1 Nefi

Il‑Ktieb ta’ Mormon

Werrej
Introduzzjoni u Xhieda
1 Nefi
2 Nefi
Ġakobb
Enos
Ġarom
Omni
Kliem ta’ Mormon
Mosija
Alma
Ħelaman
3 Nefi
4 Nefi
Mormon
Għeter
Moroni
Gwida ta’ Referenza għall‑Ktieb ta’ Mormon

1 Nefi

Kapitlu 1
Nefi jibda jikteb l‑istorja tal‑poplu tiegħu—Leħi jara f’dehra kolonna tan‑nar u jaqra minn ktieb ta’ profezija—Hu jagħti tifħir lil Alla, ibassar dwar il‑miġja tal‑Messija, u jħabbar dwar il‑qerda ta’ Ġerusalemm—Hu jiġi ppersegwitat mil‑Lhud. Madwar 600 Q.K.
Kapitlu 2
Leħi jieħu lill‑familja tiegħu fid‑deżert ħdejn il‑Baħar tal‑Qasab—Huma jħallu warajhom il‑propjetà tagħhom—Leħi joffri sagrifiċċju lill‑Mulej u jgħallem lil uliedu s‑subien biex iħarsu l‑kmandamenti—Laman u Lemwel jilmentaw kontra missierhom—Nefi hu ubbidjenti u jitlob bil‑fidi; il‑Mulej ikellmu, u hu jintgħażel biex imexxi lil ħutu. Madwar 600 Q.K.
Kapitlu 3
Ulied Leħi jerġgħu lura Ġerusalemm biex jiksbu l‑pjanċi tar‑ram—Laban jirrifjuta li jagħtihom il‑pjanċi—Nefi jwissi u jħeġġeġ lil ħutu—Laban jisirqilhom l‑affarijiet tagħhom u jipprova joqtolhom—Laman u Lemwel isawtu lil Nefi u lil Sam u jaqilgħu ċanfira mingħand anġlu. Madwar 600–592 Q.K.
Kapitlu 4
Nefi joqtol lil Laban kif jordnalu jagħmel il‑Mulej u mbagħad huwa jipproteġi l‑pjanċi tar‑ram permezz ta’ strataġemma—Żoram jagħżel li jingħaqad mal‑familja ta’ Leħi fid‑deżert. Madwar 600–592 Q.K.
Kapitlu 5
Sarija tilmenta kontra Leħi—It‑tnejn li huma jifirħu bir‑ritorn ta’ wliedhom—Huma joffru sagrifiċċji—Il‑pjanċi tar‑ram fihom il‑kitbiet ta’ Mosè u tal‑profeti—Il‑pjanċi jidentifikaw lil Leħi bħala wieħed ġej min‑nisel ta’ Ġużeppi—Leħi jħabbar dwar in‑nisel tiegħu u dwar il‑ħarsien tal‑pjanċi. Madwar 600–592 Q.K.
Kapitlu 6
Nefi jikteb dwar il‑ħwejjeġ ta’ Alla—L‑għan ta’ Nefi hu li jipperswadi lill‑bnedmin biex jersqu lejn l‑Alla ta’ Abraham u jsalvaw. Madwar 600–592 Q.K.
Kapitlu 7
Ulied Leħi jerġgħu lura Ġerusalemm u jistiednu lil Ismagħel u lin‑nies ta’ daru biex jingħaqdu magħhom fil‑vjaġġ tagħhom—Laman u oħrajn jirvellaw—Nefi jħeġġeġ lil ħutu biex jafdaw fil‑Mulej—Huma jorbtuh bil‑ħbula u jippjanaw li jeqirduh—Hu jinħeles bil‑qawwa tal‑fidi—Ħutu jitolbu l‑maħfra—Leħi u n‑nies ta’ miegħu joffru s‑sagrifiċċju u s‑sagrifiċċji tal‑ħruq. Madwar 600–592 Q.K.
