Menassa
Ilo Kallim̧ur Em̧or, ļeo erūttotata nejin Asinat im Josep eo kar wiakake n̄an Ijipt (Jen. 41:50–51). E im ļeo jein Ipreim rekar jibwin-jibwin Jekab (Israel) a kar kōkaajririk im kōjeraam̧m̧an jān e āinwōt n̄e rekar em̧m̧aan ro nejin make (Jen. 48:1–20).
Bwij eo an Menassa
Ro bwijjin Menassa rekar bōnbōn ilubwiljin bwij ko an Israel (Bōn. 1:34–35; Josh. 13:29–31). Kōjeraam̧m̧an eo an Moses n̄an bwij eo an Josep, eo kar leļo̧k barāinwōt n̄an Ipreim im Menassa, em̧ōj ļo̧o̧ke ilo Duteronomi 33:13–17. Āneo kōjjemo̧o̧je n̄an er ekar pād iturilikin Jordan im epaakeļo̧k eo an Ipreim. Ekar barāinwōt wōr aer armej rekar jokwe irear in Jordan ilo bwidej ko reūne in Bashan im Giliad. Ilo raan ko āliktata, bwij eo an Menassa enaaj jipan̄ bwij eo an Ipreim ilo ainitok Israel eo ejjeplōklōk (Dut. 33:13–17). Liai, rikanaan eo ilo Bok in Mormon ekar juon jān bwijjin Menassa (Alma 10:3).