Moses

Juon rikanaan ilo Kallim̧ur Em̧or ekar tōl riIsrael ro jān kōm̧akoko an riIjipt im leļo̧k n̄an er juon set in kien ko n̄an kabun̄, iiaio ippān doon, im m̧ōn̄ā āinwōt kar kwaļo̧ki jān Anij.

Ministry eo an Moses ekar erļo̧kļo̧k jān jeban ko an mour eo an ilo kanniōk. Josep Smith ar katakin bwe, kobaļo̧k ippān Ilaija, ekar itok n̄an Toļ in Kōjakkōlkōl eo im liļo̧k ki ko an priesthood eo ioon Piter, Jemes, im Jon (Matu 17:3–4; Mark 9:4–9; Luk 9:30; K&B 63:21).

Moses eaar waļo̧kļo̧k n̄an Josep Smith im Oliver Cowdery ilo Eprōļ 3, 1836 eo, ilo tampeļ eo ilo Kirtland, Ohio im likūt ioerro ki ko n̄an ainitok Israel (K&B 110:11).

Revelesōn ko ilo raan kein eļap aer ekkōnono kōn Moses. E ekkā ekkōnono kake ilo Bok in Mormon, im jān Katak im Bujen Ko jejeļā kōn ministry eo an (K&B 84:20–26) im bwe eaar bōk priesthood jān eo jelpān jemān Jetro (K&B 84:6).

Revelesōn ko ilo raan kein rej barāinwōt kapene bwebwenato ilo Baibōļ kōn ministry eo an ilubwiljin ro nejin Israel im bar kapene bwe e ekar rijeje eo an bok ko ļalem im rej jinoe Kallim̧ur Em̧or (1 Ni. 5:11; Moses 1:40–41).

Kar lo̧mo̧o̧ren e jān lio nejin Pero, Ex. 2:1–10.
Eaar ko n̄an Midian, Ex. 2:11–22.
Enjeļ eo an Irooj ar waļo̧kļo̧k n̄an e ilo juon mar eurur, Ex. 3:1–15.
Eaar kōjjeļā kōn mennin ko̧kkure ko renaaj kar itok ioon riIjipt, Ex. 7–11.
Irooj ar kajutake Kwōjkwōj in Kijoone eo, Ex. 12:1–30.
Eaar tōl ro nejin Israel n̄an kijoone Lom̧aļo Ekilmir, Ex. 14:5–31.
Irooj ar jilkinļo̧k manna n̄an āne jem̧aden, Ex. 16.
Eaar den̄ļo̧ke dekā eo ilo Horeb im dān ar to̧o̧rtok, Ex. 17:1–7.
Aron im Hur raar kotak pā ko pein bwe Joshua en anjo̧ ioon Amelek, Ex. 17:8–16.
Jetro ar kapilōk e, Ex. 18:13–26.
Ar kōpooj armej ro n̄an waļo̧kļo̧k eo an Irooj ilo toļ Sainai, Ex. 19.
Irooj ar kwaļo̧kiļo̧k Kien ko Jon̄oul n̄an e, Ex. 20:1–17.
E im jiljilimjuonn̄oul elder raar lo Anij, Ex. 24:9–11.
Eaar rupi tebōļ in kam̧ool ko im ko̧kkure kunen kau gold eo, Ex. 32:19–20.
Eaar ekkōnono ippān Anij jelm̧ae doon, Ex. 33:9–11.

Bok in Moses

Juon bok ilo Bōōr eo Eļap Wōņāān im ewōr ie ukok eo kar kabab-laļe Josep Smith kake kōn jebta ko jiljilimjuon in Jenesis.

Jebta 1 ej ļo̧o̧ke juon visōn eo me Moses ar Anij ie, eo ekar kwaļo̧k n̄an e aolepān karōk in lo̧mo̧o̧r eo. Jebta 2–5 rej juon bwebwenato in Kōm̧anm̧an eo im Wōtlo̧k eo an armej. Jebta 6–7 ewōr ie juon visōn kōn Inok im ministry eo an ioon laļ. Jebta 8 ewōr ie juon visōn kōn Noa im Ibwijleplep eo eļap.

Bok ko ļalem an Moses

Bok ko ļalem m̧oktata ilo Kallim̧ur Em̧or jej jeļā kaki bwe rej bok ko an Moses. Pileij brass ko Nipai ar bōki jān Leban ekar wōr ie bok ko an Moses (1 Ni. 5:11).