Taekan te Onimaki
n Ana Ekaretia Iesu Kristo Ibukiia Aika Itiaki Ni Boong Aika Kaitira

1 Ti kakoaua te Atua, te Tama ae Akea Tokina, ao Natina, ae Iesu Kristo, ao te Tamnei ae Raoiroi.

2 Ti kakoaua ae a na katuuaeki aomata nako ibukin oin aia bure, ao tiaki ibukin riaoan te tua iroun Atam.

3 Ti kakoaua bwa man Ana Mwakuri ni Kamaiu Kristo, a kona iai aomata nako ni kamaiuaki, n te ongeaba nakon tuua ao otenanti n te Euangkerio.

4 Ti kakoaua bwa moan tuua ao otenanti n te Euangkerio bon: te moan, te Onimaki iroun te Uea ae Iesu Kristo, te kauoua, te Rairannano, te kateniua, te Bwabetito ni kateboaki i an te ran ibukin kamaunaan buure, te kaaua, te Katoka bai ibukin te bwaintituaraoi ae te Tamnei ae Raoiroi.

5 Ti kakoaua bwa e riai ni weteaki te aomata iroun te Atua, n te taeka ni burabeti, ao man te katoka bai irouia naake a kariaiakaki, bwa e na tataekina te Euangkerio ao ni karaoi taian otenanti ake iai.

6 Ti kakoaua te botaki naba ae ti te arona ma are iai ngkoa i nanon te Ekaretia ni Kawai, aika, abotoro, burabeti, minita, taan reirei, taan tataekina te euangkerio, ao tabeman riki.

7 Ti kakoaua te bwaintituaraoi n neewe, taeka ni burabeti, kaotioti, mii ni burabeti, katoki aoraki, rairan neewe, ao tabeua riki.

8 Ti kakoaua te Baibara ae ana taeka te Atua ngkana e eti rairana; ti kakoaua naba Ana Boki Moomon bwa ana taeka te Atua.

9 Ti kakoauai bwaai nako ake e a tia ni kaoti te Atua, bwaai ni kabane ake E kaoti ngkai, ao ti kakoaua bwa E na manga kaoti bwaai aika mwaiti aika korakora ma ni kakaawaki aika kaineti ma Uean te Atua.

10 Ti kakoaua manga ikotakin Iteraera ao kaokakin Baronga ake Tebwina; bwa Tion (Ierutarem ae Boou) e na kateaki i aon te kontenanti ae Amerika; bwa Kristo bon ngaia ae e na tautaeka i aon te aonaba; ao, bwa te aonaba e na manga kaboouaki ma ni karekea mimitongina ni bwaretaiti.

11 Ti tangira te inaomata n taromauria te Atua ae Moan te Mwaaka ni kaineti ma ara iango, ao ni kariaia aomata nako te inaomata naba anne, bwa a na taromauri ni kanga, n te tabo ra, ke are a rineia.

12 Ti kakoaua ae ti kabaeki nakoia uea, beretitenti, taan tautaeka, ao taan moti, n ongotaeka, ni karinea, ao ni boutoka te tua.

13 Ti kakoaua ae ti riai ni kokoaua, n etieti, n itiaki, n akoi, n raoiroi, ao ni kakaraoa ae raoiroi nakoia aomata ni kabaneia; e koaua, ti kona n atongnga bwa ti ira ana kauring Bauro—Ti kakoauai bwaai ni kabane, ti kantaningai bwaai ni kabane, ti a tia n teimatoa rinanon bwaai aika mwaiti, ao ni kantaningaia bwa ti na kona n teimatoa rinanon bwaai ni kabane. Ngkana iai te bwai ae raoiroi, ae kakateke, ke ae tamaroa rongorongona, ke e kamoamoaaki, ti na ukoukori bwaai aikai.