Atamai i Aoaoga Faavae Iloiloga 4

Faaaoga Fuaitau o Mau o le Atamai i Aoaoga Faavae

Youth engaged in a group activity. They are seated in a circle in an outdoor setting.

O se tasi faamoemoega o le atamai i aoaoga faavae o le fesoasoani atu lea ia te oe e aoao pe faapefea ona faaaoga i lou olaga aoaoga faavae o loo aoaoina i fuaitau o mau o le atamai i aoaoga faavae. O lenei lesona o le a tuuina atu ai ia te oe avanoa e faataitai ai ona faaaoga fuaitau o mau o le atamai i aoaoga faavae i ata faataitai e talitutusa ma tulaga e ono feagai ai ma oe i lou lava olaga.

E faapefea ona faatatau mau i lo’u olaga?

O se alii talavou e igoa ia Niko sa faaaluina le tele o lona taimi e suesue ai i tusitusiga paia. E na te iloa tala i tusitusiga paia e tele ma ua ia taulotoina le tele o mau. Ae ui i ana taumafaiga, e faafaigata ia Niko ona iloa pe faapefea ona faatatau mau i ona lava tulaga ma ana fesili.

O le a sau tala e ono fai ia Niko e fesoasoani ai ia te ia e na te iloaina ai pe faapefea ona faatatau tusitusiga paia i lona olaga?
O le a se taimi na e faaaogaina ai se upumoni mai tusitusiga paia i lou olaga?

O lenei lesona o le a fesoasoani ia te oe e faaaoga upumoni o loo aoaoina i fuaitau o mau o le atamai i aoaoga faavae i tulaga moni o mea e tutupu i le olaga.

Mau faasino ma fasifuaitau autu o mau

Ua tuuina atu i lalo ia mau faasino ma fasifuaitau autu o mau o le atamai i aoaoga faavae mai le afa muamua o le Feagaiga Fou. Toe iloilo lenei siata, ma, pe afai e te lei faia, mafaufau e faailoga nei fuaitau i totonu o au tusitusiga paia.

Mau Faasino	Fasifuaitau Autu o Mau
Luka 2:10–12	“Aua o le aso nei ua fanau ai i le aai o Tavita, lo outou Faaola, o le Alii ia o Keriso.”
Ioane 3:5	“Afai e le fanau se tasi i le vai ma le Agaga, e le mafai ona sao o ia i le malo o le Atua.”
Ioane 3:16	“Aua ua faapea lava ona alofa mai o le Atua i le lalolagi, ua ia aumai ai lona Atalii e Toatasi.”
Mataio 5:14–16	“Ia faapea ona pupula atu lo outou malamalama i luma o tagata.”
Mataio 11:28-30	“Ia outou o mai ia te au, o outou uma o e tigaina ma mafatia i avega, o a’u foi e malolo ai outou.”
Mataio 16:15–19	Na fetalai Iesu, “Ou te avatu foi ia te oe ki o le malo o le lagi.”
Ioane 7:17	“Ai se tasi e fia fai lona finagalo, e iloa ai e ia le mataupu.”
Mataio 22:36–39	“E te alofa atu i le Alii lou Atua. … E te alofa atu i lē lua te tuaoi.”
Luka 22:19–20	Na poloai mai Iesu Keriso, ia aai ma feinu i le faamanatuga “e fai ma faamanatuga ia te au.”
Ioane 17:3	“O le ola e faavavau foi lenei, ia latou iloa oe le Atua moni e toatasi … ma Iesu Keriso.”
Luka 24:36–39	“Aua o le agaga e leai sona aano ma ni ivi, pei o a’u nei ua outou vaavaai i ai.”

O a ni auala ua e faaaogaina ai pe e mafai ona faaaogaina ai i lou olaga nisi o upumoni o loo aoaoina i nei fuaitau o mau o le atamai i aoaoga faavae?

Faaaogaina o aoaoga faavae i tulaga moni o loo tutupu i le olaga

1. Filifili se tasi o ata faataitai o loo mulimuli mai, ona filifili lea o se fuaitau o mau o le atamai i aoaoga faavae mai le siata ua e lagona e mafai ona fesoasoani i le tagata o loo i ai i lena tulaga. Faamatala lau tali.

Ua fesili atu lau uo ia te oe, “O le a le mea e taua ai lava Iesu Keriso?”
A o amata ona aoao se uo e uiga i le talalelei, ua ia fesili, “Aisea e manaomia ai ona ou papatiso? E lē mafai ona tau a ona ou avea ma se tagata lelei?”

Filifili se tasi o ata faataitai o loo mulimuli mai.

Ua e lagonaina le lofituina i le olaga ma ua e mafaufau po o fea e te liliu i ai mo se mapusaga.
Ua faamamafa atu e ou matua le taua o le faia o oe ma faataitaiga mo isi tagata.

2. E faavae i le ata faataitai na e filifilia, tali fesili nei i lau api talaaga o suesuega:

O le fea o fuaitau o mau o le atamai i aoaoga faavae ua e manatu e fesootai ma lenei ata faataitai?
O a nisi upu po o fasifuaitau faapitoa mai lenei fuaitau o mau o le atamai i aoaoga faavae o le a sili ona fesoasoani i lenei tulaga ?

Ioane 3:163. Fatu se ata faataitai e fesootai i le aoaoga faavae o loo aoaoina i le

. Tusifaamaumau lau ata faataitai i lau api talaaga o suesuega.