1. Napira napiragua pehmarganasoge; yamo tulemar peh takegar ehmar wagab peh imaidi kudager ye; tegirdi peh Pab Tummad nibneggi maid keg nue a pugeb bar peh pennukoe.

2. Tegi soggu ibmar sogwen gi peh ehmar pendaibiele, mer peh idu pinnasur gar kordi sae, tule kuage tarbotamaladgi, igi udiomar ittoged neggi, ar igarganba korditae, ahdi tulema e oganno maloedde ye soidimala. Napiragua pehmarga an soge, ehmar pado na pennuilesmala.

3. Ar peh immar soggwen gi ehmar pentaidibe, mer peh argan sapiledi, peh argan nued imaidih wisgwe.

4. We peh immar soggwengi ehmar pendagedi arbake sae; tegine peh Paba arbake peh taidihi, ehmar wagab peh pennuggoe.

5. Tehgine pehmar Pab tummad se kordibe, mer peh tule kuage tarbo tamaladgi peh taoe, ar ahmardi udio mar ittoged neg yagi Pab se kuishi kole, ar kalu muruganagine Pabse kole, adi tulemar etake gala. Napiragua pehmarga an soge, ahmar pado na pennuged nika.

6. Ar peh, peh Pab se korsoggalile, peh neiy yaba toge, keb peh ya edie; tehgine peh Pab tummad. Arbagge pela peh taimaidi, ehmar wagab peh pennukoe.

7. Al pehdi, peh Pab tummadse korsoggalile, mer kannar-kannar ibpioe, tulemar Pab wishurmalad gi, ar ahmardi ibmar pukidar piele keb maga ittolego ye pinsamalade.

8. Tegi soggu, mer emargi pehtae; ar peh Pab tummad yoh peh immar egise pado peh wisi, ibumar peh abehdi.

9. Weyob Pab se kormala: Anmar Pab Tummad nibneggi maidi, peh nuga di nue suilidigi obariledi gusdibe.

10. Napneggine peh pinsa maid igargan pehsae, nibneggine gimoga yobi.

11. Tehgine kuage gi nodi malad anmarga ebe, igi anmargi nodimalad an nabiroe.

12. Al mer igargan wilub taileged se an nidmala, ar isguhed igar anmargi obane.

13. Ar neiy tirbir peh taimaid pehgadi, kanguhed, peh odummolege, tegi na sadegua, tegin ye.

14. Ar pehmar tule isgudimalad ga igar peh nudake, pehmar Pab tummad nibalid pehga kuage isgudihid nudaimogoe.

15. Tegine tulemar peh isgudimalad ga igar pehbo nabo sulile, kege peh Pab tummad nibalid kuage isgudidihid nudaimoe.

16. Tehginbali peh marga pagele mer tule kuage tarbo tamalad gi per wagar obinsahagua kudisae; ar ahamar yamo eh wagar tinna oyodidih, adi tulemar maga etake gala masga baidi. Napiragua an pehmarga soge, ahmar na eh pennugged nika.

17. Ar, pehdi, peh masga pagele, peh nono peh nue wie, tehgine peh wagar enuke.

18. Ahdi pehmar ga paidihi tulemar ga mer oyogoe. Ar unnila Pab tummad arbag peh taimaid gar pi, tegine peh Paba arbake peh taidihide, ehmar wagab peh pennukoe.

19. Mer peh napneggined ibmar peh na napneggi urbemala, ar ahgindi sunna pehy iudumese, ar isgue, tehgine sunna addursamalad arpag toge addursaegala.

20. Pur nibneggined immar nibneggi na peh urbe, ar ahbine keg pehy udumese, tegine, ar keg addursamalad arbag toge, addursaegala.

21. Ar pia peh immar nuegan pugua, ahgin bi peh kuage pinsamai kumogoe.

22. Ibiya di sanga kual-lu mehe guadi, tegi soggu, peh ibiya nuedile, peh san pela ibeguale.

23. Ar peh ibiya peh ga isguhele, pela peh san neiy sishidgi kwe. Al tegi soggu, neiy meheguad pehga. Kudihidi neiy sishid ga nadele. ¡Ibiyobi neiy sishid pehga nagus sunnale!

24. Tule wargwen, kege tule tummad warbogua ga mailege; ar kwensag isdar take, tegi pur paidi sabgu nai kusale, ar sulirdi kwensag ginbi alamainai, paidi mesaguar imaidi kusale. Kege peh Pab tummad ga maile nay, tehgine immar nuegan neggined ga maile nai kubali.

25. Tehgine Esus weyob soisagua kaiya purba, ambe kaga poguadse adaide, ar sules maladi ga soide: Nue epinsamaloe. Pehmarga ibmar pehmarga soisadi. Ar wegi ani pehmar eguasa igar imakegala we neggweburgine. Al peh marga soge: Mer peh san purba gi peh pinsae, ibu kunmaloe, ar ibu peh kobbaloe; tegi pehmar sangin surbali ibu yohdibe. ¿Ar we sanpurba mas kunned pehmar sangin surbali ibu yohdibe. ¿Ar we sanpurba mas kunned ba pur ibmedi, tegine sangi mor yoleged ba pur nued sursina?

26. Niba ibtula kuggudimalad peh take, ahmar ibmar tiysuli, wesurbali, tegine obumar yagi ibmar urpedi suli; ar tehgine peh Pab nibalidi masgi omadi. ¡Ibi yob pur pule siggui marba pehmar pur nued kusunna.

27. ¿Tehgine pehmar toa we na peh pinsaed bali, na peh san osuosarsunna?

28. Ar ¿ibiga peh mor yoleged pina peh soisunna? Tudumar peh take, igi tungud tae, ahmar arbasuli, tup morga sobdi suli.

29. Tegidde an pehmarga soge; Salomón ibiyobi kangu mor yosa kusan inigwele, amba ahamar yobi yodsurkusa.

30. Ar tegi Pab tummad di nainumar gi gagan marga mor yodi, tehgine a ibmardi emi iba ginar tegidde paned gi pado ogummailegedide. Pehmar ulubgi pensulid pibi niymalad. ¡Iki we yobi pehmar ga Paba pur mor yomalo sunna!

31. Tegi soggu a ular mergin pinsamala: ¿Ibu an kunmaloe, ibu an kobmaloe, ibu mor an yohomar balodibe ye?

32. Ar peh Pabtummad nibneggine pela ibmar abehedi pehmar wisi.

33. Tegine Pabtummad eh soged ba igargan semaid inshe peh amie, eh igar napiraguadi, pela we ibmar keb pehga mergumai kudoe.

34. Tegi soggu, mer panedgi peh pinsae, ar panedi na wargwen ibmar guhedba nagudoe. Iba irba na eponigan nika kumala.