Alma ļeo Nejin Alma
Ilo Bok in Mormon, riekajet eo eutiej im rikanaan eo m̧oktata ilo laļ eo an riNipai. Ilo iiō ko ej em̧m̧an dettan eaar kappukot n̄an ko̧kkure Kabun̄ eo (Mosa. 27:8–10). Ijoke, juon enjeļ eaar waļo̧kļo̧k n̄an e im eaar oktak tok n̄an gospel in (Mosa. 27:8–24; Alma 36:6–27). Tok ālik eaar etal jān ijo jikin āinwōt riekajet eutiej bwe en maron̄ katakin armej ro (Alma 4:11–20).
Bok eo an Alma
Juon bok emakeļo̧k ilo Bok in Mormon, ekitbuuj juon kōkadudu in ļo̧o̧k ko an rikanaan Alma, ļeo nejin Alma, im an ļeo nejin Hilamōn. Men ko rej waļo̧k ilo bok in rekar bōk jikier jān iturinļo̧k 91 n̄an 52 M.K. Bok in ewōr ie 63 jebta. Jebta 1–4 rej kōmmeļeļe kōn jum̧ae eo an rikaļoor ro an Nior im Amlijai ņae riNipai ro. Tariņae ko rekar jebar rekar jet ko im rekar kanooj nana tata n̄an tōre eo ilo bwebwenatoin riNipai. Jebta 5–16 ewōr ie bwebwenatoin ito-itak ko im̧aanļo̧k an Alma āinwōt juon mijenede, ekitbuuj sermon eo an kōn Seperd eo Em̧m̧an (Alma 5) im an kwaļo̧k naan ippān Amulek ilo jikin kwelo̧k Ammōnaia. Jebta 17–27 ewōr ie ļo̧o̧k eo an ļōm̧aro nejin Mosaia im ministry eo aer ilubwiljin riLeman ro. Jebta 28–44 ewōr ie jet ian sermon ko reaorōktata an Alma. Ilo Jebta 32 Alma eaar keidi naan eo n̄an juon ine; ilo jebta 36 eaar bar kōnono kōn bwebwenato in oktak eo an n̄an ļeo nejin Hilamōn. Jebta 39–42 rej ļo̧o̧ke naan in kapilōk ko an n̄an ļeo nejin Koriantōn, eo eaar lokjak ilo m̧ōm̧ an kanniōk; sermon in eaorōk ej kōmmeļeļeiki ekajet, tūriam̧okake, Jerkakpeje, im Pinmuur eo. Jebta 45–63 ej kōmmeļeļeiki tariņae ko an riNipai ro ilo tōre eo im em̧m̧akūt ko ium̧win Hagoth. Ritōl ro reļļap āinwōt rein Kapen Moronai, Tiankōm, im Liai rekar jipan̄ n̄an oņaake riNipai ro kōn peran eo im jejjet in iien ko an m̧akūtkūt ko aer.