Kapitlu 8
Leħi jara dehra tas‑siġra tal‑ħajja—Hu jiekol mill‑frott tagħha u jkollu x‑xewqa li l‑familja tiegħu tagħmel l‑istess—Hu jara bastun tal‑ħadid, mogħdija stretta u dejqa, u ċ‑ċparijiet tad‑dlam li jgħattu lill‑bnedmin—Sarija, Nefi, u Sam jieklu mill‑frott, imma Laman u Lemwel jirrifjutaw. Madwar 600–592 Q.K.
Kapitlu 9
Nefi jagħmel żewġ settijiet ta’ annali—It‑tnejn li huma jisimhom il‑pjanċi ta’ Nefi—L‑akbar pjanċi jinkludu fihom storja sekulari; dawk li huma iżgħar jittrattaw primarjament ħwejjeġ sagri. Madwar 600–592 Q.K.
Kapitlu 10
Leħi jbassar li l‑Lhud se jittieħdu fil‑jasar min‑nies tal‑Babilonja—Hu jitkellem dwar il‑miġja fost il‑Lhud ta’ Messija, Salvatur, Feddej—Leħi jitkellem ukoll dwar il‑miġja ta’ dak li sejjer jgħammed lill‑Ħaruf ta’ Alla—Leħi jitkellem dwar il‑mewt u l‑qawmien mill‑imwiet tal‑Messija—Hu jqabbel it‑tixrid u l‑ġabra ta’ Iżrael ma’ siġra taż‑żebbuġ—Nefi jitkellem dwar Iben Alla, dwar id‑don tal‑Ispirtu s‑Santu, u dwar il‑ħtieġa għas‑sewwa. Madwar 600–592 Q.K.
Kapitlu 11
Nefi jara l‑Ispirtu tal‑Mulej u jiġi muri f’dehra s‑siġra tal‑ħajja—Hu jara l‑omm Iben Alla u jitgħallem dwar il‑kondixxendenza ta’ Alla—Huwa jara l‑magħmudija, il‑ministeru, u l‑kruċifissjoni tal‑Ħaruf ta’ Alla—Hu jara wkoll is‑sejħa u l‑ministeru tat‑Tnax‑il Appostlu tal‑Ħaruf. Madwar 600–592 Q.K.
Kapitlu 12
Nefi jara f’dehra l‑art imwiegħda; is‑sewwa, il‑ħażen, u l‑waqgħa ta’ dawk li jgħammru fiha; il‑miġja tal‑Ħaruf ta’ Alla fosthom; kif it‑Tnax‑il Dixxiplu u t‑Tnax‑il Appostlu se jagħmlu ħaqq minn Iżrael; u l‑istat disgustanti u maħmuġ ta’ dawk li ftit, ftit jispiċċaw jitilfu l‑fidi. Madwar 600–592 Q.K.
Kapitlu 13
Nefi jara f’dehra t‑twaqqif tal‑knisja tax‑xitan fost il‑Ġentili, l‑iskoperta u l‑kolonizzazzjoni tal‑Amerika, it‑telfien ta’ ħafna partijiet sempliċi u prezzjużi tal‑Bibbja, l‑istat riżultanti tal‑apostasija tal‑ġentili, ir‑restawrazzjoni tal‑evanġelju, il‑miġja tal‑iskrittura tal‑aħħar żmien, u l‑bini ta’ Sijon. Madwar 600–592 Q.K.
Kapitlu 14
Anġlu jgħid lil Nefi dwar il‑barkiet u s‑saħtiet li se jinżlu fuq il‑Ġentili—Hemm biss żewġ knejjes: il‑Knisja tal‑Ħaruf ta’ Alla u l‑knisja tax‑xitan—Il‑Qaddisin ta’ Alla f’kull ġens jiġu ppersegwitati mill‑knisja l‑kbira u abominabbli—L‑Appostlu Ġwanni se jikteb dwar tmiem id‑dinja. Madwar 600–592 Q.K.
