou. O le a sili atu ona loloto lo tatou sootaga ma lo tatou Tama Faalelagi.

(Dieter F. Uchtdorf, “O le Alofa o le Atua,” Ensign po o le Liahona, Nov. 2009, 21)

1 Ioane 3:18. E mafai faapefea ona tatou faaalia le alofa “i le amio ma le faamaoni” i a tatou sootaga faaleaiga?

Matamata i le “O Faamanuiaga e Faavavau o le Faaipoipoga” mai le faailotaimi 6:23 i le 8:41 e vaai ai ia Elder Richard G. Scott (1928–2015) o le Korama a Aposetolo e Toasefululua o loo faamatala mai ni galuega agalelei sa la faafesuiai ma lona faletua, pe matamata i le “E Valavala Uso e Toalua” (6:12), lea e faaalia ai uso e toalua o loo aoao e malamalama ma alofa le tasi i le isi.

15:3

The Eternal Blessings of Marriage

The temple sealing has greater meaning as life unfolds. It will help you draw ever closer together and find greater joy and fulfillment.

//media.ldscdn.org/webvtt/general-conference/april-2011-general-conference/2011-04-5010-elder-richard-g-scott-en.vtt

6:13

Two Brothers Apart

Follow Luke and Sam over several years as they struggle to understand and connect with each other.

1 Ioane 4:12. O le a le uiga o le tala a Ioane ina ua ia fai mai “e lei vaaia le Atua e se tasi [i soo se taimi]”?

“O le Faaliliuga a Iosefa Samita o lenei fuaiupu ua faamanino mai ai le manatu sese faapea e le mafai e tagata soifua ona vaai i le Atua: ‘E leai se tagata ua vaaia le Atua i soo se taimi, sei vagana i latou o e talitonu’ (i le 1 Ioane 4:12 , vaefaamatalaga a). Na faaauau Ioane i le aoao atu: ‘A tatou fealofani, ua tumau le Atua i totonu ia te i tatou, ua atoatoa foi lona alofa i totonu ia i tatou’ ( 1 Ioane 4:12). O Ioane lava ia na vaai i le Atua le Tama (tagai i le Faaaliga 5:1 ; MF&F 67:11). Ina ia faitau atili e uiga i le mafai e tagata faitino ona vaai i le Atua, tagai Ioane 14:23 ; Galuega 7:56 ; MF&F 93:1 ; Iosefa Samita—Talafaasolopito 1:16–17 ” (Tusi Lesona a le Tagata Aoga o le Feagaiga Fou [2014], 517).

1 Ioane 4:20–21. O ai o tatou “uso/tuagane”?

Na faamatala mai e Peresitene Russell M. Nelson:

Official portrait of President Russell M. Nelson taken January 2018

O a tatou faamuamua aupito maualuluga i le olaga o le alofa lea i le Atua ma alolofa i o tatou tuaoi. O lena mea e aofia faalauaitele ai tuaoi i lo tatou lava aiga, lo tatou nuu, lo tatou atunuu, ma lo tatou lalolagi.

(Russell M. Nelson, “Aoao ia i Matou le Onosai ma le Alofa,” Ensign po o le Liahona, Me 1994, 69)