Nō te aha te tahua natirara e fa’a’ohipa ai i te parau « te fa’ahina’arora’a ta’ata nō tōna iho ’āpeni » ?

« Te fa’ahina’arora’a ta’ata nō tōna iho ’āpeni », e tū’ati i te pae ’āehuehu, i te pae tino, i te pae hereherera’a ’e te fa’ahina’arora’a ’āpeni i te hō’ē ta’ata nō tōna iho ’āpeni. Te feiā tē vai ra i roto ia rātou te fa’ahina’arora’a ta’ata nō tōna iho ’āpeni, e nehenehe rātou e mā’iti ’aore rā ’eiaha e mā’iti e fa’a’ohipa i te tītiro paera’a ’āpeni nō te fa’a’ite ia rātou iho. ’Ātīrā noa atu, ’ua riro te fa’ahina’arora’a ta’ata nō tōna iho ’āpeni ’ei parau anoha’a nō te reira huru ma te tu’u-’ore-hia te tāpa’o. Tē fa’a’ohipa nei teie tahua natirara i teie parau nō te fa’aō mai i te feiā ’aita e au nei ’ia tāpa’ohia rātou i teie huru i’oa—e ’ere nō te huna te ti’ara’a ihota’ata o te, te pā’i’a, ’aore rā te airua.

Te mau tāpa’o i matarohia pā’i’a (e vahine e fa’ahina’aro i te vahine), tāneātāne (e tāne e fa’ahina’aro i te tāne), ’e te airua (e tāne ’aore rā e vahine e fa’ahina’aro i nā hete to’opiti). E nehenehe ato’a te tahi mau vahine e fa’a’ohipa i te parau tāneātāne nō te fa’a’ite ia rātou iho. E nehenehe te mau ta’ata e fa’a’ohipa i te tahi atu mau tāpa’o, ’e te tahi tē vai ra i roto ia rātou te fa’ahina’arora’a ta’ata nō tōna iho ’āpeni e ma’iti ’eiaha ’ia tu’uhia i ni’a ia rātou te tāpa’o nō te fa’a’ite ia rātou iho. Te huru mā’itira’a a te ta’ata nō te fa’a’ite ia rātou iho, e nehenehe te reira e taui i te roara’a o te tau.