„Hugmyndir til vaxtar á öllum sviðum lífs,“ Eigin framþróun: Leiðarvísir barna (2019)
„Hugmyndir til vaxtar á öllum sviðum lífs,“ Eigin framþróun: Leiðarvísir barna
Hugmyndir til vaxtar á öllum sviðum lífs
Á eftirfarandi síðum eru hugmyndir um hvernig þið getið fylgt frelsaranum og vaxið á öllum sviðum lífs ykkar. Þið þurfið ekki að nota þær – bestu hugmyndirnar gætu verið ykkar sjálfra! Biðjist fyrir varðandi það sem þið getið unnið að einmitt núna.
Þið getið fundið fleiri hugmyndir á ChildrenandYouth.ChurchofJesusChrist.org.
Hugmyndir að andlegum vexti
Hverjar eru hugmyndir ykkar?
Lesið Mormónsbók á hverjum degi
Komið á þeirri venju að lesa dag hvern, jafnvel þótt það séu aðeins nokkur vers.
Búið ykkur undir að fara í musterið
Lærið og tileinkið ykkur „Trúarreglur mínar“ (bls. 63) og bjóðið öðrum að gera það líka.
Lærið Trúaratriðin
Lærið Trúaratriðin utanbókar (bls. 62) og merkingu þeirra.
Bætið bænir ykkar
Hugsið um eitthvað sem þið eruð þakklát fyrir áður en þið biðjist fyrir og það sem þurfið liðsinni við.
Þakkið himneskum föður fyrir blessanir ykkar
Skráið eitthvað þrennt sem þið eruð þakklát fyrir. Reynið að skrifa eitthvað þrennt nýtt á hverjum degi.
Haldið hvíldardaginn heilagan
Ákveðið hvað þið getið byrjað að gera eða hætt að gera til að gera hvíldardaginn að sérstökum degi.
Þjónið einhverjum
Leitið leiða til að hjálpa einhverjum í fjölskyldu ykkar, í skóla eða í kirkju.
Vinnið að ættarsögu
Skrifið bréf til afa og ömmu, frænku eða frænda. Biðjið þau að segja ykkur sögu frá ungdómsárum sínum.
Miðlið fagnaðarerindinu
Ræðið við vin um fagnaðarerindið. Bjóðið vini í kirkju eða á viðburð.
Kennið fagnaðarerindið
Kennið fjölskyldu ykkar eftirlætis ritningarsöguna ykkar. Leikið hana eða teiknið myndir til að hjálpa við kennsluna.
Syngið Barnafélagssöng
Syngið með fjölskyldumeðlim. Gætið að því hvernig ykkur líður er þið hlustið á góða tónlist.
Hugmyndir að félagslegum vexti
Hverjar eru hugmyndir ykkar?
Lærið um fjölskylduna
Lesið „Fjölskyldan: Yfirlýsing til heimsins,“ og ræðið við foreldra ykkar um það sem þið lærðuð.
Sýnið fjölskyldu ykkar elsku
Gerið eitthvað fallegt fyrir fólk í fjölskyldu ykkar.
Hafið aðra með
Finnið leið til að verja tíma með eða þjóna einhverjum sem gæti verið afskiptur eða þurft á vináttu ykkar að halda.
Lærið um menningu annarra
Lesið um menningu annarra, ræðið við fólk frá öðrum löndum eða farið á menningarfögnuð í nágrenninu.
Þjónið nágrönnum ykkar
Gerið eitthvað í samfélagi ykkar með foreldrum ykkar eða leiðtogum til að hjálpa fólki í neyð.
Lærið að biðjast afsökunar og fyrirgefa
Leikið aðstæður þar sem einhver þarf að biðjast afsökunar eða fyrirgefa. Æfið hvernig miðla á tilfinningum ykkar og bregðast við.
Lærið um samfélagið ykkar
Farið á lögreglustöð, slökkviliðsstöð eða í aðra samfélagsþjónustu. Lærið hvað þar er gert og þakkið fólkinu fyrir þjónustu þess.
Eignist nýjan vin
Kynnist einhverjum nýjum og bjóðið þeim einstaklingi að leika við ykkur.
