Aisea ua faaaoga ai e lenei saite le faaupuga “tosina atu i le itupa tutusa”?

“O le tosina atu i le itupa tutusa” e faasino lea i tosinaga faalelagona, faaletino, faamama’i, pe faalefeusuaiga i se tagata o le itupa e tasi. O tagata ua aafia i le tosina atu i le itupa tutusa, e mafai pe le mafai foi ona filifili e faaaoga se faailoga o sootaga faalefeusuaiga e faamatala ai i latou lava. Po o le a lava le ala, o le tosina atu i le itupa e tasi o se faaupuga talafeagai e faamatala ai le aafiaga e aunoa ma le faalala mai o se igoa. Ua faaaoga e le uepisaite lenei faaupuga e faaaofia uma ai ma tagata o e e le taugamalie i le faaaogaina o se igoa—e le faafitia ai le tulai mai o se faafafine, faafatama, po o se faasinomaga i itupa uma e lua.

O igoa e sili ona masani ai o faafatama (o se tamaitai ua tosina i tamaitai), faafafine (o se alii ua tosina i alii), ma le itupa e lua (o se alii po o se tamaitai ua tosina i itupa uma e lua). E ono faaaoga foi e nisi tamaitai le faaupuga o le faafatama e faamatala ai i latou lava. E ono faaaoga e tagata isi igoa, ae o nisi atonu ua aafia i le tosina atu i le itupa tutusa ua filifili e le faaaogaina se igoa e faamatala ai i latou lava. O le ala e filifili ai tagata e faailoa ai e ono suia i le aluga o taimi.