1 Im ilo raan eo, jiljilimjuon kōrā renaaj kabwijer juon em̧m̧an, im ba: Kōm naaj kan̄ pilawā eo kijem make, im kōņak men ko ballim make; men eo wōt in, kōtļo̧k bwe kōmin pālik etam̧ n̄an bōkļo̧k am jook.

2 Ilo raan eo ra eo an Irooj enaaj aiboojoj im lan̄lōn̄; im leen bwidej naaj kanooj em̧m̧an im wūlio n̄an er ro riko iaan ro riIsrael.

3 Im naaj ālikin men kein, bwe ro raar pād wōt ilo Zaion im pād wōt ilo Jerusalem naaj kūr er kwōjarjar, aolepāer kajjojo eo kar jeje ilubwiljin ro remour ilo Jerusalem—

4 N̄e Irooj em̧ōj An kwaļļo̧k ettoon an lim̧aro nejin Zaion, im naaj karreoikļo̧k bōtōktōkin Jerusalem jān ilubwiljin kōn jitōbōn ekajet im kōn jitōbōn tile.

5 Im Irooj Enaaj ejaake ioon aolep jikin jokwe ilo toļ Zaion, im ioon jar ko an, juon kōdo̧ im bat ilo raan im meram in kijeek eurur ilo bon̄; bwe ioon aolepān aiboojoj an Zaion naaj juon likōpejn̄ak.

6 Im enaaj wōr juon em̧ kōppād n̄an kaelellor ilo raan jān bwil, im n̄an juon jikin koņe, im juon jikin eņojak jān ļan̄ im jān wōt.