Mensahe sang Unang Pangulohan

Pinalangga nga Isigka-misyonero:

Ginatamyaw ka namon sa imo dako nga oportunidad nga mangin misyonero sang Ang Simbahan ni Jesucristo sang mga Santos sa Ulihing mga Adlaw. Wala na sang mas mabaskog ukon mas importante nga buluhaton sangsa pagtipon sang Israel.

Ang Iwali ang Akon Ebanghelyo nagatuyo nga buligan ka nga mangin mas preparado, mas hamtong sa espirituhanon nga misyonero. Tuyo man sini nga buligan ka nga mangin mas epektibo nga manunudlo. Ginapangabay namon sa imo nga gamiton ini adlaw-adlaw sa imo personal nga pagtuon kag upod man ang imo companion. Gamita man ini sa inyo mga miting sa district council kag mga zone conference. Tun-i ang ginasambit nga balaan nga mga kasulatan kag tun-i ang doktrina kag mga prinsipyo.

Ginahagad ka namon nga magpakabakod sa imo pangako nga buligan ang aton Amay sa Langit sa Iya mahimayaon nga buluhaton. Ang tagsa ka misyonero may importante nga papel sa pagbulig sa Ginuo sa Iya buluhaton nga “ipahanabo ang pagkawala’y kamatayon kag kabuhi nga wala’y katapusan sang tawo” (Moises 1:39).

Bugayan ka sang Ginuo samtang mapainubuson mo nga ginahalad ang imo kaugalingon sa pagserbisyo sa Iya. Kabay nga makakita ka sang dako nga kasadya kag kalipay samtang nagatrabaho ka sa tunga sang mga anak sang Amay nga Langitnon.

Ang Unang Pangulohan