Prison Ministry
Teuteu Fakafoʻituituí

“Teuteu Fakafoʻituituí,” Ngāue Fakaetauhi ʻi he ʻApi Pōpulá (2023)

“Teuteu Fakafoʻituituí,” Ngāue Fakaetauhi ʻi he ʻApi Pōpulá

Inmates greet a man and a woman sitting in their church service. Presumably these are Bishops or Chaplains. Special Services of the Priesthood department has requested that PSD capture images of various Correctional facilities that will be used on websites and curriculum targeted to spiritually support LDS members in correctional confinement and their families.

Teuteu Fakafoʻituituí

Ngaahi Tefitoʻi Moʻoní

Taumuʻa ʻo e Ngāué—ʻOku ʻafioʻi ʻe he ʻEikí ʻa e loto mo e ʻatamai ʻo ʻEne fānaú kotoa (vakai, ʻAlamā 18:32). Ko e taumuʻa ʻo e ngaahi feinga ngāue fakaetauhi ʻi he ʻapi pōpulá ke fai ʻa e finangalo ʻo e ʻEikí ʻi heʻetau tokoniʻi ʻa e kakai lalahí mo e toʻu tupú ke nau haʻu kia Sīsū Kalaisi, fakatomala, fakamoʻui, mo teuteu ke fakalakalaka ʻi he hala ʻo e fuakavá pea mo ha moʻui ʻoku ʻaongá.

Maʻu ha Mahino ki he Ngaahi Fiemaʻú—ʻOku tāpuakiʻi mo tokonaki ʻa e ʻOtuá maʻa ʻEne fānaú taha taha (vakai, 3 Nīfai 11:15). ʻOku mahuʻinga hono ako ʻa e founga ʻoku uesia ai ʻe he ngāue pōpulá ʻa e fakafoʻituituí, ngaahi fāmilí, fānaú, mo e sosaietí. ʻI hoʻo fakataha maʻu pē mo e kakai lalahi ʻoku tauhi fakalaó, te ke tupulaki ʻi he mahino ʻokú ke maʻú ki he ngaahi fiemaʻu fakalūkufua ʻoku vahevahe ʻe ha tokolahi pea pehē ki he ngaahi fiemaʻu fakafoʻituitui ʻa ha tokotaha pau.

Maʻu ha mahino ki he Laó—ʻOku maʻu ʻe he fonua kotoa pē ha ngaahi lao, tuʻutuʻuni, mo ha ngaahi founga ngāue makehe ʻokú ne puleʻi ʻa e kakai ngāue pōpulá. Kuo pau ke ngāue ʻa e kau takí mo e kāingalotú ʻi loto ʻi he ngaahi ngataʻanga fakalao kuo fokotuʻu ʻi honau feituʻú. ʻE lava ke tokoni ʻa e kau faifekau ʻo e ʻapi pōpulá mo e kau ʻōfisa kehé ʻi hono maʻu ha mahino ki he taumuʻa ʻo ʻetau ngaahi feinga ki he ngāue fakaetauhí.

Fakaʻaongaʻi

  • Fakakaukau ki he meʻa ʻoku akoʻi ʻe he folofolá fekauʻaki mo e ongo foʻi lea fale fakapōpulá mo e nofo pōpulá. Fakafehoanaki ʻeni mo hoʻo ngāue ke tokoniʻi ʻa kinautolu ʻoku ngāue pōpulá.

  • ʻI hoʻo fakakaukau ki he ngaahi fiemaʻu ʻa kinautolu te ke tokoniʻí, hiki ha lisi ʻo e ngaahi aʻusia ʻo e moʻuí ʻokú ke ongoʻi ʻe tokoni ke ke ngāue fakaetauhi ʻaki ha mālohí.

  • Vakaiʻi ʻa e ngaahi maʻuʻanga tokoni kuo pulusi ʻe he ngaahi maʻuʻanga tokoni falalaʻangá ke ako lahi ange fekauʻaki mo e ngaahi tuʻunga moʻoni ʻo e ngāue pōpulá.

  • ʻI he taimi ʻokú ke vakavakaiʻi ai hoʻo ngāué, fakakaukau ki he ngaahi fiemaʻu ʻa e ngaahi fāmili mo e fānau ʻi homou koló ʻa ia ʻoku ʻi ai hanau ʻofaʻanga ʻoku ngāue pōpulá. ʻOku ʻi ai nai ha ngaahi fiemaʻu ʻoku ʻikai lava ke feau ʻa ia ʻe lava ke aleaʻi ʻe ha fakataha alēlea fakauooti ke fai ha tokoni?

  • ʻAi ke ke maheni mo e ngaahi tuʻutuʻuni mo e ngaahi fiemaʻu ke lava ai ʻo ʻaʻahi ki he kakai lalahi ʻoku tauhi fakalaó ʻi he ngaahi fale fakatonutonu te ke ngāue fakaetauhi aí.

  • Fetuʻutaki ki he faifekau ʻo e ʻapi pōpulá ke fakafeʻiloaki koe pea ʻai ke ne ʻiloʻi ʻokú ke vēkeveke ke poupouʻi ia mo kinautolu ʻoku fekumi ki ha poupou mei he Siasí.

Ngaahi Maʻuʻanga Tokoni Kehé

  • Hannah’s story video (Vitiō talanoa ʻo ʻAná)

    3:57

  • Mark’s story video (Vitiō talanoa ʻa Maʻaké)

    7:19

  • “A Message of Hope for Those Who Are Incarcerated”

  • “Ngāue Fakaetauhi kiate Kinautolu ʻOku Ngāue Pōpulá”