Gonelalai kei na iTabagone

Na Vakasama me Baleta na Tubu ena Veitiki Kece ni Bula

“Na Vakasama me Baleta na Tubu ena Veitiki Kece ni Bula,” Vakatorocaketaki Yadua: iVoladusidusi ni Gone (2019)

“Na Vakasama me Baleta na Tubu ena Veitiki Kece ni Bula,” Vakatorocaketaki Yadua: iVoladusidusi ni gone

Na Vakasama me Baleta na Tubu ena Veitiki Kece ni Bula

Na veitabana oqo e tiko kina na vakasama me baleta na ivakarau mo muria kina na iVakabula ka tubu ena veitiki kece ni nomu bula. E sega ni gadrevi mo vakayagataka na kena oqo—e rawa ni vakasama vinaka duadua ga na nomu! Masulaka na cava mo cakacakataka ena gauna oqo.

Sa rawa mo raica na vakasama tale eso ena ChildrenandYouth.ChurchofJesusChrist.org.

vakayalo, veimaliwai, vakayago, vakasama

Na Vakasama ni Tubu Vakayalo

era masu na itabagone

wili ivolanikalou tiko na itabagone — Cakava e dua na ivakarau tudei ni wiliwili ena veisiga, kevaka sara mada ga e vica ga na tikina.

itabagone ena valetabu — Vulica ka bulataka na “My Gospel Standards” (tabana e 63), ka sureti ira tale eso mera cakava vakakina.

era wiliwili na itabagone — Cavuqaqataka na Yavu ni Vakabauta (tabana e 62), ka vulica na kedra ibalebale.

era wiliwili na itabagone — Ni bera ni o masu, vakasamataka na cava o dau vakavinavinakataka kei na cava o gadreva kina na veivuke.

jekelisi — Vola e tolu na ka o vakavinavinakataka. Tovolea mo vola e tolu na ka vou ena veisiga.

na matavuvale ena taudaku ni lotu — Lewa na cava o rawa ni sa tekivu cakava se kakua ni cakava me dua na siga digitaki na siga ni Vakacecegu.

era sasamaki na itabagone — Vaqara na sala mo vukea kina e dua ena nomu matavuvale, e koronivuli, se ena lotu.

tubunigone — Vola e dua na ivola vua e dua na tubunigone, nei, se momo. Kerei ira me ra tukuna vei iko e dua na italanoa ni gauna era se tabavata kina kei iko.

veivosaki tiko na tamata — Vosa vua e dua na itokani me baleta na kosipeli. Sureti nomu itokani ki lotu se ki na dua na itaviqaravi.

wiliwili vakamatavuvale — Vakavulica na nomu italanoa taleitaki mai na ivolanikalou ki na nomu matavuvale. Matanataka se droinitaka na iyaloyalo eso me vukei kemuni mo ni vakavulica.

era qiri qita na itabagone — Lagasere vata kei na dua na lewe ni matavuvale. Raica na veika o vakila ni o vakarorogo ki na ivakatagi vinaka.

Na vakasama ni Tubu Vakaveimaliwai

era masu na itabagone

taubale vata na matavuvale — Wilika na “Na matavuvale: Ai Vakaro ki Vuravura Raraba,” ka vosa vei rau na nomu itubutubu me baleta na veika o sa vulica.

matavuvale ena teveli — Cakava e dua na ka vinaka vei ira na tamata ena nomu matavuvale.

itabagone taubale tiko — Raica na sala mo dau tiko kina se qarava e dua ka nanuma tu beka ni sa vakawaleni se gadreva tu beka nomu veitokani.

tiko voli kei Ilama na itabagone — Wilika me baleta e so tale na itovo vakavanua, vosa vei ira na tamata mai na veimatanitu tale eso, se lako ki na dua na veivakamarautaki vakavanua voleka vei iko.

itabagone lobi isulu — Sa rawa ni o cakava kei na nomu itubutubu se iliuliu, e dua na ka ena nomu itikotiko me vukei ira na tamata era vakaleqai tu.

o ira na itabagone era mavoa — Matanataka na ituvaki e gadreva kina e dua me kere veivosoti se veivosoti. Vakatovotovotaka mo wasea na veika o vakila ka cakava.

itabagone e tautuba ni vale ni veilewai — Sikova e dua na siteseni ni ovisa, siteseni ni bokobuka, se itavi tale eso ena itikotiko raraba. Vulica me baleta na veika era cakava, ka vakavinavinakataka na nodra veiqaravi.

o ira na itabagone ena ililili — Vakaveikilaitaki iko vua e dua na tamata vou, ka sureti koya me qito vata kei iko.

na mata mamarau ni emoji — Vakatovotovotaka na vosa me marau kina e dua, sega ni rarawa. Tukuna na veika o rawa ni kaya kevaka e dua e cavuta na vosa rogo ca vei iko.

itabagone veilecayaki tu — Vakatovotovotaka na malumu ni o vakila na cudru. Me vaka beka oqo, vakatabuicegu vakabalavu sara, wili me 10, se raitayaloyalotaka mada o tiko ena dua na vanua taleitaki.

vosavosa tiko na iTabagone — Vakaveikilaitaki iko ki na dua na tamata vou ena nomu koronivuli, na itikotiko, se tabanalevu se tabana. Vukei koya me na sota kei ira tale eso.

