1 Wāween eo rikaļoor ro, ro kar ņa etaer elder ro an kabun̄ eo, raar kapit pris ro im rikaki ro—

2 Ālikin aer kar jar n̄an Jemān ilo etan Kraist, rekar likūt peier ioer, im ba:

3 Ilo etan Jisōs Kraist ij kapit eok juon pris (ak eļan̄n̄e e ej juon rikaki, ij kapit eok juon rikaki) n̄an kwaļo̧k kōn ukeļo̧k im jeorļo̧k in jero̧wiwi ko kōn Jisōs Kraist, jān niknik in tōmak ioon Etan n̄an jem̧ļo̧kin. Amen.

4 Im ekkar n̄an wāween in raar kapit pris ro im rikaki ro, ekkar n̄an mennin leļo̧k ko im kūr ko an Anij n̄an armej; im raar kapit er jān kajoor eo an Jetōb Kwōjarjar, eo eaar ilo er.