Talið vinsamleg orð
Æfið ykkur í því að nota einungis orð sem gerir fólk glatt en ekki dapurt. Ræðið hvað þið getið sagt ef einhver segir óvinsamleg orð við ykkur.
Hafið stjórn á skapinu
Æfið rósemd þegar þið eruð reið. Andið t.d. djúpt, teljið upp á tíu eða ímyndið ykkur að þið séuð á eftirlætis stað.
Bjóðið aðra velkomna
Kynnið ykkur sjálf fyrir einhverjum nýjum í skóla, hverfinu eða deildinni eða greininni. Hjálpið þeim einstaklingi að hitta aðra.
Hugmyndir að líkamlegum vexti
Hverjar eru hugmyndir ykkar?
Lærið að elda
Hjálpið til við að búa til holla máltíð eða snarl Deilið henni með fjölskyldu eða vinum.
Styrkið líkama ykkar
Gerið eitthvað reglubundið til að hreyfa líkama ykkar, eins og íþróttir, dans, æfingar eða útileiki.
Berið virðingu fyrir líkama ykkar
Haldið líkama ykkar hreinum alla daga. Farið reglulega í bað. Burstið tennur og hirðið hárið dag hvern.
Hugsið vel um heimili ykkar
Gerið eitthvað til að fegra heimili ykkar svo gott sé að dvelja þar, svo sem að þrífa, skreyta eða fegra garðinn.
Hugsið vel um eigur ykkar
Biðjið foreldra ykkar að kenna ykkur hvernig gera á við eða hirða um það sem þið notið.
Lærið nýja listkunnáttu
Teiknið, málið eða skissið mynd og gefið hana einhverjum sem þið elskið.
Lærið nýja tónlistarkunnáttu
Lærið að syngja söng, leika á hljóðfæri eða stjórna tónlist. Bjóðist til að miðla af kunnáttu ykkar á kvöldstund fjölskyldunnar eða á öðrum viðburði.
Hlýðið Vísdómsorðinu
Lesið Kenningu og sáttmála 89 til að kynna ykkur loforð himnesks föður ef þið haldið Vísdómsorðið. Ákveðið hvernig þið getið lifað betur eftir því.
Njótið útiverustunda
Farið í gönguferð með fjölskyldu eða vinum, til að kanna heiminn umhverfis.
Miðlið hæfileikum ykkar
Miðlið einhverjum einmana einum hæfileika ykkar.
Búa ykkur undir neyðartilvik
Gerið áætlun með foreldrum ykkar eða leiðtogum um hvað gera skal í neyðartilvikum.
Hugmyndir að vitsmunalegum vexti
Hverjar eru hugmyndir ykkar?
Lærið um tíund
Lærið ástæðu þess að mikilvægt er að greiða tíund. Gefið Drottni tíu prósent af tekjum ykkar.
Bætið lestrarhæfni ykkar
Lesið bók um nýtt efni eða lesið bók sem er lengri en þið yfirleitt lesið.
Lærið hvernig tryggja á öryggi á netinu
Skráið reglur fjölskyldunnar um notkun netsins eða smáforrita.
Lærið eitthvað nýtt
Veljið eitthvað sem þið hafið áhuga á og lærið allt sem þið getið um það.
Sækið eða horfið á menningarviðburði
Farið í safn eða á menningarviðburð á svæði ykkar. Ræðið við vini og fjölskyldu um eitthvað nýtt sem þið hafið lært.
Lærið um hin ýmsu atvinnustörf
Farið á vinnustað einhvers sem þið þekkið til að læra hvað þar er gert.
Lærið um fólk sem þið hrífst af
Þetta gæti verið einhver sem þið þekkið eða úr sögunni eða ritningunum. Ákveðið að verða líkari þeim.
Lærið að taka góðar ákvarðanir
Allt val hefur afleiðingar, sem er eitthvað sem gerist af því sem þið gerið. Skráið eittnhverja valkosti og afleiðingar þeirra.
Bætið minni ykkar
Lærið eftirlætis ritningarvers, ljóð eða söng utanbókar.
Lærið nýtt tungumál
Lærið að segja halló og önnur helstu orð á öðru tungumáli. Æfið ykkur með einhverjum sem talar það tungumál, ef mögulegt er.
Skrifið sögu
Skrifið sögu um líf ykkar eða um fjölskyldumeðlim.