Isi 22
N’ụbọchị ọchịchị otu puku afọ n’elu ụwa mmadụ nile ga-eto Onye-nwe—Ọ ga-ebi n’etiti ha—Tulee Aịsaịa 12. Ihe dịka n’afọ 559 ruo 545 tutu amụọ Kraịst.
1 Ma n’ụbọchị ahụ ị ga-asị: O Onye-nwe, a ga m eto gị; ọbụnadị na iwe were gị n’ebe m nọ, ewezugawo iwe gị, ma ị na-akasi m obi.
2 Lee, Chineke bụ nzọpụta m, A ga m atụkwasị-obi, ma ghara ịtụ-egwụ; n’ihi na Onye-nwe, Jehova bụ ume m na abụ m; ọ ghọwokwa nzọpụta m.
3 Ya mere, n’ọn̄ụ ka unu ga-esepụta mmiri site n’omimi mmiri nile nke nzọpụta.
4 Ma n’ụbọchị ahụ ka unu ga-asị: Too Onye-nwe, kpọkụo aha ya, kwupụta ihe nile o mere n’etiti ndị mmadụ, kwute na aha ya ka ebuliri elu.
5 Bụkuo Onye-nwe abụ; n’ihi na o mewo ọtụtụ ihe dị ezi mma; nke a ka amataworo n’ụwa nile.
6 Bepụta akwa ma tie mkpu, unu ndị bi na Zaịọn; n’ihi na ukwuu ka Onye-Nsọ nke Israel dị n’etiti unu.