Blaspim

Ekkōnono ilo jab kautiej ak jekkar kōn Anij ak men ko rekwōjarjar.

Jisōs kar ņa ruōn elōn̄ alen jān riJu ro kōn ekkōnono blaspim kōnke Eaar ba An jim̧we eo n̄an jeorļo̧k bōd (Matu 9:2–3; Luk 5:20–21), kōnke Eaar kūr E make Nejin Anij (Jon 10:22–36; 19:7), im kōnke Eaar ba renaaj kar lo E ej jijet ianbwijmaron̄ in kajoor im itok ilo kōdo̧ ko ilo lan̄ (Matu 26:64–65). Men kein ruōn renaaj kar m̧ool eļan̄n̄e E en kar jab lukkuun wōn eo Ekar ba ke ej E. Men eo ņa ruōn kake jān rikam̧ool ro reriab ilo iien ekajet eo im̧aan Sanhedrin eo (Matu 26:59–61) ekar bwe Eaar blaspim ņae tampeļ eo an Anij. Blaspim ņae Jetōb Kwōjarjar, eo me ej ilo ejjeļo̧k kipel kariab Kraist ālikin kar bōke juon jeļāļo̧kjeņ eweeppān kōn E, ej jero̧wiwi eo jamin jeorļo̧k bōd kake (Matu 12:31–32; Mark 3:28–29; K&B 132:27).