Na Vakasama me Baleta na Tubu Vakayago

era masu na itabagone

itabagone vakasaqa voli — Veivuke ena kena vakarautaki e dua na vakalomavinaka se kakana bulabula. Wasea vata kei na nomu matavuvale se itokani.

vakaukauwa yago na itabagone — Cakava e veigauna e dua na ka me yavala na yagomu, me vaka na qito, danisi, kei na vakaukauwa yago, se qito e tautuba.

barasi bati ka barasi ulu tiko na itabagone — Vakasavasavataka e veisiga na yagomu. Dau sili vakawasoma. Barasi na batimu ka qarava na ulumu e veisiga.

vakavakayagataki tale na itabagone — Cakava e dua na ka me dua kina na vanua vinaka ni tiko na nomu vale, me vaka na sasamaki, ukuukutaki, se cakacaka e tautuba.

o ira na itabagone me ra cokonaki iyaya — Kerei rau na nomu itubutubu me rau vakavulica vei iko mo vakavinakataka se taqomaka na veika o vakayagataka.

droini na itabagone — Droinitaka se boroya e dua na iyaloyalo, ka solia vua e dua o lomana.

qiri qita na itabagone — Vulica mo lagata e dua na sere, qiria e dua na iyaya ni vakatagi se liutaka na sere. Wasea na nomu kila vakacakacaka ena lotu vakamatavuvale se dua tale na itaviqaravi.

vakasamataka tiko na vakalomavinaka na itabagone — Wilika na Vunau kei na Veiyalayalati 89 raica na yalayala ni Tamada Vakalomalagi ni ko talairawarawa ki na vosa ni vuku. Vakatulewataka na ivakarau mo bulataka vakavinaka cake kina.

taubale e veikau na matavuvale — Taubale se lako e loma ni veikau kei ira na matavuvale se itokani mo raica na vuravura vakavolivoliti iko.

o ira na tamata era uvu biukila — Wasea e dua na nomu taledi vua e dua e galili.

o ira na tamata era raica na mape — Tuvanaka vata kei ira na nomu itubutubu se o ira na iliuliu na veika me vakayacori ena dua na gauna ni leqa tubukoso.

Na Vakasama me Baleta na Tubu ena Vakasama

era masu na itabagone

o ira na itabagone era saumi ikatini — Vulica na vuna e bibi kina na saumi ikatini. Solia vua na Turaga na tini na pasede ni kemu isau.

rau wiliwili na veitinani — Wilika e dua na ivola me baleta e dua na ulutaga vou, se wilika e dua na ivola e balavu cake mai na kena o dau wilika.

vakayagataka tiko na kompiuta na matavuvale — Vola na lawa ni nomu matavuvale ena vakayagataki ni Initaneti se apps.

era wiliwili na itabagone — Digitaka e dua na ka o taleitaka, ka vulica na veika kece o rawa ni vulica kina.

o ira na tamata ena vale ni yaya makawa — Sikova e dua na valeniyaya makawa se soqoni vakavanua ena nomu iwase ni vanua. Vosa vei ira na nomu itokani se matavuvale baleta e dua na ka vou o sa vulica.

tamata vakavinakataki motoka — Sikova e dua tale o kila ena nona vanua ni cakacaka mo vulica na veika e cakava kei na sala e cakacaka kina na veika eso.

veivosaki tiko na tamata — Oqo e rawa ni dua o kila se dua na tamata mai na itukutuku makawa se na ivolanikalou. Lewa na sala e rawa ni o vakataki ira kina.

ivolakabi, na inaki kei na kena revurevu — Na digidigi kece e dua na kena isau, sai koya na veika e yaco ena vuku ni veika o cakava. Vola eso na digidigi kei na kena revurevu.

na tamata era vakasama tiko — Cavuqaqataka e dua na ivolanikalou taleitaki, serekali se sere.

vakayagataka na talevoni vuku na itabagone — Vulica mo kaya na bula kei na so tale na vosa ena dua tale na vosa. Vakatovotovo vata kei na dua e vosataka na vosa o ya, kevaka e rawa.

volavola na itabagone — Vola e dua na italanoa me baleta na nomu bula, se me baleta e dua na lewe ni matavuvale.