1 Im ālikin men kein āindein eaar eļļāļo̧k karuwatimjuonn̄oul im ļalem iiō eo barāinwōt, im armej ro raar jino meļo̧kļo̧k kakōļļe ko im kabwilōn̄lōn̄ ko raar ron̄, im kar jino dikļo̧k im dikļo̧k aer bwilōn̄ kōn kakōļļe eo ak kabwilōn̄lōn̄ eo jān lan̄, jon̄an raar jino in kijn̄en̄e ilo burueer, im pilo ilo ļōmņak ko aer, im kar jino in jab tōmak aolep men ko raar ron̄ im loi—

2 Kūne jān jet men waan ilo burueer, bwe aolep men kein kar jerbali jān jet em̧m̧aan im jān kajoor eo an devil, n̄an tōlļo̧k im m̧oņe būruōn armej ro; im āindein Setan eaar bar bōk an būruōn armej ro, jon̄an Eaar kapiloik mejaer im tōlļo̧k er n̄an tōmak bwe katak in Kraist in eaar juon ebwebwe im juon men ewaan.

3 Im ālikin men kein armej ro raar jino kanooj kajoorļo̧k ilo nana im kajjōjō ko; im raar jab tōmak bwe ekar wōr elōn̄ļo̧k kakōļļe ak kabwilōn̄lōn̄ leļo̧k; im Setan eaar wōnm̧aanļo̧k, im tōlļo̧k būruōn armej ro, im kapo er im kōm̧m̧an bwe ren kōm̧m̧an eļap nana ilo āneo.

4 Im āindein eaar eļļāļo̧k ruwatimjuonn̄oul im jiljino iiō eo; im barāinwōt ruwatimjuonn̄oul im jiljilimjuon iiō eo; im barāinwōt ruwatimjuonn̄oul im ruwalitōk iiō eo; im barāinwōt ruwatimjuonn̄oul im ruwatimjuon iiō eo;

5 Im barāinwōt jibukwi iiō eaar eļļāļo̧k jān raan ko an Mosaia, eo eaar kiin̄ ioon armej in riNipai.

6 Im jiljinobukwi im ruwatimjuon iiō ko raar eļļāļo̧k jān ke Liai eaar likūt Jerusalem.

7 Im ruwatimjuon iiō eaar eļļāļo̧k jān iien eo kakōļļe eo kar leļo̧k, eo kar kōnono kake jān rikanaan ro, bwe Kraist en kar itok ilo laļ.

8 Kiiō riNipai ro raar jino watwat iien eo aer jān tōre in ke kakōļļe eo kar leļo̧k ak jān itok eo an Kraist; kōn menin, ruwatimjuon iiō eaar eļļā.

9 Im Nipai, eo eaar jemān Nipai, eo eaar bōk eddo in ļo̧o̧k ko, eaar jab ro̧o̧l n̄an āneen Zaraemla, im jab kar lo ijoko jabdewōt ilo aolepān āneo.

10 Im ālikin men kein armej ro raar pād wōt ilo nana, jekdo̧o̧n eļap kwaļo̧k naan im kanaan eo kar jilkinļo̧k ilubwiljier; im āindein eļļāļo̧k kajon̄oul iiō eo barāinwōt; im kajon̄ouljuon iiō eo eaar eļļā ilo nana.

11 Im ālikin men kein ilo kajon̄ouljilu iiō eo eaar jino wōr pata ko im aitwerōk ko ilo aolepān āneo; bwe riko̧o̧t in Kadiantōn ro raar bwijlepļo̧k, im kar m̧an ekanooj lōn̄ armej, im kar ko̧kkure elōn̄ jikin kwelo̧k ko, im kar kajeeded eļap ibeebjauwe iaolepān āneo, bwe en kar erom mennin aorōk bwe aolep armej ro, jim̧or riNipai im riLeman, ren kotak kein tariņae ko aer ņae er.

12 Kōn menin, aolep riLeman ro raar oktak n̄an Irooj raar kobaļo̧k ippān ro jeir im jatier, riNipai ro, im kar karreel er, kōn oņaake eo an mour ko aer im kōrā ro aer im ro nejier, n̄an kotak kein tariņae ko ņae riko̧o̧t in Kadiantōn ro, aaet, im barāinwōt n̄an dāpij jim̧we ko aer, im jeraam̧m̧an ko an kabun̄ eo aer im an aer kabun̄-jar, im aer anemkwōj im aer ineem̧m̧an.

13 Im ālikin men kein bwe m̧okta jān kajon̄ouljilu iiō in eaar eļļāļo̧k riNipai ro kar kōlōļn̄o̧n̄ er kōn tōn̄tōn̄ in ko̧kkure kōnke tariņae in, eo eaar kanooj kabbūrom̧ōjm̧ōj.

14 Im ālikin men kein riLeman ro raar koba ippān riNipai ro raar bōnbōn ilubwiljin riNipai ro;

15 Im lia eo aer kar bōk jān er, im kilier raar erom mouj āinwōt riNipai ro;

16 Im em̧m̧aan em̧m̧an ded ro aer im leddik ro nejier raar kanooj em̧m̧an otem em̧m̧an, im raar bōnbōn ilubwiljin riNipai ro, im kar watōk er riNipai. Im āindein eaar jem̧ļo̧k kajon̄ouljilu iiō eo.

17 Im ālikin men kein ilo jino in kajon̄oulemān iiō eo, pata eo ikōtaan riko̧o̧t ro im armej in Nipai eaar wōnm̧aanļo̧k wōt im kar kanooj kabbūrom̧ōjm̧ōj otem kabbūrom̧ōjm̧ōj; mekarta, armej in Nipai eaar em̧m̧anļo̧k kōjāier ioon riko̧o̧t ro, jon̄an raar lukwarkwar likļo̧k er jān āne ko āneer ļo̧k ilo toļ ko im ilo jikin ko rettino aer.

18 Im āindein eaar jem̧ļo̧k kajon̄oulemān iiō eo. Im ilo kajon̄oulļalem iiō eo raar kōm̧m̧alijar ņae armej in Nipai; im kōnke nana eo an armej in Nipai; im aitwerōk ko im akwāālel ko aer rellōn̄, riko̧o̧t in Kadiantōn ro raar bar em̧m̧an kōjāier ioer.

19 Im āindein eaar jem̧ļo̧k kajon̄oulļalem iiō eo, im āindein kar kijjien armej ro ilo jekjek in elōn̄ kaen̄tanaan ko; im jāje in ko̧kkure eo eaar etoto ioer, jon̄an nan̄in kar itōn juok laļļo̧k er jān e, im men in kōnke nana eo aer.