Ebream

Ļo̧o̧k in etto ko kar jeje jān Ebream im rekar itok ilo oņaake eo an Kabun̄ in ilo 1835 eo. Ļo̧o̧k ko im jet mummie ko kar loi ilo katakomb ko ilo Ijipt jān Antonio Lebolo, eo eaar kajolōt Maikeel Chandler kaki. Chandler eaar kwaļo̧ki ilo United States ilo 1835. Jet jeran Josep Smith raar wiaiki jān Chandler im kar liļo̧ki n̄an Rikanaan eo, eo eaar ukōti. Jet iaan ļo̧o̧k kein kiiō maron̄ loi ilo Bōōr eo Eļap Wōņāān.

Jebta 1 ej ļo̧o̧ke imminene eo an Ebream ilo Ōr in Kaldia, ijo pris nana ro rekar kajjion̄ in katok kake e. Jebta 2 ej kōnono kōn ito-itak eo an n̄an Kenean. Irooj eaar waļo̧kļo̧k n̄an e im kōm̧m̧ani bujen ko ippān. Jebta 3 ej ļo̧o̧ke ke Ebream eaar lo universe im kile kōtaan ko ikōtaan iju ko ilo lan̄ ko. Jebta 4–5 rej bar juon ļo̧o̧k kōn Kōm̧anm̧an eo.

Armej ro me, jān pokake n̄an kien ko im kain̄i ko an gospel eo an Jisōs Kraist, rej bōki kallim̧ur ko im bujen ko Anij eaar kōm̧m̧ani n̄an Ebream. Em̧m̧aan im kōrā ro remaron̄ bōki kōjeraam̧m̧an kein eļan̄n̄e rej lukkuun jān bwijjin Ebream ak eļan̄n̄e rej kōkaajririktok er ilo nukwin eo an jān aer bōke gospel eo im peptaij (Gal. 3:26–29; 4:1–7; K&B 84:33–34; 103:17; 132:30–32; Ebr. 2:9–11). Ro rej lukkuun bwijjin Ebream remaron̄ m̧wijkōk jān kōjeraam̧m̧an ko aer jān jab pokake (Rom 4:13; 9:6–8).