Luka 2:1–14

“Auā o le aso nei ua fanau ai … lo outou Faaola”

Na malaga atu Iosefa ma Maria i Peteleema, lea na fanau ai Iesu. Sa fofoga mai e se agelu le fanau mai o le Faaola e latalata i Peteleema (tagai i le Luka 2:9–12),“ona faafuasei lea ona faatasi mai … o au mai le lagi e toatele, ua vivii i le Atua ua faapea ane, O le viiga i le Atua i mea aupitoaluga, ma le manuia i le lalolagi” (Luka 2:13–14). Ua faamoemoe lenei lesona e fesoasoani ia te oe e toe faamanatu ai mea na tutupu i le fanau mai o le Faaola ma faailoa atu ia te oe le aoaoga faavae o loo aoaoina i le fuaitau o le atamai i aoaoga faavae Luka 2:10–12. O le a e suesue i le matafaioi a Iesu Keriso o lou Faaola ma aoao le mea Na ia laveaiina mai ai oe ina ia e, e pei o agelu, vivii atu foi ma viia le Atua mo le meaalofa o Lona Alo.

O Le Fanau Mai o Iesu

O a ni faamatalaga e te fiafia ai i le Fanau Mai o Iesu?
Aisea e taua ai nei faaamatalaga ia te oe?

Faitau le Luka 2:1-14, ma vaavaai mo ni faamatalaga e taua ia te oe po o ni faamatalaga fou atonu e te le’i matauina muamua i le tala o le Fanau Mai o Iesu.

O a ni faamatalaga i le tala o le Fanau Mai o Iesu sa e maitauina e taua ia te oe?

Ua fanau mai se Faaola

Toe faitau le Luka 2:10-12 , ma e vaavaai i le auala na fofoga mai ai e le agelu le fanau mai o Iesu.

O leLuka 2:10-12 o se fuaitau o le atamai i aoaoga faavae. Mafaufau e faailoga fuaitau o mau o le atamai i aoaoga faavae i se auala iloga ina ia mafai ai ona e maua gofie. O le a e aoao atili e uiga i lenei fuaitau o le atamai i aoaoga faavae i le lesona e sosoo ai.

O le a le faalagiga muamua sa faaaoga e le agelu mo Iesu Keriso ina ua ia faalauiloa atu le fanau mai o Iesu i le au leoleo mamoe?
Aisea e taua ai, e ui ina tele faalagiga o Iesu Keriso, ae sa faaaoga e le agelu le suafa lea e faalauiloa ai Lona fanau mai?

Atonu o le a fesoasoani atu le iloaina o le uluai faaliliuiga o le Tusi Paia i le faaEleni, o le upu na faaaoga mo le Faaola o le isi ona uiga o le e lavea’i po o le e faasaoina.

O se tasi o upumoni o loo a’oa’o mai i lenei fuaitau o le O Iesu Kersio o le Faaola o le lalolagi.

Tatou te mana’omia se Faaola

Sa faasoa mai e Elder D. Todd Christofferson o le Korama Aposetolo e Toasefululua le aafiaga lenei:

I se taimi e lei mamao atu, sa fesili mai ai ia te a’u se tagata sa auai i le Ekalesia mo le tele o tausaga, “Aisea ou te manaomia ai Iesu Keriso? Ou te tausia poloaiga; O a’u o se tagata lelei. Aisea ou te manaomia ai le Faaola?” E tatau ona ou faapea atu, o le lē malamalama o lenei tagata o le ekalesia i lenei vaega aupito taua o la tatou aoaoga faavae, lenei elemene faavae o le ata o le faaolataga, sa matuai o’u ofo ai lava.

(D. Todd Christofferson, “Aisea Tatou Te Mana’omia ai Iesu Keriso,” Liahona, Tes. 2020, 19-20)

Faaaoga se avanoa e mafaufau ai pe faapefea ona e tali atu, mai ou lava manatu ma lagona, pe ana faapea o loo e tu i le tulaga o Elder Christofferson.

