Ti Je një Fëmijë i Shtrenjtë i Perëndisë

Ati Qiellor dhe Jezu Krishti i krijuan të gjitha gjërat, i dinë të gjitha gjërat dhe i kanë mposhtur të gjitha gjërat. Dhe Ata duan që ti të jesh si Ata! Teksa bën besëlidhje dhe e ndjek planin e Perëndisë, mund t’i përdorësh dhuntitë e tua të pashoqe për t’u rritur dhe për t’u shërbyer të tjerëve.

Ti erdhe në tokë nga qielli. Je pjesë e një familjeje.

Ti bën besëlidhje që ta ndjekësh Jezu Krishtin kur pagëzohesh dhe kur merr sakramentin.

Kur konfirmohesh, merr dhuratën e Frymës së Shenjtë për të të udhërrëfyer.

Mund të marrësh pjesë në punën e Perëndisë dhe të shërbesh në Kishë nën autoritetin e çelësave të priftërisë.

Mund të mësosh e të rritesh teksa e studion, e jeton dhe e shpërndan ungjillin.

Mund të gjesh gëzim kur i do dhe u shërben të tjerëve ashtu siç do të bënte Jezusi.

Ati Qiellor dërgoi Birin e Tij, Jezu Krishtin, që të shërbejë si shembulli i përkryer dhe ta bëjë të mundur që ti të pendohesh e të ndryshosh.

Në tempull, ti mund të shërbesh e të bësh bësh besëlidhje që i lidhin përgjithmonë fëmijët e Perëndisë.