Eperu 11, Vaega 2

Ola Ai i le Faatuatua ia Iesu Keriso

Autalavou o loo saunia meaai mo le galuega auauna atu i Puerto Rico

Pe na i ai se taimi na e mafaufau ai pe faapefea ona tumau le faatuatua o nisi o tagata e tusa lava pe o feagai ma tofotofoga aupito sili ona faigata o le olaga? O le a se mea ua latou malamalama i ai e uiga i le Tama Faalelagi ma Iesu Keriso ua fesoasoani ia i latou e onosai tumau ai? Ina ua uma ona aoao atu le Au Paia i Eperu e uiga i le faatuatua, sa fautuaina i latou e Paulo e faaaoga lo latou faatuatua ia Iesu Keriso e pei ona sa faia e isi tagata faatuatua. O lenei lesona e mafai ona fesoasoani ia te oe e faateleina ai lou manao e ola e ala i le faatuatua ia Iesu Keriso ma iloa faamanuiaga e tuuina mai e le Atua ia te oe ona o lou faatuatua.

Faatino i le faatuatua

Mafaufau i tagata i tusitusiga paia po o le talafaasolopito o le Ekalesia po o tagata e te iloaina na faamanuiaina e le Atua ona sa latou faatinoina le faatuatua ia Iesu Keriso. O ata nei e mafai ona fesoasoani e te manatua ai nisi o nei tala.

O le perofeta o le Feagaiga Tuai o Enoka ma tagata mai le Nuu o Siona na aveolaina. O loo faaalia ai tagata o loo tootutuli i luga o se ao. O loo sisii i luga lima o Enoka i le ea.

O se tamaitai o loo taoto i luga o le eleele a o aapa atu o ia mo le tuupao o le ofu o Iesu Keriso.

O le perofeta o le Tusi a Mamona o Helamana o loo tietie i se solofanua paepae. O loo taitaia e Helamana se autau o fitafita talavou sa Lamana e 2,000. O loo savavali fitafita ma ni tao. Mau faasino: Alema 53:16-22.

O Iosefa Samita o loo saofai i luga o le fola i luga o ni vaovao i le falepuipui o Liperate o loo tusitusi i luga o se fasi pepa ae o loo susulu atu le la i ona luga.

O le a se mea e tumatila ia te oe i le tala o lenei tagata?
E faapefea ona aafia ai i tatou pe a tatou faalogo pe faasoa mai ni tala o le faatuatua? Aisea?

I le lesona talu ai, sa e aoao ai i le uiga o le i ai o lou faatuatua ia Iesu Keriso. Mafaufau pe faapefea e le faatinoina o le faatuatua faateleina ia te Ia ona faamalosia ai oe i tulaga e te ono lagona ai le vaivai ma le faavaivaiina. Atonu e fesoasoani le faamauina o nei lagona i lau api faamaumau mo suesuega. A o e suesue i le asō, mafaufau loloto pe mafai faapefea ona e faateleina lou manao ma le gafatia e faatino lou faatuatua.

O i latou o e ola “i le faatuatua”

E pei ona tusia i le Eperu 11, sa faasoa atu e Paulo le tele o faataitaiga o tagata i le Feagaiga Tuai o e sa ola “i le faatuatua” ma “e ala i le faatuatua.” E mafai ona e maitauina le ta’ua faafia o nei fasifuaitau i le Eperu 11. A o e suesue i nisi o faataitaiga na faasoa atu e Paulo i le Au Paia i Eperu, mafaufau pe na faapefea ona faaalia le alofa ma le agalelei o le Atua i taui ma faamanuiaga na Ia faaee i luga o i latou o e na faatinoina i le faatuatua.

Fatu se siata e lua koluma i lau api faamaumau mo suesuega e faapei o lenei. Ia mautinoa o lava se avanoa i lalo o ulutala taitasi.

Auala na faatinoina ai le faatuatua	O le ala na tauia ai e le Atua faatinoga o le faatuatua

Suesue le tasi pe sili atu o seti o fuaiupu nei. A o e suesue, tusi ou malamalamaaga i le siata i lau api faamaumau mo suesuega.

Tusitusi i luga o se fasipepa i se peni po o se penitala.

