Elder

Naan in elder ej jerbal ilo elōn̄ wāween ko ilo Baibōļ eo. Ilo Kallim̧ur Em̧or ekkā an ekkōnono kōn em̧m̧aan ro rerūtto ilo juon bwij, ro ekkā lōke er kōn jerbal ko an kien eo (Jen. 50:7; Josh. 20:4; Rut 4:2; Matu 15:2). Dettaer im imminene ko aer rekar kōm̧m̧an bwe kapilōk eo aer en aorōk. Ijoko jikier ekar jab meļeļein ke ej juon kūr ilo priesthood eo.

Ekar barāinwōt wōr elder ro kar kapit er ilo Melkizedek Priesthood eo ilo iien ko an Kallim̧ur Em̧or (Ex. 24:9–11). Ilo Kallim̧ur Ekāāl, elder ro kar kōnono kake er āinwōt juon opij ilo priesthood eo ilo Kabun̄ eo (Jemes 5:14–15). Ilubwiljin riNipai eo ekar barāinwōt ekkapit elder ro ilo priesthood eo (Alma 4:7, 16; Moro. 3:1). Ilo tōrean bōk eddo jab in, Josep Smith im Oliver Cowdery rekar elder ro m̧oktata n̄an ekkapit (K&B 20:2–3).

Elder ej kiiō taitōl eo leļo̧k n̄an aolep ro rej kabwijer Melkizedek Priesthood eo. N̄an waanjon̄ok, likao ro rej mijenede jej ān̄inn̄in er elder. Barāinwōt, juon Rijjilōk ej juon elder, im ekkar n̄an ekkōnono kōn ro uwaan Dolol eo an Jon̄oulruo ak eo an Jiljilimjuonn̄oul kōn taitōl in (K&B 20:38; 1 Pit. 5:1). Eddo ko an elder ro em̧ōj kapit er ilo Kabun̄ in rainin em̧ōj litok ilo revelesōn ko raan kein (K&B 20:38–45; 42:44; 46:2; 107:12).