Fas Nifae

Buk blong Momon

Ol Samting we Oli Stap Insaed
Fas Toktok mo Ol Witnes
Fas Nifae
Seken Nifae
Jekob
Inos
Jerom
Omnae
Ol Toktok blong Momon
Mosaea
Alma
Hileman
Tri Nifae
Fo Nifae
Momon
Ita
Moronae

Fas Nifae

Japta 1
Nifae i stat blong raetem histri blong ol pipol blong hem—Lihae i luk long wan visen blong wan longfala faea we i go antap, mo hem i ridim wan buk blong profesi—Hem i presem God, talemaot se Mesaea bae i kam, mo i profesae se God bae i mas prapa spolem gud Jerusalem—Ol Jiu oli stap givim hadtaem long hem. Raonabaot 600 B.K.B.
Japta 2
Lihae i tekem famli blong hem i go long waelples kolosap long Red Si—Oli lego ol samting blong olgeta—Lihae i givim wan sakrifaes long Lod, mo hem i tijim ol boe blong hem blong obei long ol komanmen—Leman mo Lemyul, tufala i stap toktok agensem papa blong tufala—Nifae i obei mo i prea wetem fet; Lod i toktok long hem, mo i bin jusum hem blong rul ova long ol brata blong hem. Raonabaot 600 B.K.B.
Japta 3
Ol boe blong Lihae oli gobak long Jerusalem blong karem ol buk we oli bin mekem wetem bras—Leban i no wantem givim ol buk—Nifae i askem strong mo i leftemap tingting blong ol brata blong hem—Leban i stilim ol samting blong olgeta, mo i traem blong kilim olgeta i ded—Leman mo Lemyul, tufala i kilim Nifae mo Sam, mo wan enjel i toktok strong long tufala. Raonabaot 600–592 B.K.B.
Japta 4
Nifae i kilimded Leban folem oda blong Lod, mo afta, hem i kasem ol buk we oli mekem wetem bras folem waes plan blong hem—Soram i jusum blong joenem famli blong Lihae long waelples. Raonabaot 600–592 B.K.B.
Japta 5
Saraea i komplen agensem Lihae—Tufala tugeta i hapi tumas from ol boe blong tufala i kambak—Oli mekem ol sakrifaes—Ol buk we oli mekem wetem bras i gat ol raeting blong Moses mo ol profet—Ol buk oli soemaot we Lihae i wan laen blong Josef—Lihae i profesae long saed blong laen blong hem, mo olsem wanem ol buk ia bae oli sef. Raonabaot 600–592 B.K.B.
Japta 6
Nifae i raet long saed blong ol samting blong God—Nifae i mekem samting ia from we hem i wantem ol man blong kam long God blong Ebraham, blong Lod i sevem olgeta. Raonabaot 600–592 B.K.B.
Japta 7
Ol boe blong Lihae oli gobak long Jerusalem mo askem Ismael mo evriwan insaed long haos blong hem blong joenem olgeta long wokbaot blong olgeta—Leman mo sam narafala oli go agensem Lod—Nifae i askem strong long ol brata blong hem blong gat fet long Lod—Oli fasemtaet hem wetem ol rop mo oli plan blong kilim hem i ded—Hem i kam fri tru long paoa blong fet—Ol brata blong hem oli askem hem blong fogivim olgeta—Lihae mo kampani blong hem i mekem sakrifaes mo oli bonem ol ofring. Raonabaot 600–592 B.K.B.
Japta 8
Lihae i luk wan visen blong tri blong laef—Hem i tekem mo kakae ol frut blong hem mo hem i wantem famli blong hem blong mekem olsem—Hem i luk wan aean rel, wan rod we i stret mo i no isi, mo ol klaod blong tudak we i kavremap ol man—Saraea, Nifae, mo Sam oli tekem mo kakae frut ia, be Leman mo Lemyul i no wantem. Raonabaot 600–592 B.K.B.
Japta 9
Nifae i mekem tu set blong histri—Oli singaotem tufala buk ia, ol buk blong Nifae—Ol bigfala buk oli gat histri blong ol man wetem ol samting we oli mekem long evri dei long laef blong olgeta—Ol smolfala buk oli gat histri blong ol tabu samting. Raonabaot 600–592 B.K.B.
Japta 10
Lihae i talem se long fiuja, Ol Jiu bae oli kam prisena blong ol man blong Babilon—Hem i talemaot se long medel blong Ol Jiu bae wan Mesaea, wan Sevya, wan Ridima i kam—Lihae i talemaot tu long saed blong man we bae i kam, we bae i baptaesem Smol Sipsip blong God—Lihae i talemaot ded mo laef bakegen long ded blong Mesaea—Hem i skelem seraot mo kam tugeta blong Isrel long wan olif tri—Nifae i tokbaot Pikinini blong God, i tokbaot presen we i Tabu Spirit, mo i tokbaot nid blong stret mo gud fasin i stap. Raonabaot 600–592 B.K.B.
Japta 11
