1 Obamelang, O lona Baditšhaba, mme lo utlwe mafoko a ga Jesu Keresete, Morwa Modimo o o tshelang, a a ntaetseng gore ke a bue mabapi le lona, gonne, bonang o ntaela gore ke kwale, ke re:

2 Fetogang, lotlhe lona Baditšhaba, go tswa mo ditseleng tsa lona tse di boleo; mme lo ikotlhaele ditiro tsa lona tse di bosula, le maaka a lona le ditsietso, le boaka jwa lona, le bodiabole jwa lona jwa sephiri, le go obamela disetwa ga lona, le dipolao tsa lona, le boperesiti boferefere jwa lona, le mafufa a lona, le dikgotlhang tsa lona, le go tswa mo boleofing jotlhe le bodiabole jwa lona, mme lo tle go nna, mme lo kolobediwe mo leineng la me, gore lo ka tla lwa amogele phimolo ya dibe tsa lona, mme lwa tlala ka Mowa o o Boitshepho, gore lo ka tla lwa balelwa le batho ba me ba e leng ba ntlo ya Iseraele.