1. Tehgine pirga tulataled ila nergua kaga tula kuhile kaga paha (373) Nefitas eneggweburgine na nodmala, nega tule sulidbali, esordagan mala, Lamanitas ebo urwegala.

2. Nefitas sordamar parmel-led-mala, neggwebur tule sulidbali; ar amba púdar ittomaladgine kanar Lamanitas sordamar wehmar se nonimala; ar tummad uludmala, Lamanitas, Gwebur tule nega sulid na susmala, Nefitas pukidar purgismala, tegi pukidar seledmala yar paidsega.

3. Ar Nefitas mar abala wagidmala, Gwebur Teancum, ar edulamar ba abulude, yar wadile naidgi ambigudabmala, temar sigi neggwebur tule sulid nabar sahele.

4. Tegi Nefitas sordamar, Lamanitas ebo uludmala, pela obeloledbali; ar weyob kude, Lamanitas kwen kalagúdsulana.

5. Wegine Pab Tummad igar mesisadba na uudoe wehmar sega tulemar isgusad bali; ar we tulemar isgusadba odurdailedoe, wehmar tulemar pinsaed kadih ablis eoegala.

6. Ar Lamanitas na nue ambi kude Teancum neggwebur se urwenaegala.

7. Tehgine pirga tulataled ila kuhile kaga nergua, Lamanitas, Teancum neggwebur se nadmala urwegala, ar sue garbali.

8. Ar tegine Nefitas sordamar, Lamanitas odos surmala, Nefitas weyob taisagua, ehmar nakisad, Lamanitas margine na tummarba imaidemala, tegi na gi nue pinsaedba yala tule sulidba nadmala kannar suegala.

9. Tegine pela we ibmar weyob kusa, tule pukidar purgisa sordamar soibo pela, teyobi kusa Nefitas, ar Lamanitas sordamala.

10. We pirgamar nadedgine Lamanitas kannar uludmala Nefitas bogua; ar Nefitas eisgusad na kwen nugusurmala, isgudih na kudmala.

11. Ar tule kuabin ba keg soilege, tule keg narmake, ise tummad ulutesad, tummad purgismala we neggweburmala, tegi pela kuage isgusmala, unnila tulemar oburgedginbi na pinsadmala.

12. Ar weyob isguhed kwen tailedsuli Lehi mimmimar abargine, Israel neggweburgi kwen weyob tailes surbali we isguhedi, tule tummad we soge igi we ibmar kunaid yobi, we neggwebur abargine.

13. Tegine Lamanitas neggwebur tule sulid na susmala, ar sordamar bur melu nikadbali Nefitas marbali.

14. Ar nadmarbali Teancum neggwebur sega ebo urwegala, tegi edulamar pela onosmala, ar tule pukidar selesa, omegan, tegi mimmimar, ePab ga oburgiledmala.

15. Wemar pirgamar nadgine Nefitas tummad ulude, Lamanitas, eomegan, emimmimar oburgismaladbali, urwedgi na nadmala, wehmar sega, tehgine Lamanitas gi obidsamala, eigargine onoledmala.

16. Tegi Lamanitas mar, Nefitas ebo bar uludsuli, ar pirga kwengi uludbali.

17. Ar we pirgargine. Kuable esordamar, Nefitas marse urwe nadmala; ar keg ebislege, sordamar pukidar nikadbali.

18. Wegihidba Nefitas bar tailed surmala, ar wehmar abargi yokud tailede.

19. Ar Lamanitas, neggwebur tule sulidba na toisamala, tegi tummad uludmala Nefitas mar pogua.

20. Tehgine Lamanitas gi wagidmala, ar Boas neggebur se nadmala; wegihdba Lamanitas ebo uludmala kandigidbali, na kannar uludmala.

21. Ar kannar nue uludmala, Nefitas kwen nakidsuli, ar tummad purgismala, eomegan, mimmigan ePabse oburgiledmala.

22. Tegi Nefitas kannar wagidmala, pela edulamar sesa igi neggweburmar, ar eneimala, pela sesmala.

23. Ar ani, Mormón Lamanitas, pela edulemar sesa an taidegua, tegine Shim yar se na nade, Ammarón ibmar narmaisad odugusad pela na onosa, ar Pab tummad sogedba imaisa.