1 Na afei emi, Nephi, memmpɛ dɛ mekã m’egyanom hɔn ebusuasantsen ho nsɛm wɔ dza merekyerɛw wɔ ɔfã ha yi mu, na merennkyerɛw no dabiarada so wɔ mprɛtse a merekyerɛw yi do osiandɛ ɔwɔ kyerɛwsɛm no a m’egya dze esie no mu; dɛm ntsi na merennkyerɛw no wɔ dɛm nsɛm yi mu no.

2 Na ɔdɔɔ me sõ dɛ mebɛkã dɛ yɛyɛ Joseph n’asefo.

3 Na ɔmmfa mo ho dɛ nkyɛ mebɛkyerɛw dza ɔfa m’egya ho nyinara, na mbom ɔronnkɔ mprɛtse yinom do, na mbom mepɛ enya kwan wɔ do ama meetum akyerɛw nsɛm a ɔfa Nyankopɔn ho.

4 Mobotae kɛse ara nye dɛ mebɛkekã adasa aba Abraham ne Nyankopɔn, na Isaac ne Nyankopɔn, na Jacob ne Nyankopɔn hɔ ma wɔagye hɔn nkwa.

5 Dɛm ntsi mennkyerɛw ndzɛmba a ɔsɔ wiadze enyi na mbom ndzɛmba a ɔsɔ Nyankopɔn na hɔn a wɔnnyɛ wiadzemba enyi na mekyerɛw.

6 Dɛm ntsi mebɛhyɛ mbra ama m’asefo dɛ mma wɔnnkyerɛw ndzɛmba a no ho nnhia wɔ dɛm mprɛtse yi do mma adasamba.