1 Heẽ, koʼãva heʼi pe Ñandejára: Roheja rei piko raʼe che, térã piko romosẽ che ykéregui tapiaite peve? Ha péicha heʼi Ñandejára: Moõ piko oime pe kuatia nde sy ñemendajepoi rehegua? Mávape piko roheja rei, térã máva chembodevehápe piko romeʼẽ? Heẽ, mávape piko romeʼẽ? Péina ápe, pene rembiapovaikuére pejehepymeʼẽ, ha pene rembiapovaíre pende sy oñemboyke.

2 Upévare, ajúramoguare, ndaiporivaʼekue avave; ahenóiramoguare, ndaipóri avave ombohováiva. O Israel róga, oñemombyky piko che po ndaikatúi hag̃ua rorredimi, térã ndaguerekói piko che puʼaka poromosãso hag̃ua? Péina ápe, che jejaʼópe ambohypa pe yguasu, amoĩ hiʼysyrykuéra taveʼỹicha ha ipirakuéra hyakuãvaipa umi y hypágui, ha omano hikuái yʼuhéigui.

3 Amonde ypytũgui yvagakuéra, ha cilíciogui ajapo ijahoja.

4 Tupã Ñandejára omeʼẽvaʼekue chéve iñaranduvakuéra kũ, ikatu hag̃uáicha aikuaa mbaʼéichapa añeʼẽvaʼerã ndéve ára porãme, O Israel róga. Nekaneʼõramo haʼe oñangareko koʼẽ koʼẽre. Haʼe che apysapeʼa ahendu hag̃ua umi iñarandúvaicha.

5 Tupã Ñandejára che apysapeʼa, ha napuʼãi hese, ni ndaguevíri.

6 Ameʼẽ che lómo oporoinupãvape, ha che rova umi rendyva oipeʼávape. Nañomíri che rova pe ñemotĩ ha ñendyvúgui.

7 Tupã Ñandejára chepytyvõta, ha upéichagui nañemoapañuamoʼãi. Upévare amohatãkuri che rova itáicha, ha aikuaa nañemotĩmoʼãiha.

8 Ha Ñandejára hiʼag̃ui, ha chehustifika. Máva piko oñorairõta chendive? Ñañemboʼy oñondivepa. Máva piko pe cherayhuʼỹva? Toja che ypýpe, ha che aipyʼajopýta chupe che juru mbaretépe.

9 Tupã Ñandejára chepytyvõtagui. Ha maymáva umi chekondenáva, péina ápe, opavave umíva itujáta ao oñemondévaicha, ha umi ysoʼi aoʼuha hoʼupáta chupekuéra.

10 Máva piko oĩ pende apytépe Ñandejáragui okyhyjéva, iñeʼẽrendúva pe hembiguái ñeʼẽre, ha oikóva pytũmbýpe ha ndoguerekóiva tesape?

11 Péina ápe, opavave peẽ pemyandýva tata, pembojeréva pende jehe tata piriri, peguata pende rata resapépe ha umi tata piriri pemyandyvaʼekuépe. Kóva peguerekóta che pógui—peñenóta vyʼaʼỹme.