Pagtutok sa Young Single Adult

Panglantaw

Imahe
Presidente Russell M. Nelson

“Panalanginan ko kamo sa pagdumala sa inyong kaugalingon nga pagpamatuod. Ug panalanginan ko kamo nga makabaton sa tinguha ug kalig-on sa pagtuman sa inyong mga pakigsaad. Kon inyong buhaton, ako mosaad nga kamo makasinati sa espirituhanon nga paglambo, kagawasan gikan sa kahadlok, ug usa ka pagsalig nga dili kaayo ninyo mahunahuna karon. Kamo makabaton sa kalig-on sa pag-angkon og positibo nga impluwensiya nga labaw gayod sa inyong natural nga kapasidad.”

—Russell M. Nelson (“Mga Pagpili alang sa Kahangtoran” [tibuok kalibotan nga debosyonal alang sa mga young adult, Mayo 15, 2022], Gospel Library)

Isip mga lider sa young single adult, kamo gitawag aron sa pagtabang sa mga young single adult sa inyong ward ug stake nga mobati sa gugma sa Langitnong Amahan ug sa Iyang Anak, nga si Jesukristo, ug mosunod Kanila. Kamo motabang sa tanang young single adult nga makahimo ug makatuman sa sagrado nga mga pakigsaad ug mapalawman ang ilang pagbati nga nahisakop diha sa Simbahan sa Manluluwas.

Tingog sa Young Single Adult

Samtang ang mga young single adult (edad 18 ngadto sa 30) maghisgot bahin sa ilang kasinatian sa Simbahan, daghan ang mopakigbahin nga sila:

Adunay dako nga panginahanglan nga mobati nga gihatagan og bili ug nasabtan ug mahimong kabahin sa kawsa nga gitumong sa pagserbisyo ug pagtabang sa mga anak sa Dios.
Mobati nga gihukman ug nga sila wala mohaom o mahisakop sa kasamtangang kultura sa Simbahan.
Mobati nga “dili malamposon sa ilang kinahanglang buhaton” tungod kay dili sila minyo.
Adunay gugma sa ebanghelyo ug mobati nga sila makahimo sa pagtampo ngadto sa buhat sa kaluwasan ug kahimayaan.

Pamaagi

Ang inyong abilidad sa pagtabang ug pagpanalangin sa mga young single adult (YSA) molambo samtang kamo:

Magtukod og komitiba sa YSA sa inyong stake (daghan nga stake kon gikinahanglan).
Magtawag ug motugot nga ang mga YSA mangulo sa komitiba.
Itutok ang komitiba sa pagtabang sa tanang YSA nga moapil sa buhat sa kaluwasan ug kahimayaan.
Tugotan ang mga komitiba sa YSA sa pagpahaom ngadto sa giaprobahan nga mga kapanguhaan aron sa pagtubag sa talagsaon nga mga panginahanglan sa mga YSA diha sa ilang dapit.
Motambag sa mga sakop sa komitiba sa YSA sa pagsugyot ug pagsuporta sa mga komperensiya sa mga YSA ug sa pundokanan nga mga dapit sa mga YSA.
Motabang sa mga lider sa YSA sa pagsunod sa proseso sa:
- Pagpaminaw sa mga YSA.
- Pagtinambagay nga magkauban ug mopahiangay og mga solusyon.
- Pag-implementar sa mga solusyon.

Unsaon Paglihok ang Plano sa YSA

Imahe

Grapika sa Plano sa YSA

Ang pipila ka ehemplo sa mga programa ug mga kalihokan nga mahimong ipahiangay mao ang buhat sa templo ug family history, ang ikaduha nga oras sa simbahan, mga komperensiya, mga debosyonal, mga sosyal nga kalihokan, institute, Alang sa Kalig-on sa Kabatan-onan nga mga komperensiya, welfare ug pagbarog sa kinaugalingong paningkamot, JustServe, ug pagpaambit sa ebanghelyo.

Young Single Adult nga Plano sa Paglihok

Kini nga dokumento usa ka summary kon unsaon pagtabang ang tanang YSA nga mapalawman ang ilang koneksiyon ngadto kang Jesukristo ug ang ilang pagbati nga nahisakop sa sulod sa Iyang Simbahan. Ang mga lihok nga gihulagway sa ubos usa ka katibuk-an [summary] sa mga lagda nga gihatag diha sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, kapitulo 14, ug Paglig-on sa mga Young Single Adult (2022), Gospel Library.

