Jenesis

Jenesis ej bok eo m̧oktata ilo Kallim̧ur Em̧or im kar jeje jān rikanaan Moses. Ej letok bwebwenatoin elōn̄ ijjino ko, āinwōt kōm̧anm̧an eo an laļ, likūti mennin mour ko im armej ioon laļ, Wōtlo̧k eo an Adam im Iv, revelesōn in gospel eo n̄an Adam, jinoin bwij ko im jowi ko, jinoin elōn̄ kajin ko ilo Bebel, im jinoin nokwe eo an Ebream im ej tōlļo̧k n̄an jutak eo an m̧weo im̧ōn Israel. Eddo eo an Josep āinwōt juon rioņaake an Israel em̧ōj kameejļo̧k ilo Jenesis.

Revelesōn ko raan kein rej kam̧ool e im kaalikkare bok in Jenesis (1 Ni. 5; Ether 1; Moses 1–8; Ebr. 1–5).

Ilo bok in Jenesis, jebta kein 1–4 ej waļo̧k kōm̧anm̧an eo an laļ in ie im eddekļo̧k in baam̧le eo an Adam. Jebta 5–10 rej ļo̧o̧ke bwebwenatoin Noa. Jebta 11–20 rej kōnono kōn Ebream im nokwe eo an ļo̧k n̄an iien eo an Aisak. Jebta 21–35 rej ļoore nokwe eo an Aisak. Jebta 36 ej kwaļo̧k kōn Iso im nokwe eo an. Jebta 37–50 rej kōnono kōn baam̧le eo an Jekab im letok bwebwenato eo kōn Josep im aer kar wiakake ilo Ijipt im ijo kuņaan ilo lo̧mo̧o̧ren m̧weo im̧ōn Israel.