E mafai ona tatou aoao e uiga i le tatou manaomia o se Faaola i le suesueina o tusitusiga paia ma upu a perofeta (tagai i le Iakopo 7:11).

O se tomai suesue o mau e mafai ona faateleina ai lou malamalama i aoaoga faavae autu ma mataupu faavae o le faaaoga lea o mau fefaasinoai i au tusitusiga paia. Ina ia fefaasinoai mau, fatu se sootaga i le polokalama o le Gospel Library pe faafesootai ia mau faiā i le tusia lea o se mau faasino i autafa o se fuaitau o se mau.

Suesue ni mau se tolu pe fa e fesoasoani ai e tali fesili “Pe Aisea ou te mana’omia ai se Faaola?” ma le “Po o le a se mea Na Te lavea’iina mai ai a’u?” Mafaufau e fefaasinoai nei fuaitau e ala i le fesootai i le Luka 2:10-12 i le polokalama o le Gospel Library po o le tusia foi o le mau faasino Luka 2:10-12 i autafa o fuaiupu e te suesueina.

O le mea ua ofo atu e le Faaola ia te oe

Matamata i le vitio “Aisea Tatou te Manaomia ai se Faaola–O se Savali o le Kerisimasi e uiga i Lo Tatou Faaola o Iesu Keriso” (2:15), ma vaavaai pe aisea tatou te mana’omia ai se Faaola. O loo maua lenei vitio i le ChurchofJesusChrist.org.

Why We Need a Savior
What would life be like without a Savior? There would be no joy, no forgiveness, no hope for the future. This Christmas, learn more about the hope, peace and happiness our Savior Jesus Christ can bring into our lives at christmas.mormon.org.

Sa molimau Elder Christofferson e uiga i ni faamanuiaga tatou te mauaina e ala ia Iesu Keriso:

Ona o le Togiola a Iesu Keriso, ua mafai ai ona toe faaleleia i tatou mai filifiliga leaga. Ona o le Togiola a Iesu Keriso, ua toe faaleleia ai le aafiaga i o tatou luga ona o agasala ma mea sese a isi, ma isi faamasinoga le tonu uma. Ina ia faaatoatoaina, ma ia avea ma e paia, tatou te manaomia ai se Faaola.

(D. Todd Christofferson, “Aisea Tatou te Manaomia ai se Faaola,” Ensign, Tes. 2020, 22)

I le Luka 2:10 sa ta’utino atu e le agelu, “Ou te au mai ia te outou le tala lelei e olioli tele i le nuu uma.”

Tuu i le faitalia: O e Manao e Aoao Atili?

Aisea na o ai Maria ma Iosefa i Peteleema ina ia tusia o la igoa?

O Kaisara Aukuso o se taitai Roma e gafatia ma malosi tele o lana nofoaiga—mai le 31 T.L.M. i le T.A. 14—sa iloga i ana faatonuga ma lona tausi tulafono. O le “lafoga” o loo ta’ua i le Luka 2:2 o se lesitala [po o se tusigaigoa] o tagata mo faamoemoega o lafoga i le lumanai, o se tusigaigoa sa manaomia ai le au fai lafoga e tuuina atu e le tagata lava ia faamatalaga e manaomia. Talu ai o Iosefa ma Maria e taufai suli mai i le Tupu o Tavita, o lea sa manaomia ai ona la malaga atu i Peteleema, o le nuu moni lea o le Tupu o Tavita. … Sa molimau mai perofeta anamua o le a fanau mai le Mesia i Peteleema, i le laueleele o Ierusalema (tagai Mika 5:2; Alema 7:10). O Peteleema e pe tusa ma le 85–90 maila (137–145 kilomita) i saute o Nasareta, o se alasopo e le itiiti ma le fa i le lima aso e savavali ai, atonu foi e umi atu pe a mafaufau i le tulaga sa iai Maria.

(Tusi Lesona a le Tagata Aoga o le Feagaiga Fou [2014], 143)