Konseho sa Ward

Parehong heyograpikanhon ug YSA nga mga yunit

Mosegurado nga ang mga lider sa elders quorum, Relief Society, ug YSA diha sa inyong yunit adunay lista sa tanang YSA nga adunay mga rekord diha sa inyong ward o branch.
Himoon nga prayoridad ang pagkontak sa tanang YSA nga adunay mga rekord diha sa inyong yunit.
Kon makigdait sa mga YSA, importante kaayo nga kamo maminaw kanila. Hibaloi ug himoa nga tinud-anay nga interesado sa ilang mga hagit, mga pangutana, mga kalamposan, mga gilaoman, ug mga ideya.
Personal ug mainiton nga hangopon ang mga YSA ngadto sa korum sa mga elder ug Relief Society, seguradohon ang matag usa adunay dinasig nga buluhaton ug nasayod kinsa ang ilang bishop, presidente sa elders quorum, ug presidente sa Relief Society.
Maghatag og mga oportunidad alang sa pagkat-on sa ebanghelyo, pagserbisyo, pagsimba, ug sosyal nga mga kalihokan nga gipahaom sa mga panginahanglan sa YSA (tan-awa sa Paglig-on sa mga Young Single Adult).
Morekomendar og mga YSA ngadto sa kapangulohan sa stake aron sa pagserbisyo diha sa komitiba sa YSA sa stake.
Makigtagbo matag karon ug unya sa mga sakop sa komitiba sa YSA sa stake nga gikan sa inyong yunit. Mahimong pamilyar sa mga paningkamot sa YSA ug maghatag og suporta kon gikinahanglan.

Mga Kapangulohan sa Stake

Parehong heyograpikanhon ug YSA nga mga stake

Hatagan ang komitiba sa YSA sa stake og lista sa tanang YSA nga adunay mga rekord diha sa inyong stake.
Himoon nga prayoridad ang pagkontak sa tanang YSA nga adunay mga rekord diha sa inyong stake.
I-release ang tanang minyo nga mga hamtong gikan sa komitiba sa YSA sa stake.
Magtawag ug mag-set apart og YSA gikan sa matag ward (labing maayo nga usa ka lalaki ug usa ka babaye) ngadto sa komitiba sa YSA sa stake.
Magtawag ug mag-set-apart og usa ka lalaki ug usa ka babaye isip mga pangulo sa komitiba sa YSA sa stake.
Sa mga lokasyon diin ang konseho sa institute naglihok, itipon ang konseho sa institute sa komitiba sa YSA o iapil ang mga representante gikan sa komitiba sa YSA diha sa konseho sa institute.
Mosangon og usa ka magtatambag sa kapangulohan sa stake ug usa ka sakop sa kapangulohan sa Relief Society sa stake isip mga tigtambag ngadto niini nga komitiba.
Tudloan ang mga sakop sa komitiba sa YSA sa stake sa ilang katungdanan aron sa pagtabang sa tanang YSA nga mapalig-on ang ilang pagtuo diha ni Jesukristo ug sa Iyang maulaong sakripisyo. Gamiton ang mga kasulatan, Kinatibuk-ang Tamdanan nga Basahon, kapitulo 14, ug Paglig-on sa mga Young Single Adult.
Tudloan ang mga sakop sa komitiba sa YSA sa stake bahin sa kaimportante sa pagpaminaw sa mga YSA ug sa oportunidad sa pagpahaom sa giaprobahan nga mga programa sa Simbahan aron sa pagtubag sa mga panginahanglan sa mga YSA. Gamiton ang Paglig-on sa mga Young Single Adult.
Ang mga kapangulohan sa YSA sa stake kinahanglan nga makigtambayayong sa heyograpikanhong mga kapangulohan sa stake kabahin sa mga YSA nga mopili sa pagtambong sa usa ka heyograpikanhon nga yunit ug mangalagad ngadto sa mga YSA nga wala mosimba.

Imahe

Simbolo sa Simbahan