“Faatomuaga,” Auaunaga i le Falepuipui (2023)
“Faatomuaga,” Auaunaga i le Falepuipui
Faatomuaga
O le polokalama o Suesuega Taialaina mo le Auaunaga i le Falepuipui o se punaoa e filifili ai mo taitai ma tagata o le Ekalesia i a latou taumafaiga e lagolago tagata matutua o loo i ai i le falepuipui. O se polokalama o fesootaiga i le meli lea e tuuina atu ai i tagata matutua o taofia ia lesona e taulai atu i le talalelei faapea foi ma manatu faaalia ma le lagolago a o latou aoaoina.
E mafai ona faatupeina ma faatautaia lenei polokalama i lalo o le taitaiga a le peresitene o le siteki, pe mafai foi ona faaaoga e aiga e lagolago ai se tasi e pele o loo faafalepuipuiina.
Faatonuga
-
E faailoa atu i se tagata matua o taofia le polokalama ma talosagaina le auai.
-
E lolomiina ma auina atu se fomu o lesona ma tali i le tagata matua o loo i ai i le falepuipui e tusa ai ma taiala a le Ekalesia ma aiaiga faavae o le falepuipui po o le toese. E mafai ona tuuina atu se teutusi e toe faafoi mai ai ma le faailoga ua lolomiina.
-
E suesue e le tagata matua o loo taofia ia anomea ma faatumu fesili o loo i luga o le fomu o tali ona toe lafo lea o le fomu o tali, ae teu ia anomea o le lesona mo le suesueina faifai pea.
-
E iloiloina tali, ma tuuina atu manatu faaalia lagolago.
-
O le fomu o tali faatasi ai ma manatu faaalia ma le isi lesona e sosoo ai e lafoina atu i le tagata matua o loo taofia.
E mafai ona tuuina atu ni fesili faaopoopo i le PrisonMinistry@ChurchofJesusChrist.org.