talavou matutua o loo fiafia i se nofoaga autu mo konafesi

Taiala Vave mo le Amataga o le Konafesi a le YSA

Pe a fuafuaina, faatulagaina, faia, ma iloiloina se konafesi a talavou nofofua matutua (YSA), ia mautinoa ua lava le taimi e faataunuu ai ma le mataalia laasaga taitasi o loo i lalo. Afai e i ai ni au fesili i soo se taimi o le konafesi, imeli [e-mail].

1: O Le Amataina

• Faatulaga se komiti o konafesi a le YSA ma faataga ia YSA e taitai le taumafaiga.

• Ia faaaofia ai sui o le inisitituti ma le pule faafoe o le eria (po o le sui o mea tautupe) i le fuafuaga.

• Saili musumusuga i sini ma autu o le konafesi.

• Fatu se fuafuaga faalauiloa mataalia o le konafesi a le YSA.

• Fatu se fuafuaga o iloiloga mataalia o le konafesi.

• Ia Maua mai le faatagana a le Au Peresitene o le Eria.

• Faamatala manino ia matafaioi ma tiutetauave ma faatulaga soakomiti.

2. Fuafua, Saunia, ma Ia Faalauiloa

• Faamautu le tupe talafeagai. (E mafai ona mai le paketi a le eria po o le iunite i le lotoifale. Pe atonu foi e manaomia ona e talosagaina ni tupe faaopoopo.)

• Filifili aso o le konafesi e ofi ai le tele o YSA e mafai ai ma e le feteenai ma konafesi a le FSY.

• Faatulaga mo se lagolago talafeagai. (E mafai ona e faaaogaina volenitia i le lotoifale. E mafai foi ona e maua le lagolago a le laumua e ala i matagaluega o le Tautua o Lomiga po o le Matagaluega o Fale ma Fanua o Falelotu. E mafai foi ona e faia ni konekarate ma faatauoloa ma ofisa mai fafo mo auaunaga ma le lagolago.)

• Faamautu nofoaga, auaunaga, ma taleni, tagata faiaoga, ma failauga.

• Fuafua auala mo le lesitalaga ma tatala le lesitalaga i le vave e mafai ai (mo le faaaogaina o se polokalama lesitala, auina atu fesili i [e-mail]).

• Faatino le fuafuaga o le faalauiloaina, mataituina tali, ma fetuunai pe a manaomia.

• Faamatala se faagasologa mo le auala e pulea ai mea e lei faamoemoeina i le taimi o le konafesi.

3. Fai ma Iloilo le Konafesi

• Mulimuli i le fuafuaga o le konafesi.

• Mulimuli i le faagasologa mo le puleaina o mea e le’i faamoemoeina.

• Iloilo le konafesi. (Faamaumau le auai; manatu faaalia a YSA i mea na tutupu ma aafiaga; o le aafiaga o le konafesi i uiga faaalia, molimau, ma le auai i le Ekalesia; tupe faaalu o le paketi; ma isi mea faapena.)

• Auina atu le lipoti o le iloiloga i le Au Peresitene o le Eria ma le laumua o le Ekalesia.

© 2023 by Intellectual Reserve, Inc. All rights reserved. Lomiga: 11/23. PD80026009 000

Faamatalaga

1. Tagai i le “O Le Komiti a Talavou Nofofua Matutua,” i le Faamalolosia o Talafou Nofofua Matutua (2022), Potutusi o le Talalelei.

2. Tagai i le “Faamoemoega,” i le Taiala o le Konafesi a Talavou Nofofua Matutua (2022), Potutusi o le Talalelei.

3. Tagai i le “Valaauliaina o Talavou Nofofua Matutua i Konafesi,” i le Taiala o le Konafesi a Talavou Nofofua Matutua.

4. Tagai i le “Lipoti o le Konafesi i le Maea ai o le Konafesi,” i le Taiala o le Konafesi a Talavou Nofofua Matutua.

5. Tagai i le “Matafaioi ma Tiutetauave,” i le Taiala o le Konafesi a Talavou Nofofua Matutua.

6. Fomu Talosaga mo le Faatupeina o Konafesi a Talavou Nofofua Matutua ma Nofoaga e Faapotopoto Ai.

7. Faapipii le Lipoti o le Konafesi a le YSA; tagai foi i le “Lipoti o le Konafesi i le Maea ai o le Konafesi,” i le Taiala o le Konafesi a Talavou Nofofua Matutua.