Potutusi
Aoao le aoaoga faavae a Iesu Keriso mo oe lava.

“Aoao le aoaoga faavae a Iesu Keriso mo oe lava,” Atinaega o Tomai Faafaiaoga (2022)

“Aoao le aoaoga faavae a Iesu Keriso mo oe lava,” Atinaega o Tomai Faafaiaoga

A’oa’o Atu le A’oa’oga Faavae

Aoao le aoaoga faavae a Iesu Keriso mo oe lava.

Tomai: Fatu ni fesili tatala sailiili e fesoasoani i tagata aoga e iloa ai mataupu faavae o le talalelei mo i latou lava ma aua le tata’ia latou i se tali patino.

Faamatalatala

O fesili tatala sailiili e valaaulia ai tagata aoga ia iloa ma malamalama ai i upumoni i tusitusiga paia mo i latou lava nai lo le taitai atu o i latou i se tali na muai fuafuaina pe patino. O lenei faiga e mafai ai ona sili atu le talafeagai o le suesueina e se tagata aoga o tusitusiga paia ma mafai ai ona faatagaina le Alii e aoao atu ma musuia i latou lava. O fesili nei (1) e aofia ai se valaaulia mo tagata aoga e mafaufau po o le a le mea e tulaga ese ia i latou lava, (2) faaitiitia ai le manaomia e tagata aoga ona vaavaai mo se mea patino o loo i ai i le mafaufau o le faiaoga, ma le (3) e mafai ona faataga ai tagata aoga e mafaufau loloto pe mafai faapefea ona faaaoga upumoni na faailoa mai ma malamalama i ai i o latou lava olaga patino. E mafai ona faaaoga nei fesili pe a valaaulia tagata aoga e saili fuaiupu e faailoa ai upumoni ma i le saili ia malamalama atili i upumoni na latou faailoaina.

Faataitaiga

O ni nai faataitaiga nei o ni auala atonu e te fesoasoani ai i tagata aoga ia iloa ma malamalama i upumoni mo i latou lava e faaaoga ai fesili tatala sailiili:

  • Nai lo le valaaulia e “Sue le fuaiupu lea e aoao ai tatou e le Alii i le taua o le usitai,” e mafai ona e fesili, “O le a le mataupu faavae e tulaga ese ia oe i ia fuaiupu?”

  • Nai lo le fai atu, “Ua faamamafa e Iesu le manaomia ona tatou faatuatua ia te Ia i nei fuaiupu,” e mafai ona e fesili, “O a mataupu faavae tatou te aoaoina mai aoaoga ma faataitaiga a Iesu i ia fuaiupu?”

  • Nai lo le fesili atu, “O mafai ona e vaai pe o faapefea ona faamanatu mai e le Alii ia i tatou e tatalo e le aunoa i lenei fuaiupu?” e mafai ona e fesili, “O le a le savali e uiga i le tatalo o loo taumafai le Alii e fesoasoani ia te oe ia malamalama mai lenei fuaiupu?”

Kiliki ii e matamata ai i se vitio o lenei faataitaiga

1:43

Faataitai

Faaaoga se tasi pe sili atu o faiga nei e faaleleia ai lou tomai e fesoasoani ai i tagata aoga ia iloa ma malamalama i upumoni mo i latou lava:

  • Tagai i le Moronae 10:32–33. Faataitai le faailoaina o mataupu faavae e sili atu ma le tasi e iloa ai pe faapefea ona faailoa mai e tagata aoga ni mataupu faavae eseese mai nei fuaiupu. Tusi i lalo se fesili se tasi o le a mafai ai e tagata aoga ona maua ni mataupu faavae se tele.

  • Mafaufau i se poloka mau o loo e fuafua e suesue faatasi ma tamaiti aoga i se lesona o le a sosoo ai. Nai lo le fuafua e faitau e tagata aoga nei fuaiupu ma vaavaai mo se mataupu faavae patino ua uma ona e faailoaina, faataitai ona tusi ni fesili tatala sailiili se lua i le tolu e fesoasoani ai ia i latou ia iloa se mataupu faavae mo i latou lava.

  • Vaai i se fuafuaga o le lesona o le a sosoo ai. Filifili se mataupu faavae e ono faailoa mai e tagata aoga mai fuaiupu o loo suesueina. Faataitai ona tusi ni fesili faigofie se lua pe tolu e fesoasoani ai ia i latou ia malamalama atili i lenei mataupu faavae i se auala e le taitai atu ai i latou i se tali na muai filimaotiina pe patino.

Talanoaina pe Mafaufau Loloto

Mafaufau loloto i mea ua e aoaoina mai lenei aafiaga. Atonu e mafai ona e faamaumauina nisi o nei manatu i se api talaaga mo suesuega. Mafaufau i fesili nei:

  • O le a se mea na ou faia muamua e fesoasoani ai i tagata aoga e aoao e ala i fesili tatala sailiili?

  • O le a se mea ua ou aoaoina i lenei aafiaga e mafai ona faaleleia atili ai lo’u tomai e fai atu ni fesili tatala sailiili ?

  • O le a se mea o le a ou faia e faaauau ai ona alualu i luma?

Faaaoga

A o e saunia au lesona i lenei vaiaso, fatu ni fesili se lua i le tolu o fesili tatala sailiili lea e fesoasoani i tagata aoao ia iloa aoaoga faavae ma mataupu faavae o le talalelei mo i latou lava ma e le taitai atu ai tagata aoga i se tali patino. Tusi i lalo ma taumafai e fesili atu i tagata taitasi ma se tagata o le aiga, faatasi ma se paaga, pe na o oe lava. Faailoa mai se tasi e fesili i le potuaoga, ma faaaoga i lau lesona.

E Te Fia Aoao Atili?