E I Ai Sou Faamoemoega

E silafia oe ma alofa lou Tama Faalelagi ma Lona Alo, o Iesu Keriso ia te oe. O oe o se vaega taua o la La’ua galuega, ma e mafai ona e faia se aafiaga maoae i le lalolagi.

Ua tuuina mai e le Tama Faalelagi ia te oe ni taleni ma ni meaalofa faaleagaga. E mafai ona e saili se faaaliga ia iloa ai le ala e atiina ae ai au taleni, avea atili ai faapei o Iesu Keriso, ma faia oe lava, isi tagata, ma e oo lava i le lalolagi ia sili atu ona lelei.

E ofoina atu e lenei tusitaiala o le atinaega faaletagata lava ia ni mataupu faavae ma ni meafaigaluega e mafai ona e faaaogaina i au taumafaiga e atiina ae ai au meaalofa ma mulimuli ai ia Iesu Keriso.