Lepin Mahsen Kan

IasadaMwurin mehlahn paliwar, kopwurupwurpenehn pali ngehn oh paliwar en uduk oh tih me unseklahr. Sises Krais me tepin kaiasada.

KaudiahlMahmahsenpene nanpwungen Koht oh Sapwellime serihkan, me kalapw wiawi sang ni Ngehn Sarawi. Aramas kan kak alehdi kaudiahl en kaweid pein arail mour kan, ahpw ihte sapwellimen Koht soukohp pilipilda me kak alehdi kaudiahl ong sampah pwon. Kaudiahl kin kohdo ni mwohmw tohto, ahpw pali laud en ansou e kin kohdo ni duwen madamadau kan, pepehm kan, oh lipw kapehm kan.

KopwurupwurdoWiahda mehkot en duwehte ni tapio; kauwadasapahl; kapwurehdo kapw. Mwurin mehlel oh mweimwei eh salongasang sampah, rongamwahuo kopwurupwurdo sang Soukohp Joseph Smith. Kopwurupwurdo weksang kopwungpwungla pwehki en kapwungala wehwehki en wekidala pwihn ehu me miehier pwehn kapwurehlahng mwomwe ni tapio, ahpw en kapwurehdo wehwehki en pwurehng kauwada sapahl de kapwurehdo kapw pwihn me mie ni tapio de tiahk ehu ni unsek.

Ngehn SarawiKahdaniki Ngehn Sarawi, Ngehn en Koht, oh Sounsawas. E kin ketin kadehdehki, de kadehde, duwen Sahm Nanleng oh Sises Krais, oh kin ketin kapwarehda oh padahk duwen me mehlel.

PepdaisDake kesempwal ehu ong alehdi mahkpen dihp akan. Sang pepdais oh kasarawihala sang manaman en priesthood, kitail kin wiahla towe en Mwomwohdiso en Sises Krais en Souleng en Imwin Rahn Akan. Pepdais iei sang ni koduhdi, me wehwehki me aramas me pahn pepdaiso kin koduhdi ni unsek ansou mwotomwot nan pihl. Pepdais kin kasalehda atail inangih idawehn sapwellimen Krais karasaras oh en wiahda inou kan rehn Koht.

PriesthoodMweimwei oh manaman en Koht. Koht kin ketikihieng aramas manaman wet en mwekid ni Mware. Priesthood en Aaron kopwurupwurdohng Joseph Smith sang Sohn Sounpapidais, me pepdaisih Sises. Priesthood en Melkisedek kopwurupwurdo sang Piter, Seims, oh Sohn, silimen Sapwellimen Sises Wahnpoaron Kan.

Priesthood en AaronPriesthood tikitiko. Priesthood wet kin iangahki mweimwei en pepdais oh ede kohsang Aaron nan Kadehde Mering en Pwuhk Sarawi.

Priesthood en MelkisedekPriesthood ileo de lapalapo. E kohieng eden Melkisedek sang nan Kadehde Mering en Pwuhk Sarawi, me wia samworo de priest lapalap men me mour pwung oh nanmwarki men.

PwupwulaoNi ansou me pein aramas, Mwomwohdiso, de wehi unsek kan kin soikala de kesehla rongamwahu en Sises Krais. Pwupwula kin imwikihla tohrohrpeseng, pingiping, oh sohralahn mweimwei en priesthood, de pwuhng en mwekid ni mwaren Koht.

RongamwahuoSapwellimen Sahm Nanleng koasoandi en seweseikitail ahniki popohl nan mour wet oh peren nan mour soutuk. Rongamwahuo poahsoankihda Tomw en Sises Krais oh anahne kitail en pwoson Ih, koluhla, pepdaisla, alehdi Ngehn Sarawi, oh nantihieng de dadaurete lel imwi.

Tiahk SarawiTiahk ehu me sarawi oh manaman me kin kohda sang ni mweimwei en priesthood. Ehu karasaras en met iei pepdais.

TomwKemwekid me kin elehieng atail kak en pwungila rehn Koht. En tomw iei en lokolongki pweinen dihp, me elehieng en kihsang lipwen dihp sang rehn me dipan akan me kin koluhla. Sises Krais iei ihte kelehpw me kak wia Tomw unsek ong koaruhsiehn. Sapwellime Tomwo iangahki Sapwellime lokolok pwehki dipatail kan, keredi en Sapwellime nta, oh Sapwellime pwoula oh Iasada. Pwehki Tomwo, koaruhsiehn me mourehr sampah pahn kaiasada. Tomwo pil kin kihieng kitail wiepen alehdi mahkpen dipatail kan oh en momour kohkohlahte rehn Koht.

WahnpoaronMwahr me Sises Krais ketikihieng ohl ehk riemen me E ketin pilada en wia Sapwellime werek keieu keren nan Sapwellime mwehin kalohk pohn sampah oh me E ketikihieng sapwellime mweimwei en mwekidki Mware. Nan mwehi wet, Sises Krais ketin malipe ekei ohl tohrohr en papah ni duwen Sapwellime Wahnpoaron Akan. Duwehte nan mwehi kan en mahs, Wahnpoaron men iei sounkadehde tohrohr en Sises Krais oh ahniki mweimwei sang Ih.