Taulaiga i Talavou Nofofua Matutua

Vaaiga Mamao

“Ou te faamanuia ia te outou ia pulea a outou lava molimau. Ma ou te faamanuia ia te outou ia i ai le manao ma le malosi e tausi ai a outou feagaiga. A outou faia, ou te folafola atu o le a outou lagonaina le tuputupu a’e faaleagaga, saoloto mai le fefe, ma se talitonuga maumaututu e seāseā e mafaufauina i le taimi nei. O le a outou maua le malosi e maua ai se tosinaga lelei e sili atu i lou malosiaga faalenatura.”

—Russell M. Nelson (“Filifiliga mo le Faavavau” [faigalotu i le lalolagi atoa mo le autalavou matutua, Me 15, 2022], Potutusi o le Talalelei).

I le avea ai ma taitai o talavou nofofua matutua, ua valaauina oe e fesoasoani i talavou nofofua matutua i lau uarota ma le siteki ia lagonaina le alofa o le Tama Faalelagi ma Lona Alo o Iesu Keriso, ma mulimuli ia i La’ua. E tatau ona e fesoasoani i talavou nofofua matutua uma ia osia ma tausia feagaiga paia ma faalolotoina lo latou lagona o le auai i totonu o le Ekalesia a le Faaola.

Leo o Talavou Nofofua Matutua

A talanoa talavou nofofua matutua (18 i le 30 tausaga) e uiga i o latou aafiaga i le Ekalesia, o le toatele ua latou faasoa mai e:

Matuai o latou manaomia ona lagona le faatauaina ma le malamalama ma ia avea o se vaega o se faamoemoega e tulimatai atu i le auauna ma fesoasoani atu i fanau a le Atua.
Lagona le faamasinoina e faapea e le fetaui pe le aofia i latou i le aganuu ua i ai nei a le Ekalesia.
Lagona le “se ese mai le ala” ona latou te le’i faaipoipo.
I ai so latou alofa mo le talalelei ma lagona e mafai ona latou saofagā atoatoa i le galuega o le faaolataga ma le faaeaga.

Vaaiga Mamao e Uiga i Ai

O lou tomai e fesoasoani ma faamanuia ai talavou nofofua matutua (YSA) o le a tuputupu ae a o outou:

Faatu se komiti a le YSA i lau siteki (siteki tuufaatasi i nofoaga e manaomia ai).
Valaau ma faataga ia YSA e taitai le komiti.
Taulai atu le komiti i le fesoasoani i YSA uma e auai i le galuega o le faaolataga ma le faaeaga.
Ia faataga ia komiti a YSA ia i ai le gafatia e fetuutuunai, ina ia fetuunai ai punaoa ua faamaonia e taulima ai manaoga tulagaese o YSA i a latou eria.
Fautuaina sui auai o komiti a YSA e fautuaina atu ma lagolagoina ia konafesi a YSA ma nofoaga e faapotopoto ai YSA.
Fesoasoani i taitai o YSA e mulimuli i le faagasologa o le:
- Faalogo i YSA
- Fefautuaai faatasi ma faaaoga ia vaifofo.
- Faatinoina o vaifofo.

Auala e Galue ai le Fuafuaga a le YSA

Fuafuaga Faatino a Talavou Nofofua Matutua

O lenei pepa o faamatalaga o se aotelega o le auala e fesoasoani ai i YSA uma ia loloto lo latou sootaga ia Iesu Keriso ma lo latou lagona o le aofia ai i totonu o Lana Ekalesia. O faatinoga o loo faamatala atu i lalo o se aotelega o taiala o loo tuuina atu i le Tusitaulima Aoao: Auauna atu i Le Ekalesia a Iesu Keriso o le Au Paia o Aso e Gata Ai, mataupu 14, ma le Faamalolosia o Talavou Nofofua Matutua (2022), Potutusi o le Talalelei.

Aufono a le Uarota

O Iunite o le faataatiaga faafaafanua ma le YSA

Ia mautinoa ua i ai i taitai o le korama a toeaina, Aualofa, ma taitai YSA i la outou iunite se lisi o YSA uma o i ai faamaumauga i lau uarota po o le paranesi.
Ia avea o se faamuamua le faafesootai o le YSA uma ua i ai pepa faamaumau i la outou iunite.
Pe a fegalegaleai ma le YSA, e taua lou faalogo ia i latou. Ia nofouta ma naunau moni e iloa o latou luitau, fesili, manuia, faamoemoega, ma manatu.
Faafeiloai taitoatasi ma le agalelei ia YSA i totonu o le korama a toeaina ma le Aualofa, ia mautinoa ua tofu i latou ma se valaauga musuia ma silafia po o ai o latou epikopo, peresitene o le korama a toeaina, ma le peresitene o le Aualofa.
Tuuina atu avanoa mo le aoaoina o le talalelei, auaunaga, tapuaiga, ma gaoioiga faaagafesootai e faafetaui i manaoga o le YSA (tagai i le Faamalolosia o Talavou Nofofua Matutua).
Fautuaina atu o YSA i le au peresitene o le siteki e auauna atu i le komiti a le YSA a le siteki.
Feiloai ma sui auai o le komiti a le YSA a le siteki mai lau iunite mai lea taimi i lea taimi. Ia faamasani i taumafaiga a le YSA ma tuuina atu le lagolago pe a manaomia.

Au Peresitene o Siteki

O siteki o le faataatiaga faafaafanua ma le YSA

Tuuina atu i le komiti a le YSA a le siteki se lisi o YSA uma lava o i ai faamaumauga i lau siteki.
Ia avea o se faamuamua le faafesootai o YSA uma ua i ai pepa faamaumau i lau siteki.
Faamalolo tagata matutua uma ua faaipoipo mai le komiti a le YSA a le siteki.
Valaau ma vaetofia ia YSA mai uarota taitasi (e lelei o se alii e toatasi ma se tamaitai e toatasi) i le komiti a le YSA a le siteki.
Valaau ma vaetofia se alii se toatasi ma se tamaitai e toatasi e avea ma taitaifono o le komiti a le YSA a le siteki.
I nofoaga o loo faagaoioia ai se aufono a le inisitituti, a lē o le tuufaatasia o le aufono a le inisitituti ma le komiti a le YSA pe ia faaaofia ai sui mai le komiti a le YSA i le aufono a le inisitituti.
Tofi se fesoasoani e toatasi o le au peresitene o le siteki ma se sui o le au peresitene o le Aualofa a le siteki e avea ma faufautua i lenei komiti.
Aoao atu i sui auai o le komiti a le YSA a le siteki lo latou tiute e fesoasoani i YSA uma e faamalosia lo latou faatuatua ia Iesu Keriso ma i Lana taulaga togiola. Faaaoga tusitusiga paia; Tusitaulima Aoao, mataupu 14, ma le Faamalolosia o Talavou Nofofua Matutua.
Aoao sui auai o le komiti a le YSA a le siteki e uiga i le taua o le faalogo i YSA ma le avanoa e fetuunai ai polokalama faamaonia a le Ekalesia ina ia ausia ai manaoga o le YSA. Faaaoga le Faamalolosia o Talavou Nofofua Matutua.
E tatau i au peresitene o siteki a le YSA ona galulue faatasi ma au peresitene o siteki faalefaafanua e faatatau i YSA o e filifili e auai i se iunite faafaafanua ma auaunaga i le YSA e le auai i le lotu.