E ala i faataitaiga o le faatuatua na faasoa mai e Paulo, e mafai ona tatou aoaoina le tele o upumoni e uiga i le faatuatua, le Atua, ma i tatou lava. O se tasi o upumoni o loo faaalia i lenei mataupu atoa o loo aoao mai i le Eperu 11:6: E tauia e le Atua i latou o e faatinoina le faatuatua ia Iesu Keriso. Afai e te lei faia, mafaufau e maka le “o ia foi na te tauia mai o e matuā saili ia te ia te ia” i le fuaiupu 6.

E mafai faapefea e le sailia ma le filiga o le Atua ona avea o se auala e faatino ai lou faatuatua?
Aisea e te manatu ai e fiafia le Tama Faalelagi pe a tatou faatino lo tatou faatuatua?

Ola ai i le faatuatua

E faaopoopo atu i le faamanuiaina o le toatele o tagata i le taimi ua tuanai mo le faatinoina o le faatuatua ia te Ia, o le Atua “o ia foi na te tauia mai o e matuā saili ia te ia te ia” (Eperu 11:6) i o tatou aso.

A mafai, matamata i le “Pure and Simple Faith” (5:21), o loo maua i le ChurchofJesusChrist.org. A o e matamata i le vitio, vaavaai pe na faapefea ona faamanuiaina e le Atua se tamaitai talavou ma lona aiga a o latou faatinoina lo latou faatuatua ia Iesu Keriso. Ia mafaufau foi i auala ua faamanuiaina ai oe e le Atua a o e faatinoina le faatuatua ia te Ia.

Pure and Simple Faith
A young woman exhibits faith that God will provide a way to meet her family’s basic needs.

Mafaufau i se taimi na faamanuiaina ai oe po o se tasi e te iloa e le Atua mo le faatinoina o le faatuatua ia Iesu Keriso.

Ua aoao mai Peresitene Russell M. Nelson:

O mea lelei uma i le olaga—o faamanuiaga faamoemoeina uma e i ai le taua e faavavau—e amata i le faatuatua. O le faatagaina o le Atua ia manumalo i o tatou olaga e amata i le faatuatua o loo Ia finagalo e taiala i tatou.

(Russell M. Nelson, “Ua Toetu Keriso; O Le Faatuatua ia te Ia O Le A Aveesea ai Mauga,” Liahona, Me 2021, 102)

Toe manatunatu i mea ua e aoaoina ma ou faalogona a o e suesue e uiga i le faatuatua i le Eperu 11. O le a se mea ua e lagonaina na musuia ai oe e fai ona o se taunuuga o mea na e suesueina? O le a se mea e mafai ona e faia ina ia faatino ai ma le faatuatua atili ia Iesu Keriso? Tusi faamaumau ou mafaufauga ma uunaiga i lau api faamaumau mo suesuega.

Faitalia pe Fai: O e Manao e Suesue Atili?

E faapefea ona ou maua faamanuiaga mai le Atua?

Na aoao mai Elder Dale G. Renlund o le Korama a Aposetolo e Toasefululua:

E Tele Mea e Manuia ai
Ua aoao mai Elder Renlund ua finagalo le Tama Faalelagi ma Iesu Keriso e faamanuia i tatou ae e tatau ona tatou faatuatua ia Keriso ma faia faatinoga e usiusitai ai i tulafono ia e faalagolago i ai faamanuiaga.

O le tele o faamanuiaga e finagalo le Atua e foai mai ia i tatou e manaomia ai le faatinoga o la tatou vaega—o faatinoga e faalagolago i lo tatou faatuatua ia Iesu Keriso. O le faatuatua i le Faaola o se mataupu faavae o faatinoga faapea foi ma le mana.  Muamua tatou te faatino i le faatuatua; ona oo mai lea o le mana—e tusa ma le finagalo ma le taimi a le Atua. E taua le faasologa. Peitai, o le faatinoga manaomia e laitiiti lava pe a faatusa i faamanuiaga e iu ina tatou maua [tagai i le Mosaea 2:24–25].

(Dale G. Renlund, “E tele Mea e Manuia ai,” Liahona, Me 2019, 70)

O le a se mea e mafai ona ou aoao mai i faataitaiga a tagata faatuatua o le Ekalesia i aso nei?