Nifae i luk Spirit blong Lod, mo Spirit blong Lod i soem tri blong laef long visen—Hem i luk mama blong Pikinini blong God mo i lanem ol wok we God i kam daon blong mekem long ol pikinini blong ol man—Hem i luk baptaes, seves, mo taem we oli krusifaem Smol Sipsip blong God—Hem i luk tu, taem we Lod i singaotem Olgeta Twelef Aposol blong Smol Sipsip mo seves blong olgeta. Raonabaot 600–592 B.K.B.
Japta 12
Nifae i luk long visen, graon blong promes; stret mo gud fasin, rabis fasin, mo foldaon blong man we i stap laef long hem; Smol Sipsip blong God i visitim olgeta; olsem wanem nao Olgeta Twelef Disaepol mo Olgeta Twelef Aposol bae oli jajem Isrel; mo ol rabis mo doti ples blong olgeta we oli stap slak from oli bin lusum bilif. Raonabaot 600–592 B.K.B.
Japta 13
Nifae i luk long visen, jos blong devel we i stanap long medel blong Ol Jentael; oli faenem mo stanemap Amerika, ol pat blong Baebol we oli klia mo gudgudfala oli lus long Baebol; wanem i hapen from apostasi blong ol jentael, kambak blong gospel, ol skripja blong ol lata-dei bae i kamaot, mo taem we oli bildimap Saeon. Raonabaot 600–592 B.K.B.
Japta 14
Wan enjel i talem long Nifae long saed blong ol blesing mo ol strong nogud tok we bae i kam long Ol Jentael—I gat tu jos nomo: Jos Ia blong Smol Sipsip blong God, mo jos blong devel—Ol Sent blong God long evri kantri oli kasem hadtaem tru long bigfala mo rabis jos ia—Aposol Jon bae i raetem ol samting long saed blong en blong wol. Raonabaot 600–592 B.K.B.
Japta 15
Ol laen blong Lihae bae oli kasem gospel long Ol Jentael long ol lata-dei—Kam tugeta blong Isrel i olsem wan olif tri we ol stret branj blong hem bae oli joenem olgeta bakegen long olif tri ia—Nifae i givim mining blong visen blong tri blong laef mo i tokbaot jastis blong God, taem we hem i divaedem ol man nogud aot long olgeta we oli stret. Raonabaot 600–592 B.K.B.
Japta 16
Ol man nogud oli ting se trutok i had tumas—Ol boe blong Lihae oli mared wetem ol gel blong Ismael—Liahona i soem rod blong olgeta i go long waelples—Ol mesej blong Lod oli kamaot long Liahona wanwan taem—Ismael i ded; famli blong hem i komplen from ol hadtaem. Raonabaot 600–592 B.K.B.
Japta 17
Nifae i kasem komanmen blong bildim wan sip—Ol brata blong hem i go agensem hem—Hem i tijim strong olgeta taem we hem i talem bakegen histri blong ol wok blong God we hem i mekem wetem Isrel—Nifae i fulap wetem paoa blong God—Ol brata blong hem i no mas tajem hem, from oli fraet se bae oli drae olsem wan drae gras. Raonabaot 592–591 B.K.B.
Japta 18
Sip i finis—Oli tokbaot taem we Jekob mo Josef tufala i bon—Grup i go long promes graon—Ol boe blong Ismael mo ol waef blong olgeta oli joen tugeta long rabis lafet mo fasin blong go agens—Oli fasem Nifae, mo sip i gobak tru long wan strong hariken—Nifae i kam fri, mo tru long prea blong hem hariken ia i stop—Ol pipol i kasem promes graon. Raonabaot 591–589 B.K.B.
Japta 19
Nifae i mekem ol buk long ston blong aean mo i raetem histri blong ol pipol blong hem—God blong Isrel bae i kam sikis handred yia afta long taem we Lihae i bin aot long Jerusalem—Nifae i talemaot ol safaring blong Hem mo taem we oli krusifaem Hem—Ol man bae oli no laekem Ol Jiu mo bae oli seraotem olgeta olbaot kasem ol lata dei, taem we bae oli kambak long Lod. Raonabaot 588–570 B.K.B.
Japta 20
Lod i soemaot ol stamba tingting blong Hem long Isrel—Hem i bin jusum Isrel long oven blong faea blong hadtaem mo i nid blong go aot long Babilon—Luk long Aesea 48. Raonabaot 588–570 B.K.B.
Japta 21
Mesaea bae i wan laet long Ol Jentael mo bae i mekem ol prisena i go fri—Isrel bae i kam tugeta wetem paoa long ol las dei—Ol king bae oli olsem ol papa we oli givim ol gudfala kaekae long olgeta—Luk long Aesea 49. Raonabaot 588–570 B.K.B.
Japta 22
Isrel bae i seraot olbaot long ful fes blong wol—Ol Jentael bae oli fidim mo givim gudfala kaekae long Isrel long ol las dei wetem gospel—Isrel bae i kam tugeta mo Lod i sevem Isrel, mo ol man nogud bae i bon long faea olsem doti blong wit—Kingdom blong devel bae i lus evriwan, mo bae Lod i fasem Setan. Raonabaot 588–570 B.K.B.