Inmates greet a man and a woman sitting in their church service. Presumably these are Bishops or Chaplains. Special Services of the Priesthood department has requested that PSD capture images of various Correctional facilities that will be used on websites and curriculum targeted to spiritually support LDS members in correctional confinement and their families.

Sauniuniga a le Tagata Lava Ia

O Mataupu Faavae

Faamoemoega o le Galuega—E silafia e le Alii loto ma mafaufau o Ana fanau uma (tagai Alema 18:32). O le faamoemoega o taumafaiga o auaunaga i le falepuipui o le faia lea o le finagalo o le Alii a o tatou fesoasoani i tagata matutua ma le autalavou o loo taofia e o mai ia Iesu Keriso, salamo, faamalolo, ma saunia mo le alualu i luma i le ala o le feagaiga ma mo se olaga aoga.

Malamalama i Manaoga—E faamanuia ma saunia e le Atua Ana fanau taitoatasi (tagai 3 Nifae 11:15). E i ai se taua i le suesueina o le auala e aafia ai tagata taitoatasi, aiga, fanau, ma le lalolagi i le faafalepuipuiina. A o e feiloai soo ma tagata matutua o loo taofia, o le a tuputupu ae lou malamalama i manaoga lautele e faasoa mai e le toatele faapea foi ma manaoga taitoatasi o se tagata faapitoa.

Malamalama i le Tulafono—O atunuu uma lava e i ai tulafono tulagaese, pulega, ma faiga masani e pulea ai le faafalepuipuiina. E tatau i taitai ma tagata o le ekalesia ona faagaoioia i totonu o tuaoi faaletulafono ua faatulagaina i lo latou itulagi. E mafai ona fesoasoani faifeau o falepuipui ma isi taitai i le mauaina o se malamalama manino i le tele talafeagai o a tatou taumafaiga faaleauaunaga.

Faaaogaina

• Mafaufau i mea o loo aoao mai e tusitusiga paia e faatatau i upu falepuipui ma le pologa. Faatusatusa lenei mea i lou tofiga e fesoasoani ia i latou o loo faafalepuipuiina.

• A o e mafaufau i manaoga o i latou o le a e fesoasoani i ai, fai se lisi o aafiaga o le olaga e te lagona o le a fesoasoani ia te oe e auauna atu ai ma le mana.

• Suesue i punaoa ua lolomiina e punavai faatuatuaina e aoao atili ai e uiga i mea moni o le faafalepuipuiina.

• Pe a faauigaina lau galuega, mafaufau i manaoga o aiga ma tamaiti i lou nuu o e ua i ai se tasi e pele ia i latou ua faafalepuipuiina. Pe o i ai ni manaoga e le’i faamalieina e mafai ona talanoaina e se aufono a le uarota e faia ai se eseesega?

• Ia faamasani i tulafono ma tulaga manaomia ina ia mafai ai ona e asiasi atu i tagata matutua o loo i ai i le falepuipui lea o le a e auauna atu ai.

• Faafesootai le faifeau o le falepuipui e faailoa atu oe lava ma faailoa atu ia te ia o loo e naunau e tuuina atu le lagolago ia te ia ma i latou o e sailia le lagolago mai le Ekalesia.

O Punaoa Faaopoopo

• Vitio o le tala a Hana

• Vitio o le tala a Mareko

• “O Se Savali o le Faamoemoe mo i Latou O E O Faafalepuipuiina”

• “Auauna Atu ia i Latou o E o Loo Faafalepuipuina”