Ngaahi Maʻuʻanga Tokoni ki he Ngāue Fakaetauhi ʻa e Kōlomu Lakanga Taulaʻeiki Faka-Melekisēteki Kuo Fakamālohiá pea mo e Fineʻofá

ʻOku tokoni e ngaahi maʻuʻanga tokoni ko ʻení ki he kau takí ʻi heʻenau teuteu mo fakahoko ha fakahinohino mo tataki ha fealēleaʻaki ʻi he ngaahi fakataha alēlea faka-ʻēliá, ngaahi fakataha alēlea fakafekauʻakí, ngaahi konifelenisi fakasiteikí, ngaahi fakataha alēlea fakasiteikí, ngaahi fakataha alēlea fakauōtí, mo e ngaahi lēsoni he Sāpaté.

Ngaahi Fokotuʻu ki Hono Fakaʻaongaʻi ʻo e Ngaahi Maʻuʻanga Tokoni Ko ʻEní

ʻE lava ʻe he kau takí ʻo kamata aleaʻi ʻi ha fakataha alēlea ʻa e ngaahi liliu naʻe fanongonongo ʻi he konifelenisi lahi ʻo ʻEpeleli 2018, ʻaki ʻenau lau e konga talamuʻaki ʻo e fakahinohino ne ʻoatu fakataha mo e tohi ʻa e Kau Palesitenisī ʻUluakí ʻi he ʻaho 2 ʻo ʻEpeleli 2018, “Ko e Ngāue Fakaetauhi ʻa e Kōlomu Lakanga Taulaʻeiki Faka-Melekisēteki pea mo e Fineʻofa kuo Fakamālohiá” (vakai ministering.ChurchofJesusChrist.org).

ʻE lava foki ʻe he kau mēmipa ʻo e fakataha alēleá ʻo mamataʻi mo aleaʻi e foʻi vitiō ko e Ko ha Vīsone ʻo e Ngāue Fakaetauhí (vakai ki he “Ngaahi Vitiō” ʻi laló). ʻOku ʻoatu ha ngaahi vitiō mo e maʻuʻanga tokoni kehe ke fakalahi ʻaki e fealēleaʻaki ko ʻení, pea malava ke fakaʻaongaʻi he ngaahi fakataha alēlea he kahaʻú pe ngaahi taimi kehe. Ko e konga kotoa pē ʻi he vitiō Ko e Ngāue Fakaetauhi Ola Leleí , ʻoku muiaki atu ai ha fehuʻi ʻe lava ke aleaʻi ʻe he kulupú.

Ngaahi Vitioó

ʻOku kau ʻi he ngaahi vitiō ko ʻení ha fanga kiʻi konga ne toʻo mei he konifelenisi lahi ʻo ʻEpeleli 2018 pea mo e ngaahi fakataha fakatakimuʻa ʻo e konifelenisi lahí ne fai mo e Kau Taki Māʻolungá, Kau Fitungofulu Fakaʻēliá pea mo e Kau ʻŌfisa Māʻolungá.

Ko ha Vīsone ʻo e Ngāue Fakaetauhí (4:41)

ʻOku ʻi he Ngāue Fakaetauhi Ola Leleí (15:01) ʻa e ngaahi konga ko ʻení:

1. “ ʻUhinga ʻOku Tau Ngāue Fakaetauhi Aí” (2:43). Fehuʻí: Ko e hā ʻoku tau ngāue fakaetauhi aí?

2. “Faingofua, Fakataautaha pea Tataki ʻe he Laumālié” (2:20). Fehuʻí: Te tau lava fēfē ʻo tauhi ke faingofua mo tataki ʻe he Laumālié ʻetau ngaahi ngāué?

3. “Vakai Fakalūkufua ki he ʻInitaviu ʻo e Ngāue Fakaetauhí” (3:53). Fehuʻí: Ko e hā ha founga ʻe faitāpuekina ai ʻe he ʻinitaviu fakaetauhí ʻa e fakafoʻituituí mo e ngaahi fāmilí?

4. “Ko ha Ngāue ʻOku Fakafekauʻaki Lelei” (2:49). Fehuʻí: Ko e hā ha founga ʻe tokoni ai ʻa hono fakafekauʻaki ʻo e ngāué ke tau tokangaekina ai e fānau kotoa ʻa e ʻOtuá?

5. “Fakaafe ke Ngāue” (3:24). Fehuʻí: Ko e hā e founga lelei taha te tau lava ʻo fakahoko ai e vīsone ʻo e ngāue fakaetauhi ne ʻomi ʻe he Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá?

Ngaahi ʻInitaviu ʻo e Ngāue Fakaetauhí (19:18)

Fakamoʻoni Fakafolofolá

Mātiu 10:39; 22:37–39; Luke 22:32; Sione 10:11; 13:34; 21:15–16; Kalētia 5:13; Mōsaia 23:18; Tokāteline mo e Ngaahi Fuakava 20:51–53

Ngaahi Maʻuʻanga Tokoni Kehé

• ʻOku ʻi he makasini Liahona mo e Ensign ʻo Mē 2018, pea mo e comefollowme.ChurchofJesusChrist.org ha ngaahi maʻuʻanga tokoni ʻe lava ke fakaʻaongaʻi ʻi he lēsoni Sāpate faá, ʻo fekauʻaki mo e ngāue fakaetauhí ʻi he fakataha ʻa e kōlomu kaumātuʻá pea mo e Fineʻofá.

• ʻE toe ʻoatu mo ha fakamatala makehe ko e “Ngaahi Tefitoʻi Moʻoni ʻo e Ngāue Fakaetauhí,” ʻi he ngaahi makasini ʻamuiange ʻo e Liahoná pea mo e Ensign.