Jebta 2
Jisōs eaar leļo̧k n̄an jon̄oulruo rikaļoor in riNipai kajoor n̄an leļo̧k mennin letok eo an Jetōb Kwōjarjar. Iturinļo̧k Ā.K. 401–421.
1 Naan ko an Kraist, ko Eaar kōnono n̄an ro rikaļooran, jon̄oulruo eo Eaar kāālet, ke Eaar likūt pā ko pein ioer—
2 Im Eaar kūr er kōn etaer, im ba: Kom̧ naaj kūr n̄an Jema ilo Eta, ilo jar ekajoor; im ālikin ami kar kōm̧m̧ane men in kom̧ enaaj wōr ami kajoor bwe n̄an eo kom̧ naaj likūt peimi ioon, kom̧ naaj leļo̧k Jetōb Kwōjarjar; im ilo Eta kom̧ naaj leļo̧k E, bwe āindein ro Aō rijjilōk rej kōm̧m̧an.
3 Kiiō Kraist eaar kōnono naan kein n̄an er ilo iien m̧oktata in waļo̧k eo An; im jarlepju eo eaar jab ron̄, a rikaļoor ro raar ron̄; im ioon jon̄an wōt eo raar likūt peier, eaar wōtlo̧k Jetōb Kwōjarjar.