Iloiloga 19 o le Atamai i Aoaoga Faavae

Tauloto Mau Faasino ma Fasifuaitau o Mau Autu

O le manatuaina o fuaitau o tusitusiga paia atoa ma mea o loo aoaoina mai ai e mafai ona fesoasoani ia te oe i le tele o auala. O lenei lesona ua faamoemoe e fesoasoani ia te oe e tauloto ai nisi o mau faasino o tusitusiga paia mo le atamai i aoaoga faavae ma fasifuaitau autu o mau o le Feagaiga Fou. 

Tauloto fasifuaitau autu o mau

O a nisi o auala na faaaoga ai e le Faaola tusitusiga paia i le taimi o Lona soifuaga faaletino?

Ina ua faaosoosoina le Faaola e Satani, sa Ia faaaogaina upumoni mai tusitusiga paia e fesoasoani ai ia te Ia e faatoilalo na faaosoosoga (tagai i le Mataio 4:1–11). Sa Ia faaaogaina soo foi tusitusiga paia i Ana aoaoga (tagai i le Luka 4:17–27; Mataio 19:4–5; Mataio 24:37–40; Mareko 12:26). A o e taulotoina mau faasino o le atamai i aoaoga faavae ma fasifuaitau autu o mau i lenei lesona, mafaufau pe mafai faapefea e nei fuaitau ona fesoasoani ia te oe ma isi. Afai e te lei faailogaina nei fuaitau o mau ma a latou fasifuaitau autū i au tusitusiga paia, mafaufau ia faia.

Mau Faasino	Fasifuaitau Autu o Mau
Mau Faasino Eperu 12:9	Fasifuaitau Autu o Mau O le Atua “o le Tama o agaga.”
Mau Faasino Iakopo 1:5–6	Fasifuaitau Autu o Mau “A e afai ua leai se poto i so outou, ina ole atu ia i le Atua.”
Mau Faasino Iakopo 2:17–18	Fasifuaitau Autu o Mau “E faapea foi le faatuatua, pe afai e le i ai galuega, e mate lava ia ina ua na o ia.”
Mau Faasino 1 Peteru 4:6	Fasifuaitau Autu o Mau “[Na] folafola atu ai le talalelei i e ua oti.”
Mau Faasino Faaaliga 20:12	Fasifuaitau Autu o Mau “Ona faamasinoina ai lea o e na oti … e tusa ma a latou amio.”

I lau api faamaumau mo suesuega, kopi le siata na muamua atu. O le ta‘u leotele atu o upu a o e tusia e mafai ona fesoasoani ia te oe e manatua ai. Toe faitau leotele mau faasino ma fasifuaitau autu pe a uma ona tusia.

Fai ia le itiiti ifo ma le lua o gaoioiga nei:

Faaalu ni nai minute e taumafai ai e tauloto mau faasino o le atamai i aoaoga faavae ma fasifuaitau autu o mau. Ona pupuni lea o mau faasino ma taumafai e ta‘u mai mau faasino a o tilotilo na o le fasifuaitau autu. Ona pupuni lea o fasifuaitau autu o mau ma taumafai e ta‘u mai a o tilotilo i mau faasino.
I le galulue faatasi ai ma se paga, fai atu i le isi e fai leotele mai se mau faasino ae fai mai e le isi le fasifuaitau autu talafeagai o le mau. Toe fai mo ni nai taimi le mau faasino o le atamai i aoaoga faavae ma fasifuaitau autu, taumafai e tauloto mau ma fasifuaitau. Ona taumafai lea e fai lenei mea e aunoa ma le tilotilo i le siata. Ona fesuiai lea o matafaioi.
A uma ona faaalu ni nai minute e tauloto ai mau faasino o le atamai i aoaoga faavae ma fasifuaitau autu o mau, taumafai e faatumu upu o loo misi i mau faasino ma fasifuaitau autu nei e lei maea. E mafai foi ona e faaaogaina le polokalama o le Atamai i Aoaoga Faavae e faataitai ai le faatumuina o avanoa.
- Eperu :9. O leAtua leo.
- 1:5–6. Ae afai uase ia te , ina atui le Atua.
- Iakopo 2:–. Faatuatua,eleai, e moni.
- 1 Peteru:6. Ole[sa]faapenafoiilatou.
- 20:12. Ma ua faamasinoina e ua oti … ema agaluega.
Filifili se tasi o fuaitau o le atamai i aoaoga faavae ma taumafai e tauloto le fuaiupu atoa po o ni fuaiupu. Tusi le tele e te mafaia o mau faasino e lima o le atamai i aoaoga faavae ma fasifuaitau autu o mau mai lou mafaufau.

Toe manatunatu

Filifili se tasi pe lua o fuaitau o le atamai i aoaoga faavae sa e galue ai i le asō ma faitau le fuaitau atoa. Mafaufau pe aisea e taua ai le manatuaina o lenei fuaitau.