Kapitlu 15
Nisel Leħi sejjer jirċievi l‑evanġelju mingħand il‑Ġentili fl‑aħħar żminijiet—Il‑ġabra ta’ Iżrael tixbah lil siġra taż‑żebbuġ li l‑friegħi naturali tagħha se jerġgħu jitlaqqmu mill‑ġdid—Nefi jinterpreta d‑dehra tas‑siġra tal‑ħajja u jitkellem dwar il‑ġustizzja ta’ Alla fil‑mod li huwa se jifred lill‑ħżiena mit‑twajbin. Madwar 600–592 Q.K.
Kapitlu 16
Il‑ħżiena jsibuha diffiċli li jaċċettaw il‑verità—L‑ulied subien ta’ Leħi jiżżewġu lill‑ulied bniet ta’ Ismagħel—Il‑Liahona tiggwidahom fil‑mixja tagħhom fid‑deżert—Jiġu miktubin minn żmien għall‑ieħor messaġġi mill‑Mulej fuq il‑Liahona—Ismagħel imut; membri tal‑familja tiegħu jilmentaw minħabba t‑tbatija. Madwar 600–592 Q.K.
Kapitlu 17
Nefi ordnat jibni ġifen—Ħutu jopponuh—Hu jħeġġiġhom billi jirrakkontalhom l‑istorja tal‑interazzjoni ta’ Alla ma’ Iżrael—Nefi jimtela bil‑qawwa ta’ Alla—Ħutu jiġu pprojbiti li jmissuh, ma jmorrux jidbielu bħall‑qasab imnixxef. Madwar 592‑591 Q.K.
Kapitlu 18
Il‑ġifen tlesta—Jissemma t‑twelid ta’ Ġakobb u Ġużeppi—Il‑grupp jimbarka għal vjaġġ lejn l‑art imwiegħda—L‑ulied subien ta’ Ismagħel u marthom jingħaqdu fix‑xalar u l‑irvell—Nefi jisfa marbut, u l‑ġifen jinġarr lura permezz ta’ maltempata tal‑biża’—Nefi jinħeles, u permezz tat‑talb tiegħu jieqaf il‑maltemp—In‑nies jaslu fl‑art imwiegħda. Madwar 591–589 Q.K.
Kapitlu 19
Nefi jagħmel il‑pjanċi mill‑metall u jiddokumenta l‑istorja tal‑poplu tiegħu—L‑Alla ta’ Iżrael għandu jiġi sitt mitt sena minn meta Leħi ħalla Ġerusalemm—Nefi jitkellem dwar it‑tbatija u l‑kruċifissjoni tiegħu—Il‑Lhud se jkunu mistmerra u mxerrdin sal‑aħħar żminijiet, meta huma jerġgħu jduru lejn il‑Mulej. Madwar 588–570 Q.K.
Kapitlu 20
Il‑Mulej jiżvela l‑għanijiet tiegħu lil Iżrael—Iżrael ġie ppruvat fil‑forn tan‑niket u sejjer joħroġ minn Babilonja—Qabbel Isaija 48. Madwar 588–570 Q.K.
Kapitlu 21
Il‑Messija se jkun ta’ dawl għall‑Ġentili u se jeħles lill‑priġunieri—Iżrael se jinġabar flimkien b’qawwa fl‑aħħar żminijiet—Is‑slaten se jkunu dawk li jrabbuhom—Qabbel Isaija 49. Madwar 588–570 Q.K.
Kapitlu 22
Iżrael se jinxtered ma’ wiċċ l‑art kollha—Il‑Ġentili sejrin ireddgħu lil Iżrael u jitimgħuh l‑evanġelju fl‑aħħar żminijiet—Iżrael se jinġabar flimkien u jsalva, u l‑ħżiena sejrin jinħarqu bħat‑tiben—Is‑saltna tax‑xitan sejra tinqered, u Satana se jkun marbut. Madwar 588–570 Q.K.