Վարդապետության սերտում. Ա Կորնթացիս 11.11
Տղամարդիկ և կանայք հավասարապես կարևոր են Երկնային Հոր ծրագրում
Ա Կորնթացիս 11 գլխի ուսումասիրության ժամանակ դուք սովորեցիք, թե Աստված ինչպես է վերաբերվում կանանց և տղամարդկանց եզակի և աստվածային դերերին: Այս դասի նպատակն է օգնել ձեզ լավագույնս սերտել այս ուսմունքները, որպեսզի դուք կարողանաք մտապահել Ա Կորնթացիս 11.11 հղումը և հիմնական արտահայտությունը, բացատրել վարդապետությունը և կիրառել հոգևոր գիտելիքներ ձեռք բերելու սկզբունքները իրական կյանքում:
Բացատրեք և մտապահեք
Նայեք ձեր ձեռքերին: Նկատեք, թե որքան նման են դրանք ուրիշների ձեռքերին և, միևնույն ժամանակ, որքան տարբեր:
1. Ձեր օրագրում պատասխանեք հետևյալ հարցերին.
-
Եթե յուրաքանչյուր ձեռք կարող է առանձին գործել, ապա, ձեր կարծիքով, Երկնային Հայրն ինչո՞ւ է Իր զավակների համար երկու ձեռք նախատեսել:
-
Ձեր ձեռքերի միջև եղած տարբերություններն ինչպե՞ս են ձեզ օգնում հանձնարարություններ կատարել կամ օգտագործել ձեր տաղանդները:
-
Ձեր ձեռքերի մասին այս նկատառումներն ինչպե՞ս են առնչվում Ա Կորնթացիս 11.11 հատվածին:
Հետևյալ վարժությունը կարող է օգնել ձեզ մտապահել Ա Կորնթացիս 11.11 հատվածը վարդապետության սերտման հղումը և հիմնական արտահայտությունը. «Բայց դարձեալ ոչ կինն առանց մարդի, եւ ոչ մարդն առանց կնկայ, Տէրումը»:
Գրեք հիմնական արտահայտությունը և հղումը: Կարդացեք հիմնական արտահայտությունը և հղումը մի քանի անգամ՝ ամեն անգամ ջնջելով բառերից մեկը: Շարունակեք, մինչև կարողանաք կրկնել հիմնական արտահայտությունը և հղումը՝ առանց բառերին նայելու:
Գործնական կիրառում
Ձեր օրագրում գրանցեք հոգևոր գիտելիքներ ձեռք բերելու հետևյալ սկզբունքները.
-
Գործեք հավատքով
-
Քննեք հասկացություններն ու հարցերը հավերժության հեռանկարով
-
Ձգտեք մեծացնել հասկացողությունը աստվածային աղբյուրների միջոցով
Երկու կամ երեք նախադասությամբ նկարագրեք սկզբունքներից յուրաքանչյուրը: Դուք կարող եք անդրառնալ պարբերություններ 5–12-ին Վարդապետության սերտման հիմնարար փաստաթղթում (2022)՝ ձեր գիտելիքները ստուգելու և կարևոր տեղեկություններ ավելացնելու համար:
Ա Կորնթացիս 11.11 հատվածում դուք սովորել եք, որ կանայք և տղամարդիկ հավասարապես կարևոր են Երկնային Հոր ծրագրում:
-
Այս ճշմարտությունն ինչպե՞ս է աղավաղվել կամ անտեսվել հասարակության մեջ:
-
Ի՞նչ իրավիճակներում է ձեզ առիթ ընձեռվել ուսուցանել կամ պաշտպանել այս ճշմարտությունը:
Ընտրեք հետևյալ սցենարներից մեկը և մտածեք, թե հոգևոր գիտելիքներ ձեռք բերելու սկզբունքներն ինչպես կարող են օգնել որևէ մեկին հասկանալ Ա Կորնթացիս 11.11 հատվածում ներկայացված ճշմարտությունը՝ Երկնային Հոր ծրագրում տղամարդկանց և կանանց դերերի մասին:
-
Կալիի կրտսեր քույրը՝ Էլլեն, լսել է, որ որոշ տղաներ դպրոցում ասել են, թե տղամարդիկ ավելի կարևոր են, քան կանայք: Էլլեն հարցնում է Կալիին. «Մի՞թե ես նույնքան արժանավոր չեմ, որքան տղաները»:
-
Ռեյդը մտահոգված է, քանի որ լսել էր, թե քվորումի որոշ անդամներ ինչպես են անհարգալից տոնով խոսում կանանց մասին:
-
Հայտնի ֆիլմը նայելուց հետո ընկերների խումբը ծաղրում է հոր կերպարի ծիծաղելի արարքները: Մի քանիսն ասում են, որ հայրը ավելորդ էր, ինչից հետո ընկերներից մեկը հայտարարում է. «Ահա թե ինչու դուք տղամարդու կարիք չունեք՝ երջանիկ ընտանիք ստեղծելու համար»:
-
Էստեբանը և Կլարան պատրաստվում են ամուսնանալ տաճարում: Նրանց ծնողները առաջարկում են, որ նրանք խոսեն, թե նրանցից յուրաքանչյուրն ինչպես է կատարելու իր տարբեր դերերը և պարտականությունները իրենց ապագա ընտանիքում:
2. Սուրբ գրությունների ուսումնասիրության ձեր օրագրում պատասխանեք այս հարցերից երեքին.
Գործեք հավատքով
-
Դուք կամ սցենարում ներկայացված անձինք ինչպե՞ս կարող են հավատքով պատասխանել այս հարցին:
-
Կանանց և տղամարդկանց եզակի և կարևոր դերերը գնահատելն ինչպես է ձեզ օգնում հետևել Հիսուս Քրիստոսին:
Քննեք հասկացություններն ու հարցերը հավերժության հեռանկարով
-
Ինչ գիտեք Երկնային Հոր և Նրա ծրագրի մասին, որը կարող է օգտակար լինել նմանատիպ իրավիճակում:
-
Որո՞նք են տղամարդկանց և կանանց դերերը Երկնային Հոր ծրագրում:
Ձգտեք ստանալ լրացուցիչ տեղեկություն աստվածային աղբյուրների միջոցով
-
Ա Կորնթացիս 11.11 հատվածի ձեր ընկալումը և վկայությունն ինչպես կարող են օգնել ձեզ արձագանքել այս իրավիճակին:
-
Սուրբ գրությունների կամ Եկեղեցու ղեկավարների ուրիշ ի՞նչ ոգեշնչված ուսմունքներ կարող են օգնել ձեզ հավատարմությամբ պատասխանել: