Im̧ōn Kwelo̧k

Juon jikin kwelo̧k kōjerbale n̄an un ko an kabun̄. Ilo iien ko an Kallim̧ur Ekāāl, men ko kobban rekar ļam waan, im rekobaik juon tōptōp eo ewōr ie bok lemlem ko an kien eo im jeje ko rekwōjarjar jet, juon tebōļ in kōnono, im jea ko n̄an rikabun̄-jar ro.

Juon ko̧o̧njeļ an jikin eo rej bōk eddo in kajjojo im̧ōn kwelo̧k. Er eo rej kōm̧m̧an jem̧ļo̧k kōn wōn aikuj in kadeļo̧n̄e im wōn ele inabōj in m̧wieo (Jon 9:22; 12:42). Opija eo eaorōktata ekar eo ej peek im̧ōn kwelo̧k eo (Mark 5:22; Luk 13:14). E ekkā an juon skraib, ekar bōk eddo in m̧weo, im ej tōl aolep m̧akūtkūt ko. Juon rijipan̄ ekar kōm̧m̧ani jerbal ko an rijeje (Luk 4:20).

Ekar wōr juon im̧ōn kwelo̧k ilo jikin kwelo̧k jidik otemjej ijoko riJu ro rekar jokwe ie, jim̧or ilo Palestine im ijoko jet. Men in ekar juon jipan̄ eļap ilo kajeeded gospel eo an Jisōs Kraist kōnke mijenede ro im̧aanļo̧k an Kabun̄ eo ekkā aer maron̄ kar ekkōnono ilo im̧ōn kwelo̧k ko (Jerb. 13:5, 14; 14:1; 17:1, 10; 18:4). Ejja imminene in wōt ekar pād ilubwiljin mijenede ro ilo Bok in Mormon (Alma 16:13; 21:4–5; 32:1) barāinwōt ilubwiljin mijenede ro im̧aanļo̧k ilo tōre in tarlep in tōrean iien bōk eddo ko (K&B 66:7; 68:1).