kakai lalahi kei talavou ʻoku nau fiefia ʻi ha senitā konifelenisi

Fakahinohino Nounou ki he Konifelenisi YSA

ʻI he taimi ʻoku palani, fokotuʻutuʻu, fakahoko, mo vakaiʻi ai ha konifelenisi ʻa e kau taautaha lalahi kei talavoú (YSA), fakapapauʻi ʻoku ʻi ai ha taimi feʻunga ke fakahoko lelei ai ʻa e sitepu takitaha ʻi laló. Kapau ʻoku ʻi ai haʻo ngaahi fehuʻi lolotonga ha faʻahinga taimi pē ʻi he konifelenisí, ʻīmeili ki he [e-mail].

1. Kamata Leva

• Fokotuʻutuʻu ha kōmiti konifelenisi YSA pea fakaʻatā ʻa e kau YSA ke nau taki e ngāué.

• Fakakau ʻi he palaní ʻa e kau fakafofonga ʻo e ʻinisititiutí mo e pule fakaʻēlia ki he meʻa fakapaʻangá (pe fakafofonga fakapaʻangá).

• Fekumi ki ha tataki fakalaumālie ʻi he ngaahi taumuʻa mo e kaveinga ʻo e konifelenisí.

• Faʻu ha palani lelei ki hono ʻiloʻi ʻo e konifelenisi YSA.

• Faʻu ha palani te ne vakaiʻi lelei ʻa e konifelenisí.

• Maʻu ha fakangofua mei he Kau Palesitenisī Fakaʻēliá.

• Fakamatalaʻi mahino ʻa e ngaahi tufakangá mo e ngaahi fatongiá pea fokotuʻutuʻu ha fanga kiʻi kōmiti.

2. Palani, Teuteu, mo ʻAi ke ʻIloʻi

• Maʻu ʻa e paʻanga totonu. (ʻE lava ke maʻu ʻeni mei he patiseti ʻa e ʻēliá pe ʻiuniti fakalotofonuá. Pe mahalo te ke loto ke kole ha paʻanga lahi ange.)

• Fili ʻa e ngaahi ʻaho konifelenisi ʻe ala lava ke kau mai ai e tokolahi taha ʻo e kau YSA pea ke ʻoua naʻa fepaki mo e ngaahi konifelenisi KFT.

• Fokotuʻutuʻu ha tokoni feʻunga. (Te ke lava ʻo fakaʻaongaʻi ha kau ngāue tokoni fakalotofonua. Te ke lava foki ʻo maʻu ha tokoni mei he hetikuotá ʻo fakafou ʻi he ngaahi potungāue ʻo e Ngaahi Tokoni ki he Pākí (Publishing Services) pe Ngaahi Naunau ʻo e ʻApisiasí (Meetinghouse Facilities). Te ke lava foki ʻo aleapau mo e kau tuʻuaki koloa mo e ngaahi kautaha mei tuʻa ki ha ngaahi ngāue mo ha tokoni.)

• Fakapapauʻi ke maʻu ʻa e ngaahi feituʻú, ngaahi ngāue tokoní, mo e talēnití, niʻihi ʻoku nau fai e akó, mo e kau leá.

• Fakapapauʻi ʻa e founga ki he lesisitá mo fakaava ʻa e lesisitá ʻi he vave taha ʻe lavá (ke lava ʻo hū ki ha polokalama lesisita, ʻave ha ngaahi fehuʻi ki he [e-mail]).

• Fakahoko ʻa e palani ki hono ʻiloʻí, tokangaʻi ʻo e ngaahi talí, pea liliu ʻo ka fiemaʻu.

• ʻIloʻi ha founga ki he anga hono tokangaʻi ha meʻa fakatuʻupakē ʻe hoko lolotonga ʻa e konifelenisí.

3. Fakahoko mo Vakaiʻi ʻa e Konifelenisí

• Muimui ʻi he palani ʻo e konifelenisí.

• Muimui ʻi he founga ki hono tokangaʻi ʻo e meʻa fakatuʻupakeé.

• Vakaiʻi ʻo e konifelenisí. (Lekooti ʻa e tokolahi ʻo e maʻu fakatahá; fakamatala tokoni ʻa e YSA ki he ngaahi meʻa naʻe hokó mo e ngaahi aʻusiá; tākiekina ʻa e konifelenisí ʻi he ngaahi tōʻongá, fakamoʻoní, mo e kau mai ki he Siasí; ngaahi fakamole ʻi he patisetí; mo e ngaahi meʻa peheé.)

• Fakahū ʻa e lipooti ki hono vakaiʻí ki he Kau Palesitenisī Fakaʻēliá mo e hetikuota ʻo e Siasí.

© 2023 by Intellectual Reserve, Inc. All rights reserved. Tatau: 11/23. PD80026009 000

Ngaahi Maʻuʻanga Fakamatalá

1. Vakai, “Ko e Kōmiti ʻa e Kau Taautaha Lalahi Kei Talavoú,” ʻi he Fakamālohia ʻo e Kau Taautaha Lalahi Kei Talavoú (2022), Gospel Library.

2. Vakai, “Taumuʻa,” ʻi he Ngaahi Fakahinohino ki he Konifelenisi ʻa e Kau Taautaha Lalahi Kei Talavoú (2022), Gospel Library.

3. Vakai, “Ko Hono Fakaafeʻi ʻo e Kau Taautaha Lalahi Kei Talavoú ki he Konifelenisí,” ʻi he Ngaahi Fakahinohino ki he Konifelenisi ʻa e Kau Taautaha Lalahi Kei Talavoú.

4. Vakai, “Ko e Lipooti Hili ʻa e Konifelenisí,” ʻi he Ngaahi Fakahinohino ki he Konifelenisi ʻa e Kau Taautaha Lalahi Kei Talavoú.

5. Vakai, “Ngaahi Tufakangá mo e Fatongiá,” ʻi he Ngaahi Fakahinohino ki he Konifelenisi ʻa e Kau Taautaha Lalahi Kei Talavoú.

6. Foomu Kole Paʻanga ki he Konifelenisi ʻa e Kau Taautaha Lalahi Kei Talavoú mo e Ngaahi Feituʻu Tānakiʻangá.

7. Lipooti Hili e Konifelenisi ʻa e YSA; vakai foki, “Ko e Lipooti Hili ʻa e Konifelenisí,” ʻi he Ngaahi Fakahinohino ki he Konifelenisi ʻa e Kau Taautaha Lalahi Kei Talavoú.