Mormompa Libron
Imaynachus Kasqanmanta

Mormompa Librompa qallariynimpeqa kinsa laya Escribisqa Planchasmanta parlan, chaykuna kanku:

1. Nefij Planchasnin. Libroj escribisqanman jina, iskay laya karqanku — (a) Kuraj Planchas; (b) Sullk’a Planchas. Kuraj Planchas llajtaj imaynachus kasqanmanta astawan willan, Sullk’a Planchasrí astawan santo escribisqasta willan.

2. Mormompa Planchasnin. Kayqa Nefij Planchasninmanta juch’uyyachisqa willana. Mormon kayta ruwarqa ashkha parlaykunawan, pay kikintaj willanaman yaparqa. Qhepaman jinataj Mormompa wawan, Moroni, escribisqaman yapallarqataj.

3. Eterpa Planchasnin. Kayqa jareditakunamanta willan. Moroniqa kay willanata juch’uyyacherqa, parlayninta kayman yaparqataj. Eterpa Libron nispataj willanata suticharqa.

   Kay planchaswan waj planchas kallantaj, Mormompa Librompi chaykunamanta ashkha parlay kan, chaykuna kanku:

4. Labampa Bronce Planchasnin. Lehij familian kay planchasta apamorqanku Jerusalenmanta. Kaykunapi hebreomanta escrituras, ñawpaj taaspa mirayninmanta escribisqaswan kan. Kay planchasmantataj ashkha escribisqas nefitakunaj escribisqasninkupi rikhurinku.

Mormompa Librompi chunka phishqayoj t’aqas kan, kaykunataj libros sutichasqas kanku, sapa ujtaj escribejnimpa sutinta apan. Kaykunamanta, ñawpaj sojta libros Nefij Sullk’a Planchasninmanta tijrasqas, chaykuna kanku: Nefij Ñawpaj Kaj Libron, Nefij Iskay Kaj Libron, Jacobpa Libron, Enospa Libron, Jarompa Libron, Omnij Libronwan. Omnij Libron, Mosiahj Libronwan, chaykunaj chawpinkupi Mormompa Parlasqasninta tarinchis; kaytaj nefij escribisqanmanta, Sullk’a Planchaspi escribisqanman jina, chayta Mormompa Kuraj Planchasman qhatej p’unchaykunamanta juch’uyyachisqanwan juntuchan. Mormompa Parlasqasnin ñawpaj escribisqaña willaykunata sut’inchan, jinataj willan qhatej escribisqasmanta.

Kay Libropi, Mosiahmanta Mormompa qanchis kaj capitulonkama, Mormompa Nefij Planchasninmanta juch’uyyachisqanmanta tijrasqan. Mormompa wawan, Moroniqa, mormompa Librompa qhepa capitulosninta, Mormompa pusaj kaj capitulonmantapacha libroj tukukuyninkama escriberqa; ñawpajtataj payqa tatampa kawsayninmanta libronta tukucharqa; chantataj jareditaspa escribisqankuta juch’uyyacherqa Eterpa Libron kanampaj. Qhepantataj rejsichiswasqanchis Moronij Libronta yaparqa.

Mormompa Librompa escribisqasnenqa sojta pachaj wata faltashajtin Cristo nacenampaj (600 años) hasta tawa pachaj iskay chunka ujniyoj watakama nacesqanmantaña (421 años). Qhepan watapi jina, qhepa nefita escribej Moroniqa kay escribisqata sellarqa, Señorman pakallarqataj Diospa unay profetasninnejta willasqanman jina qhepa p’unchaykunapi llojsimunampaj. Kay kikin Moronitaj waranqa pusaj pachaj iskay chunka qanchisniyoj watapi (1827), watejmanta kawsarimuspa, payqa escribisqa planchasta Jose Smithman qorqa.