Lōta eo n̄an RiGaletia

Juon bok ilo Kallim̧ur Ekāāl. E kar juon lōta Rijjilōk Paul eaar je n̄an Ro Rekwōjarjar rej jokwe iaolepān Galetia. Unleplep eo an lōta in ej bwe anemkwōj eo em̧ool maron̄ in loe wōt ilo mour ekkar n̄an gospel eo an Jisōs Kraist. Eļan̄n̄e Ro Rekwōjarjar rej bōki katak ko an riJu ro rej riKristian im rekar akweļap ilo kōjparok kien Moses, renaaj kar kōm̧m̧an jem̧ļo̧kin ak ko̧kkure anemkwōj eo rekar loe ilo Kraist. Ilo lōta in Paul eaar kwaļo̧k ia eo ej jutak ie āinwōt juon Rijjilōk, ar kōmmeļeļeiki katak in wānōk jān tōmak, im kapenļo̧k aorōk eo an kabun̄ eo jetōb epād ie.

Ilo jebta 1 im 2, Paul eaar kwaļo̧k an būrom̧ōj kōn ennaan eo ekar bōke kōn bun̄ jān tōmak eo ilubwiljin riGaletia ro im eaar kaalikkare ijo ej jutak ie ilubwiljin Rijjilōk ro. Jebta 3 im 4 rej ekkōnono kōn katak ko kōn tōmak im jerbal ko. Jebta 5 im 6 ewōr ie juon sermon kōn lukkuun waļo̧k ko an katak in tōmak.