Talateu

Ko e polokalama Ako Kuo Fokotuʻutuʻu ki he Ngāue Fakaetauhi ʻi he ʻApi Pōpulá ko ha maʻuʻanga tokoni ia ke fili mei ai ʻa e kau takí mo e kāingalotu ʻo e Siasí ʻi heʻenau feinga ke poupouʻi ʻa e kakai lalahi ʻoku tauhi fakalaó. Ko ha polokalama fetuʻutaki ia ʻi he meilí ʻokú ne ʻomi ki he kakai lalahí ha ngaahi lēsoni ʻoku fakatefito ʻi he ongoongoleleí kae pehē ki ha fakamatala tokoni mo ha poupou ʻi heʻenau akó.

ʻE lava ke fakapaʻanga mo fakahoko ʻa e polokalama ko ʻení ʻo fakatatau mo e fakahinohino ʻa e palesiteni fakasiteikí, pe ʻe fakaʻaongaʻi ia ʻe he ngaahi fāmilí ke tokoniʻi ha taha ʻoku nau ʻofa ai ʻoku ngāue pōpula.

Ngaahi Fakahinohinó

1. ʻOku ʻai ke ʻiloʻi ʻe he tokotaha lahi ʻoku tauhi fakalaó ʻa e polokalamá mo kole ke kau ki ai.

2. ʻOku paaki ha lēsoni mo ha foomu tali pea meili ki he tokotahá ʻo fakatatau mo e ngaahi fakahinohino ʻa e Siasí pea mo e tuʻutuʻuni ʻo e ʻapi pōpulá pe pilīsoné. ʻE lava ke fakakau ai ha sila ki hono meili fakafoki maí mo ha sitapa.

3. ʻOku ako ʻe he tokotaha ʻoku tauhi fakalaó ʻa e naunaú mo fakakakato ʻa e ngaahi fehuʻí ʻi he foomu talí pea meili fakafoki ʻa e foomu talí, kae tauhi ʻa e naunau fakalēsoní ke hokohoko atu hono fakaʻaongaʻí.

4. ʻOku toe vakaiʻi ʻa e ngaahi talí, pea ʻoku ʻoatu ha fakamatala tokoni.

5. ʻOku meili ʻa e foomu talí mo e fakamatala tokoní mo e lēsoni hokó ki he tokotaha lahi ʻi he ʻoku tauhi fakalaó.

ʻE lava ke ʻave ha ngaahi fehuʻi kehe ki he [e-mail].