Hell

Revelesōn ko ilo raan kein āliktata rej ekkōnono kōn hell ilo diktata ruo jekjek ko. Kein kajuon, ej juon jikin kōppād ium̧win jidik iien ilo laļ eo an jetōb n̄an ro rekar jab pokake ilo mour in. Ilo wāween in, hell ewōr jem̧ļo̧kin. Jetōb ro ijeņ naaj katakin er gospel eo, im jet iien ālikin aer ukeļo̧k renaaj jerkakpeje n̄an juon tiikri in aiboojoj eo men rej tōllo̧ke. Ro reban ukeļo̧k, a jekdo̧o̧n n̄e rej jab nejin marok, renaaj pād wōt ilo hell ilo aolepān tōrean Meļļenium. Ālikin to̧ujin iiō kein in en̄taan, renaaj jerkakpeje n̄an juon aiboojoj in telestial (K&B 76:81–86; 88:100–101).

Kein karuo, ej ijo in eban oktak jikin ro kar jab lo̧mo̧o̧ren er jān Pinmuur eo an Jisōs Kraist. Ilo jekjek in, hell ej juon jikin eban oktak. Ej n̄an ro kar lo bwe rej “ettoonon wōt” (K&B 88:35, 102). En̄in ej jikineo ijo Setan, enjeļ ro an, im ro nejin marok—ro rekar kaarmejjete Nejin ālikin Jemān ar kwaļo̧k E—renaaj jokwe ie indeeo (K&B 76:43–46).

Jeje ko rekwōjarjar jet iien rej ba hell ej kapin marok.