O vitio nei o loo faamatala ai faataitaiga o tagata taitoatasi o e sa faaalia le faatuatua i le Tama Faalelagi ma Iesu Keriso. Mafaufau pe mafai faapefea e a latou faataitaiga ona faatosinaina oe e faatino se faatuatua sili atu i lou olaga. O loo maua nei vitio i luga o le ChurchofJesusChrist.org.

Vitio: “My New Life” (8:20)

8:20
My New Life
Watch and share a new Mormon Messages video, “My New Life,” to see the inspiring story of a woman who not only survived a serious accident but is now a thriving example of courage, love, and faith in Jesus Christ, through whom all is well.
Vitio: “Sealed Together: The Manaus Temple Caravan” [14:14]

14:14
Sealed Together: The Manaus Temple Caravan
In 1992, a group of Latter-day Saints helped transform the Church in Manaus, Brazil by making a 3,000 km trek to the Sao Paulo Temple.
Vitio: “Living beyond ‘What If?’: Cambry Kaylor” [14:47]

14:47
Living Beyond “What If?” | Cambry Kaylor
Cambry Kaylor was a promising equestrian vaulter with dreams of competing internationally. At age 18 she suffered an accident while vaulting, leaving her a paraplegic, but that didn’t stop her from achieving her dreams.
Fuaitau o le vitio: “Faith Is Not by Chance, but by Choice” [10:49–14:13]

15:1
O Le Faatuatua E Le Tupu Faafuasei, ae e ala i Filifiliga
Ua talanoaina e Elder Andersen le mafai faapefea ona tatou filifili e faamalosia ma puipuia lo tatou faatuatua.

Afai ou te le mauaina ni tali po o ni faamanuiaga, pe le o lava ea lo‘u faamaoni?

Na aoao mai Elder Ronald A. Rasband o le Korama a Aposetolo e Toasefululua:

E anoanoai vavega, o faailoga, ma mea ofoofogia i ē o mulimuli ia Iesu Keriso i ona po nei, i ō outou olaga ma i lo’u foi. …

… E le o taimi uma o ni mea tatou te ole atu ai po o mea foi tatou te faamoemoeina, ae a tatou faalagolago i le Alii, o le i ai o Ia iina, ma o le a sa’o lava o Ia. O le a Ia fetuunaia le vavega ma le taimi tatou te manaomiaina ai. …

E i ai taimi tatou te faamoemoe ai mo se vavega e faamalolo ai se e pele, e toe mimilo ai se amioga le sao, pe faamalulu ai le loto o se tagata ua tiga pe faaseseina. O le vaai atu i mea e ala i mata faaleolaga nei, tatou te mananao ai i le Alii ia fesoasoani mai, e toe faaleleia le mea ua faaleagaina. E ala i le faatuatua, o le a oo mai le vavega, e ui atonu e le o la tatou taimi atofaina po o le faaiuga sa tatou mananao ai. Pe o le uiga o lena mea ua itiiti lo tatou faatuatua pe ua tatou le agavaa mo Lana fesoasoani? Leai. O pele i tatou a le Alii. Na Ia ofoina mai Lona soifua mo i tatou, ma o Lana Togiola o loo faaauau pea ona faasaoloto ai i tatou mai avega ma agasala pe a tatou salamo ma faalatalata atu ia te Ia.

Ua faamanatu mai e le Alii ia i tatou “O o’u ala e le o outou ala” [Isaia 55:8]. Ua Ia ofo mai, “Ia outou o mai ia te au, o outou uma o e tigaina ma mafatia i avega, o au foi e malolo ai outou” [Mataio 11:28]—malolo mai le popole, o le le fiafia, atuatuvale, le usiusitai, atugalu mo e pele, po o le toilalo po o ni miti ua le taulau. O le filemu i le taimi o le fememea’i po o le faanoanoa o se vavega. Manatua afioga a le Alii: “Ou te lei tautala atu ea le filemu i lou mafaufau e uiga i le mataupu? O le a se molimau sili atu e mafai ona e maua mai lo lena mai le Atua?” [Mataupu Faavae ma Feagaiga 6:23]. O le vavega, o Iesu Keriso, le Ieova Sili, o le Alo o Le Silisiliese, o loo tali mai i le filemu.

(Ronald A. Rasband, “Faauta! O Au o se Atua o Vavega,” Liahona, Me 2021, 109, 111)