Resources para iti Ministering nga addaan kadagiti Napapigsa a Korum iti Melchizedek Priesthood ken Relief Society

Dagitoy a resources ket mangtulong kadagiti lider bayat ti panagsaganada a mangipaay iti panangiturong ken bayat ti panangidauloda kadagiti panaglilinnawag kadagiti area council, coordinating council, komperensia ti stake, stake council, ward council, ken dagiti adalen iti Domingo.

Dagiti Singasing para iti Panangusar Kadagitoy a Resources

Iti maysa a miting iti council, mabalin nga irugi dagiti lider ti panaglilinnawag kadagiti panagbalbaliw a naipakaammo iti Abril 2018 a sapasap a komperensia babaen iti panangbasada iti pakauna a benneg ti nairagpin a surat a nairaman iti surat ti Umuna a Panguluen ti Abril 2, 2018, “Ministering nga Addaan kadagiti Napapigsa a Korum iti Melchizedek Priesthood ken Relief Society” (kitaen iti ministering.ChurchofJesusChrist.org).

Mabalin pay a buyaen ken paglilinnawagan dagiti miembro ti council ti video A Vision of Ministering (kitaen iti “Dagiti Video” iti baba). Maited dagiti nayon a video ken dadduma pay a resources tapno mapasayaat daytoy a panaglilinnawag ken mabalin nga usaren kadagiti sumangbay a miting iti council wenno iti dadduma pay a maaramid. Tunggal paset iti video nga Effective Ministering ket sarunuen ti maysa a saludsod a mabalin a paglilinnawagan ti grupo.

Dagiti Video

Karaman dagiti sumaganad a video dagiti clips manipud iti Abril 2018 a sapasap a komperensia ken manipud kadagiti sapasap a komperensia ti leadership meeting dagiti General Authority, Area Seventy, ken Sapasap nga Opisial.

A Vision of Ministering (4:41)

Effective Ministering (15:01) naglaon kadagiti sumaganad a paset:

1. “Why We Minister” (2:43). Saludsod: Apay nga agministertayo?

2. “Simple, Individualized, and Led by the Spirit”(2:20) Saludsod: Kasano a pagtalinaedentayo a simple dagiti panagkagumaantayo ken iturong ti Espiritu?

3. “Overview of Ministering Interviews” (3:53) Saludsod: Kasano a makapagparabur dagiti nasamay a ministering interbyu kadagiti indibidual ken pamilia?

4. “One Coordinated Effort” (2:49) Saludsod: Kasano a makatulong kadatayo ti maysa a natunos a panagkagumaan a mangaywan iti amin nga annak ti Dios?

5. “Invitation to Act” (3:24) Saludsod: Kasano ti kasayaatan a panangipatungpaltayo iti pannirigan ti ministering nga impaay ti Umuna a Panguluen ken ti Korum dagiti Sangapulo-ket-dua nga Apostol?

Ministering Interviews (19:18)

Dagiti Reperensia iti Nasantuan a Kasuratan

Mateo 10:39; 22:37–39; Lucas 22:32; Juan 10:11; 13:34; 21:15–16; Taga Galacia 5:13; Mosiah 23:18; Doktrina ken Katulagan 20:51–53

Dagiti Nainayon a Resources

• Ti Mayo 2018 nga isyu ti Liahona ken Ensign a magasin ken ti comefollowme.ChurchofJesusChrist.org ket mangted kadagiti resources a mabalin nga usaren kadagiti panaglilinnawag iti maikapat a Domingo maipapan iti ministering kadagiti miting iti elders quorum ken Relief Society.

• Ti nayon nga impormasion, a napauluan iti “Ministering Principles,” ket mairamanto kadagiti sumarsaruno nga isyu ti Liahona ken Ensign.